«Қайнар» мектеп – гимназия» коммуналдық мемлекеттік мекемесі
Дайындаған: Мамыртаева Д. Ө.
2015 – 2016 оқу жылы
Әліппемен қоштасу ертеңгілігі
Мақсаты: Оқу тілін
дамытып, сөздік қорын молайту. Оқушылардың әләппеден алған білімдерін
тиянақтау. Әр оқушының іс-әрекеттері арқылы икемділігін, қабілеттерін көрсету,
шығармашылық мүмкіндіктерін ашу.
Барысы: Ата немересін жетектеп келеді.
Автор: Жеті жасар баласын,
Жетпісте шал жетектеп.
Келе жатыр көшеде
«Қайда әлгі мектеп»-деп
Жетпіс келед жүгіріп
Ата:
Бала, балам жақсы бол,
Міне, сенің мектебің
Сабағыңа зейін сал
Ақылды бол тентегім
Немере: Қыркүйекте келдім де
Сыныпқа кірдім қуанып,
Қарсы алды ұстаз мейіріммен
Қадамымды құп алып
Мұғалім: Армысыздар құрметті
қонақтар, оқушылар! Шәкіртердің қолдарына тұңғыш рет ұстап, бетін ашқан оқулығы
«Әліппе». Барлық ғылымның атасы, болшағымыздың негізі-әліппені бітіру тойына
хош келіпсіздер дей отырып, ертеңгілігімізді бастайық.
1-жүргізуші:
Қайырлы күн, уа,халайық!
2-жүргізуші:
Армысыздар, мұғалімдер, әз жандар
Білім іздеп, инемен
құдық қазғандар
Құшақ жая қарсы аламыз сіздерді,
Би билеп, әнде бүгін шырқалар.
1-жүргізуші:
Көз салып қарасаңызшы бойымызға
Ортақ боп бүгінгі өскен ойымызға
Хош келіпсіз,ұстаздар,
ата-аналар,
Әліппемен
қоштасу тойымызға
Мұғалім: Өсті міне
бойларың
Өсті ақыл-ойларың
Қуанышқа ортақпын,
Құтты болсын тойларың!
Балалар мен сендерге сұрақ қоюдан бастайын.Сендер оған жауап
айтыңдаршы.
Іші толы әріпке,
Білімдегі жарық не?
Хормен:
Болашаққа жол ашар
Ол сүйікті –Әліппе!
Ол сүйікті-Әліппе
Мұғалім: -Олай
болса, бәрімізге ең қымбат Әліппені ортаға шақырайық.
Хормен: Әліппе!
Әліппе! Әліппе!
Әліппе:
Армысыздар жас достар!
Армысыздар, ата-ана!
1-оқушы:
Әліппем менің Әліппем,
Сені қолға алып мен.
Есігін аштым мектептің,
Ертеңгі сәуле жарықпен
2-оқушы:
Келгенде агғаш мектепке
Білмеуші едік әріпте,
Оқимыз қазір ертекте
Үйреткен оны Әліппе!
3- оқушы:
Әліппе деген алтын жол
Апарар сені алысқа.
