5 клас
Урок. Шанаванне мудрасці і
вопыту бацькоў у творы
Уладзіміра Караткевіча
“Нямоглы бацька”
(2-і
ўрок з двух у тэме)
Мэта:
удасканаленне ўменне вучняў характарызаваць герояў паводле іх
паводзін і ўчынкаў
Задачы асобаснага развіцця:
стварыць сітуацыю
свядомага маральнага выбару вучняў у адносінах да старэйшых і хворых людзей;
стварыць умовы для
развіцця ўменняў вучняў суадносіць учынкі герояў і матывы іх паводзін.
Абсталяванне:
Партрэт У. Караткевіча, ілюстрацыі вучняў да казкі “Нямоглы
бацька”, аўдыёзапіс музыкі “Пяшчота” Ф. Шапена, асацыятыўна-вобразныя малюнкі для разважання – астравы Жорсткасці,
Адвагі, Надзеі; шкала дабрыні.
Ход урока
1 этап: арыенціровачна-матывацыйны
Арганізацыйны момант. Уступнае слова настаўніка
Сёння мы прадаўжым працу над
цудоўным творам нашага славутага земляка Уладзіміра Сямёнавіча Караткевіча,
пяру якога належаць шматлікія творы самых розных жанраў, у ліку якіх і казка
“Нямоглы бацька”, якую мы чыталі на папярэднім уроку.
Пісьменнік выразна
разумеў, што значыць добрая казка. Яна захапляе чытача, выклікае ў яго глыбокія
пачуцці, штосьці падказвае, чамусьці вучыць. Таму Уладзімір Караткевіч,
ствараючы свае казкі, абапіраўся на народную мудрасць, духоўныя каштоўнасці продкаў…
Матывацыя:
Вы вучыцеся ў спартыўнай
школе, многія з вас займаюцца сур’ёзна пэўным відам спорту.
?А ці ведаеце вы, на якіх
каштоўнасцях грунтуецца алімпізм?
Каштоўнасці алімпізму: ДАСКАНАЛАСЦЬ
СЯБРОЎСТВА
ПАВАГА
а) у спорце (выкананне правіл,
добразычлівасць да суперніка)
б) у жыцці (адносіны
да сябе, тых, хто побач, да прыроды…)
??? КЛЮЧАВОЕ
ПЫТАННЕ ўрока
Які наказ
НАМ, сучаснікам, дае У.Караткевіч у казцы?
Мэтавызначэнне
Чым будзем займацца на сённяшнім уроку, вы мне дапаможаце
вызначыць.
У якасці падтэмы ўрока я абрала радкі з
тэксту казкі:
"І так
памёр Закон стары. І так стаў новы Закон".
Як вы думаеце, аб чым мы з вамі будзем весці гутарку?
( Мы будзем гаварыць аб тым, што гэта за стары Закон і чаму ён
памёр, і які Закон прыйшоў на змену старому Закону; зразумеем, які наказ нам дае аўтар твора).
Пасля вызначэння
мэтаў урока настаўнік прапаноўвае вучням крытэрыі ацэнкі – НаШтоБуЗУ (на што
будзем звяртаць увагу):
1) паўната
адказу;
2) аргументаванасць;
3) дапаўненні
па ходу гутаркі;
4) ПАВАГА да
аднакласнікаў.
Актуалізацыя ведаў па тэме
Перад тым, як
аналізаваць твор, давайце з дапамогай крыжаванкі паўторым некаторыя
пытанні тэорыі літаратуры і ўспомнім галоўных герояў казкі “Нямоглы бацька”. Дадатак
1
2 этап: аперацыйна-пазнавальны
Ключавое
слова нашай крыжаванкі – ЗАКОН.
А
што такое закон?
(слова
вучням, якія рыхтавалі тлумачэнні незразумелых слоў)
закон
– агульнапрынятае правіла грамадскіх паводзін, звычай.
Дык які ж быў закон у
тых дзікіх людзей? (вучні зачытваюць
- с. 89)
Як
гэты закон называе аўтар? (закон карысці)
Што
такое карысць?
(карысць
– добры вынік, выгада; польза, нажива)
Чым
жа карысны быў гэты закон для дзікіх людзей? (вучні зачытваюць
- с. 89)
Паглыбленне ведаў
Закон, як жывая істота,
паганы. Падбярыце, калі ласка, да прыметніка "паганы" блізкія па
значэнні словы. Як яшчэ можна назваць гэты Закон?
!!! Закон(звычай) -
дзікі, нялюдскі, жорсткі, бязлітасны і інш.
