Урок по башкирскому языку на тему "Режим дня. Чередование согласных к-г, п-б, ҡ-ғ."

Режим дня.

Чередование согласных к-г, ҡ-ғ, п-б.

 Көн тәртибе. К-г, ҡ-ғ, п-б тартынҡыларының сиратлашыуы

(5 класс)

Маҡсат. Тартынҡыларҙың сиратлашыу ҡағиҙәләре менән таныштырыу, уны телмәрҙә ҡуллана белеү. Хәтерҙе үҫтереү.

Яңы һүҙҙәр үҙләштереү, ҡуллана белеү.

Дәрес барышы.

1.  Ойоштороу моменты.

Бөгөн уҡыусылар беҙ һеҙҙең менән сәйәхәткә сығабыҙ. Беҙ һеҙҙең менән ракетала осабыҙ.

2.  Беренсе туҡталыш: “Шаяндар”

Фонетик күнегеү.

Шиғыр ҡысҡырып уҡыу

Минең өләсәйем уңған,

Бик тә тәмле ҡоймағы.

Әһә, һиҙҙем: мин бит уның –

Көтөп алған ҡунағы.

Ған-ған-ған Өләсәйем бик уңған

Ғы-ғы-ғы Бик тә тәмле ҡоймағы.

Ның-ның-ның Әһә, һиҙҙем: мин уның –

Ғы-ғы-ғы Көтөп алған ҡунағы.

3.  Икенсе туҡталыш: “Уңғандар”

Яңы тема өҫтөндә эш.

Һүҙҙәрҙе тәржемә итеп таҡтаға яҙыу

Книга, учебник, мяч, школа, ложка.

Китап                             минең китабым

Дәреслек                       минең  дәреслегем

    Туп                                минең тубым

    Мәктәп                               минең мәктәбем

     Ҡалаҡ                            минең ҡалағым

    Алдан яҙылған плакатты таҡтаға элеп ҡуйыу.

    Хор менән миҫалдарҙы уҡыу.

    Уҡыусылар, ҡарағыҙ әле, ошо миҫалдарға ҡарап  

    ниндәй  һығымта эшләргә була?

    Дәреслектән ҡағиҙәне уҡыу, һығымта яһау.

4.  Өсөнсө туҡталыш: “Ял итеп алыу”.

Буратино кирелде,

Уңға эйелде,

Һулға эйелде.

Асҡысын таба алмағас,

Аяҡ осона баҫты.

5.  Дүртенсе туҡталыш: “Минең көн тәртибем”

Һәр бер уҡыусы үҙенең көн тәртибен һөйләргә әҙерләнә.

6.  Бишенсе туҡталыш: “Тапҡырҙар.” “Ижеккә һүҙ табыу” уйыны.

Класс ике командаға бүленә, бирелгән ижектәргә һүҙ килеп сыҡһын өсөн тағы ла ижектәр ҡушып яҙырға.

1 команда                                 2 команда

та – (ба)                                       төл – (кө)

бай – (рам)                                  бәш – (мәк) 

ҡап – (ҡан)                                   кәр – (тә)

я – (лан)                                       е – (ләк)

ҡо – (яш)                                      кө - (рәш)

ал – (ма)                                      ҡы – (яр)

7.  Алтынсы туҡталыш: “Зирәктәр”

Карточкалар менән эш

Хаталарын төҙәт

1 команда                                      2 команда

    Тупы                                               күҙлеке

Рюкзакы                                         ҡармаҡы

Китапы                                            ҡалаҡы

Мәктәпе                                          ҡулдәке

8.  Етенсе туҡталыш: “ Өлгөрҙәр”

Бирелгән һүҙҙәрҙән кем тиҙ һәм дөрөҫ һөйләмдәр төҙөй.

 Ҡурай, ҡунаҡ, ҡалаҡ, йомортҡа, һыйыр.

9. Дәресте йомғаҡлау. Уҡыусылар, бөгөн беҙ һеҙҙең менән нимәләр өйрәндек? Нимәләр һеҙгә оҡшаны?   Баһалар ҡуйыу.