Жеңіл емес ауыр ол
Тырысып
бақ намысқа
4- оқушы:
Ас біткенің атасы
Қасиетті
нан осы
Қайсы әріптен басталып
Аяқталған қарашы
5- оқушы:
Жағасында ертіс тұр
Семей деген қалам бар
Туған мұнда атақты
Абай, Мұқтар бабалар
6- оқушы:
Қане бері қарайық
Зейін қойып тыңдайық
Әріптермен танысып
Тақпақтардан бастайық
7- оқушы:
Бар кітапқа бас болған
Әліппе –ғылым анасы
Әліппе ден басталған
Даналықтың данасы
8- оқушы: Мектебің мынау класың
Осында он жыл тұрасың
Тарыдай болып кіресің
Таудай болып шығасың
9- оқушы:
Ұя жасап тақтайдан
Талға апарып байладым
Жыл құсының шаттанып
Күттім қашан сайрауын
Сол ұяны талғады
Қараторғай мекендеп
Күні бойы сайрады
Жайлы пәтер екен деп
10- оқушы:
Футбол деген ойынға
Барлық бала құмар-ақ
Бірақ жолдың бойында
Доп теппеңдер қуанып
Бала болсаң талапты
Біліп өскін Фарабты
Әлемге атын таратты
11- оқушы:
Шахтерді ел біледі
Оған сарай-жер асты
Көмір қазып жүреді
Қопарып ол тау-тасты
Бала оқитын зәулім үй
Қалмау үшін суынып
Көмірден тау үйеді
Беру үшін жылылық
12- оқушы:
Циркте жұрт самсаған
Мәз болса деп жан салам
Ду күлдірсем оларды
Қуанамын мен соған
13 – оқушы:
Сырғанайды екеуі
Мұз айдынға кеп бірге
Желді қуып жетеді
Екпін қосып екпінге
Жұлдызы боп бар елдің
Тұрар биік әманда
Чемпионы әлемнің
Болар күні әлі алда
14- оқушы:
Самал желде шалқар көлде
Демаламыз қайтамыз
Бар дауыспен әнге
салып,
Лагерь жырын айтамыз
Ендігі
кезекті ұстаздар жайлы тақпақтарға береміз:
Олжас: Шәкірт қана алаңы
Өсиеті адалдық
Тентек сотқар баланы
Шығаратын адам ғып
Тәрбиелі саналы
Ол ұстазым сүйікті
Мұғалім: Рахмет балалар, Білмесбек болмай, Білгішбек болдыңдар!
Сахнаға кір-қожалақ Білмесбек келеді: Мыналар неге жиналған-әй. Менің атымды атаған қайсың?
Балалар: Білмесбек
біз «Әліппемен қоштасу» ертеңгілігін өткізіп жатырмыз.
Білмесбек:-Әліппемен
қоштасу?! Қоштасыңдар, қоштасыңдар! Қой мен кетейін. Чао! (кетіп бара жатып, бір
баланың шарына ұмтылады)
Бала: Тиіспе
менің шарыма. Мұнда әріп жазылған.
Білмесбек: Әріп дейді.
Қайдағы әріп, мынау доңғалақтың суреті, ал мынау есіктің суретін салып
қойыпты-ей. Бұлардың бәрін мен Әліппені оқымай-ақ білемін.
Мұғалім: Ол не
дегенің Білмесбек. Бұлар О, П әріптері. Дегенмен балалар Білмесбектің сөзінің
жаны бар. Әрбір әріп бір нәрсеге ұқсас. Кәне, енді мақалдар құрастырып, оқу
сауатымызды көрсетейік. Мақалдарды дұрыс оқу үшін сандарды өсу ретімен
орналастыру керек. Содан соң шаққан сөзді оқимыз.
Білмесбек бірнеше рет ұмтылып, балалармен бірге жауап бергісі
келеді де, әріпті білмейтіні есіне түсіп, желкесін қасиды.
Мұғалім:
Міне Білмесбек, көрдің бе? Балалар әріпті қалай жақсы біледі.
Бала:
Бұның дұрыс болды. Тек алдымен үсті-басыңды тазалап, жөнге сал. «Әліппені»
таза, ұқыпты балалар ғана ұстайды.
Білмесбек киімдерін жөндеп мұқият тыңдайды.
Бала: Жарайды.сен
балалардың өнерлерін тамашалап тұр. Ал балалар енді біз ұстаздарға арналған
тақпақтарымызға кезек берейік.
Ұстаздарға арнау:
Шәкірт қана алаңы
Өсиеті-адалдық
Тентек сотқар баланы
Шығаратын адам ғып
Тәрбиелі, саналы
Ол ұстазым саналы
Олжас:
Тастай берік сөзіне
Ғұмыры асып тастаған
Ұлылырдың өзіне
Ең құрметті басты адам
Тәрбиелі, білікті
Ол ұстазым сүйікті
Гүлнұр:
Ата-анадан кейінгі
Екінші адам өмірде
Бала бол деп зейінді
Тәрбиелі білімді ол ұстазым Сүйікті.