Паганы, дзікі, жорсткі Закон выпрабоўвае трох герояў. Паслухайце
радкі з тэксту, пазнайце і назавіце героя, растлумачце, як гэтыя радкі
характарызуюць адносіны герояў да старога Закона.
1) "Няма чаго ў рот валачы, калі
барану валачыць не можаш"(Гнат).
2) "- Ты чаго гудзіш, як свіння?..
Чаго так пільна хочаш? Крыві чужой?"(Пятро)
3)"І мы ўсе, хто на парозе, - перад
дарогаю ў лес - вырашалі патаемна: лепей ужо там легчы, чым ад сваіх..."
(Бацька)
А цяпер давайце крышку
пафантазіруем. Уявім, што жыццё – гэта акіян. І раптам у гэты акіян Жыцця
ўрываецца Закон і рассяляе нашых герояў па трох астравах: ЖОРСТКАСЦІ,
НАДЗЕІ, АДВАГІ. Дадатак 2
Як вы думаеце, куды хто
трапляе? Рассяліце герояў.
(востраў Жорсткасці - Гнат,
востраў Мудрасці - бацька,
востраў Адвагі - Пятро).
Адкуль узяліся
такія назвы астравоў?
(адпаведна паводзінам і
ўчынкам герояў)
Чаму Гната
пасялілі на востраў Жорсткасці? Ахарактарызуйце гэтага героя, карыстаючыся
матэрыяламі папярэдняга ўрока
!!! (адначасова
вядзецца запаўненне шкалы дабрыні, якая ляжыць на стале ў кожнага вучня)
Каму
з герояў вы далі б лодку, каб ён не загінуў адзін на востраве?
Чаму?
Ахарактарызуйце
Пятра і яго бацьку (чытанне ўрыўка па ролях, с.93, тлумачэнне слова гершкі)
Звернемся да
прапанаваных прыказак і падумаем, што іх аб’ядноўвае, якое выслоўе лішняе і
чаму. Дадатак 1
1.Бацькоў шануй – старых паважай.
2.Як ты шануеш бацькоў, так цябе будуць
шанаваць твае дзеці.
3.Шануй бацьку і родную матку.
4.На чужой старане і сонца не так свеціць.
5.Добрыя дзеці бацьку і маці – апора ў
хаце.
ФІЗІЧНАЯ
ХВІЛІНКА. Дадатак
2
Якія мудрыя словы сказаў
сын у СВАЁ апраўданне перад грамадой? Знайдзіце і
зачытайце іх. Як вы разумееце іх сэнс? (с.98)
Жылі сілай, а розум
забывалі. Жылі сённяшняй карысцю. Знішчалі "ўчора" і таму не мелі
права на "заўтра".
Што такое ўчора? (Старыя, мудрыя
людзі)
Што такое заўтра?
(Моладзь, дзеці)
Калі ж знішчаць
бацькоў, саму мудрасць, што ж застанецца заўтра?
Праца
ў парах па картках. Дадатак 1
З пералічаных рыс характару выберыце і
падкрэсліце тыя, якія характарызуюць: а) Гната; б) Пятра; в) бацьку.
Добры, злосны, разумны, грубы,
смелы, жорсткі, крыклівы, мудры, міласэрны, уважлівы, кемлівы, бессардэчны,
рашучы.
3 этап: кантрольна-карэкцыйны і
рэфлексіўны
Ці згодны вы з выразам
"Казка - добрая падказка"?
(Казка - урок мудрасці,
дабрыні, любові)
Якую
падказку робіць нам Уладзімір Караткевіч?
(
Трэба шанаваць сваіх бацькоў, быць добрымі, чулымі, міласэрнымі)
Казка заканчваецца
словамі: "І так памёр Закон стары. І так стаў новы Закон".
Пры дапамозе дзеясловаў, запісаных на
дошцы, складзіце пункты новага Закона.
Паважайце...
Цаніце...
Беражыце...
Дапамагайце...
Прыслухоўвайцеся...
Віншуйце...
Наведвайце...
Падвядзенне вынікаў і
выстаўленне адзнак
Якія жыццёвыя ўрокі
і правілы вы возьмеце з сённяшняй размовы?
Як
вы думаеце, ці задаволены былі б вашымі адказамі бацькі?
Паспрабуем з вамі
сфармуляваць новы Закон у выглядзе сінквейна.
1.Бацька.
2.Мудры і добры.
3.Гадуе , вучыць і любіць
4.Дзеці абавязаны шанаваць бацькоў.
5.Абаронца (сябар, жыццё).
Рэфлексія
Гучыць музыка “Пяшчота” Ф. Шапена.
