Урок обучение грамоте по крымскотатарскому языку "И сес, Ии арифлер"

Къырымтатар  тили  (окъув)  1  сыныф  (Перспектив  башлангъыч  мектеп)

Мевзу: [и]  созукъ  сес,  И,и  арифлер

Макъсат:  созукъ ариф ве сеслернинъ эсас хусусиетлерини анъламасына ярдым этюв.

Дерс  меселелери:

·       Созукъ  сеслер  агъыздан  сербест  чыкъа

·       Арифнинъ  темашыджы  колеми

·       «Сес»  ве  «ариф»  анъламларыны  шекиллендирюв

·       Сёзде  сеслерни  эшитмек  ве  догъру  теляфуз этмек.

I.      Тешкилий  дакъкъа

Бир  биринъизге  бакъып  кулюмсиренъиз.  Энди  берабер  тылсымлы  ибарени  айтайыкъ  «мен  чокъ  шей  бильмеге  истейим».                                                                                                                                              

II. Дерснинъ  мевзусыны  бельгилев..                                                                                   

 Балалар,  дерс  мевзусыны  бильмек  ичюн  биз  зекий,  зеинли  ве  дикъкъатлы  олмакъ  керекмиз.

Тапмаджаны  динъленъиз  ве  джевабыны   айтынъыз.

Сизге тиктим кольмек, къалпакъ.

Озюм исе къалдым чыплакъ.  (ине)

Бугуньки дерснинъ мевзусыны бельгиленъиз.

- Бойлеликнен, биз ариф ве сеснен ишимизни девам этемиз.

Сес ве ариф акъкъында насыл къаиде билесинъиз?

[и] сеснинъ характеристикасыны беринъиз.

III.             Ресим ве схема ярдымынен берильген сёзлерни тасвир этюв.

1).  Балалар, сизлер муджизе инанасызмы?  (джеваплар)

       Мен де инанам. шимди биз озюмиз тасавурымызда муджизе яратайыкъ. Козьлеринъизни юмунъыз. Энди исе ачынъыз.  Къайдамыз биз шимди? (орманда)

 Джанаварлар да мектептелер. Оларнынъ оджасы – аюв. О пек серт.

Оларда  окъув  дерси.   Биз  оларгъа  ярдым  этейик.

Къана,  аюв   къайсы  саифени  ачмакъны  талап  эте.

Ачынъыз.

Тавшанчыкъкъа  вазифени  беджермеге  ярдым  этейик.

Бакъынъыз,  саифенинъ  кошесинде  ненинъ  ресими .

Сёзни  айтынъыз.  Сёзнинъ  къач  сеси  бар?  Сёзнинъ  моделини  окъунъыз.  Эр  бир  сесни  айтынъыз.  Ине  сёзюнде  [и]  сеси  къайда  тура

Бу  сёзнинъ  даа  насыл  маналары  бар?

·       Тикиш  инеси

·       Кирпининъ  инеси

·       Наратнынъ  инеси  (инеяпракъ)

2) Сёзнинъ  моделлерини ресимлернен  келиштиринъиз 

3)  Физкультдакъкъа. ( Наратчыкъ)

4) Нутукъ  инкишафы.

Ресимлерге бакъып  джумлелер  тизюв.

5)  Сыныфтан  тыш  окъув.  Оджа  «Акъыллы  кирпи  ве  айнеджи  тильки»  масалны  окъуй.  Талебелер  динълей  ве  ресимлернен  тенъештире. 

6) Сеслерни  пекитюв

Масалны  динълегенде,  расткельген  (И)  сесли  сёзлерни  айтынъыз.  Бу  сес  сёзнинъ  къайсы  къысымында  эшитиле?

IV. Рефлексия.

Дерсте  нени  бегендинъиз?.

Насыл  къыйынлыкъларны  расткетирдинъиз?

.