Нұрбақ:
Келгенімде алдыңа
Қызыл арай гүл алып,
Жақын тарттың жаныңа
Шәкіртім деп қуанып
Сипадың да басымнан
Әліппені ұсындың.
Бақытымның осыдан
Басталғанын түсіндім.
Ән
«Ұстазым» орындайтын хор
Хормен: Қош бол, қош бол, құтты Әліппе!
Мұғалім:
Әліппемен қош айтысып қаламыз
Енді қолға ана тілін аламыз
Ата-ана қуанышқа ортақ бол,
Сауатты боп шықты міне балаңыз!
Мұғалім: Анатілін шақырамыз
Ана тілің арың бұл
Ұятың боп тұр бетте
Өзге тілдің бәрін біл
Өз тіліңді ұмытпа
Шарықтап қиялым
Зердеме ой құямын
Бір-бір мектеп Ыбырай
Абай Ахмет зиялым
Табыстырам бәріңді
Өлең жыры әнімен
Өрісіңді кеңейтіп
Шежіре айтып әріден
Қысы менен білімнің
Бәрі-бәрі мен.
Мұғалім: Математика
еліне саяхат:
Қосудың
компонентерін атаңдаршы
Азайтудың компонентерін атаңдар
Ең кіші бір
таңбалы сан
Ең үлкен
бір таңбалы сан
Жұмбақ
жасыру:
1.Бес
бұтақты қайыңда
Бұтақ сайын бес алма
Біреуін бер сайынға
Сонда қалды неше алма?
2. Тепсең
ақ секіріп
Ұстатпай қашады
Бір жерге бекініп
Тұра алмай сасады. Доп
3. Күн мен
түн қалай басталады?
4. Адам
есектен неге құлайды?
5. 10
ешкіден 5 қойды алсақ неше ешкі қалады?
Енді балалар отан туралы тақпақтарымызға кезек береміз.
1-оқушы:
Отан –жерім, Отан-суым
Отан қуат , нәр береді
Отан-ұран, Отан-туым
Отан мәңгі гүлденеді!
2-оқушы:
Отан-сенің ата-анаң
Отан досың, бауырың
Отан-өлкең, астанаң
Отан-аудан, ауылың
3-оқушы:
Отан-тарих, Отан-тіл,
Жасаған елің, ер халқың.
Отан-өлең, Отан-жыр,
Көтерген көкке ел даңқын
4-оқушы:
Отан-осы, достарым,
Көңілге мұны түйе біл.
«Отан» деп өс, жас қауым
Оны ардақтап сүйе біл!
5-оқушы:
Бабалардың көзіндей
Даналардың сөзіндей,
Ұлы дала тұрғызды
Ұлы қала өзіндей
Отанымның төрінде,
Сарыарқаның өрінде
Ту ұстаған Астанам-
Әсем қалам, бас қалам!
Мұғалім: Балалар бізді осындай күнге жеткізіп, бірге қуанып, бірге ренжіп
жүрген әкелеріміз бен әжелеріміз, аналарымызға мың алғыс айтамыз. Ендігі ән
шашуымыз сіздерге арналады, қымбатты ата-аналар!
Ендігі кезекте концерттік бағдарламамыз. Көріп тамашалаңыз!
«Аққу» биі
«Мектеп вальсі»
«Мектебім» әні
Қара жорға» биі
«Жігіттер» биі
«РОК – Н – РОЛЛ» биі
«Көк туым желбірегені»
әні
«Ладушки» орыс биі
Мектеп директорының
оқу-тәрбие ісі жөніндегі орынбасары Мырзабаева Баян Бекмұратқызы және бастауыш
сынып әдістемелік бірлестігінің жетекшісі Ақылбекова Гульнара Нартайқызы
балаларға жылы лебіздерін білдірді.
Сөз кезегі ата-аналарға
Оставьте свой комментарий
Авторизуйтесь, чтобы задавать вопросы.