Які наказ
НАМ, сучаснікам, дае У.Караткевіч у казцы?
Шануйце дабрыню, хай і слабую. Шануйце
мудрасць, хай сабе нямоглую, насіце на руках бацькоў.
Калі распачынаюцца Алімпійскія
гульні, кожны спартсмен дае клятву, абяцае, што не будзе парушаць законы,
правы, будзе з ПАВАГАЙ ставіцца да свайго суперніка.
На першым уроку па вывучэнні
твора, вы сцвярджалі, што ўжо дарослыя, прыводзілі аргументы, і нават
прадэманстравалі свой подпіс, падкрэсліўшы, што можаце браць на сябе
адказнасць. Вы пакляліся. У чым?
(Будзем шанаваць дабрыню, хай і слабую,шанаваць
мудрасць, хай сабе нямоглую, насіць на руках бацькоў. Клянёмся!!!)
Кожная клятва прадугледжвае і пакаранне за
адступленне. Тут такога няма. Але вы павінны запомніць, што выкананне гэтай
клятвы – вялікі крок не толькі да таго, каб стаць дарослымі, але і да таго, каб
лічыцца сапраўдным ЧАЛАВЕКАМ, а не дзікай істотай, якой былі напачатку ўсе
героі казкі “Нямоглы бацька”.
4.Дамашняе заданне
Скласці 5-6 сказаў на
тэму”Чаму трэба паважаць бацькоў?”- абавязкова запісаць у
сшытак (можна напісаць верш)
ці скласці
сінквейны “Бацькі” / “Дзеці”.
Дадатак 1
Уладзімір Караткевіч. “Нямоглы
бацька” 5 клас
КРЫЖАВАНКА
1.Вуснае мастацкае апавяданне з элементамі
выдумкі і фантазіі.
2. Галоўны герой твора, багаты жыццёвы вопыт
якога не раз выратоўваў вёску.
3.Трапнае народнае выслоўе з павучальным
зместам.
4. Герой твора, які парушыў дзікі закон
карысці.
5.Адмоўны герой, якога прагналі з вёскі.
ПРЫКАЗКІ. Якое выслоўе лішняе?
1.Бацькоў шануй – старых паважай.
2.Як ты шануеш бацькоў, так цябе будуць
шанаваць твае дзеці.
3.Шануй бацьку і родную матку.
4.На чужой старане і сонца не так свеціць.
5.Добрыя дзеці бацьку і маці – апора ў
хаце.
***
З пералічаных рыс характару выберыце і
падкрэсліце тыя, якія характарызуюць: а) Гната; б) Пятра; в) бацьку.
Добры, злосны, разумны, грубы,
смелы, жорсткі, крыклівы, мудры, міласэрны, уважлівы, кемлівы, бессардэчны,
рашучы.
Д/З
Скласці 5-6 сказаў на тэму”Чаму трэба паважаць бацькоў?”-
абавязкова запісаць у сшытак (можна напісаць верш)
ці скласці
сінквейны “Бацькі” / “Дзеці”.
|
к
|
а
|
з
|
к
|
а
|
|
с
|
ц
|
я
|
п
|
а
|
н
|
|
|
п
|
р
|
ы
|
к
|
а
|
з
|
к
|
а
|
п
|
я
|
т
|
р
|
о
|
|
|
г
|
н
|
а
|
т
|
|
|
|
|
|
|
|
|
|
|
|
|
|
Дадатак
2
ФІЗІЧНАЯ ХВІЛІНКА
Прапаную вам
паспрабаваць перадаць вобраз нямоглага чалавека пры дапамозе рухаў. А каб мы
маглі з вамі ўбачыць розніцу паміж нямоглым і моцным чалавекам, вы будзеце
паказваць дзеянні так, як бы іх мог выканаць бацька, а як Пятро.
Узяў
бацька касу і пайшоў на луг.
Побач
з ім, ускінуўшы касу на плячо, ішоў Пятро.
Навастрыў
бацька касу.
І
Пятро зрабіў тое ж.
Пачаў бацька
касіць, стаміўся, спыніўся, уздыхнуў.
А Пятро ўсё
косіць, спыніўся на хвілінку, выцер пот з ілба, азірнуўся навокал,
убачыў, што бацька
стаміўся, і вырашылі яны адпачыць.
Сядайце, калі ласка.
Скажыце, каму было лягчэй працаваць?
Які мы можам зрабіць з
гэтага вывад? (Трэба дапамагаць старэйшым у
працы)
Оставьте свой комментарий
Авторизуйтесь, чтобы задавать вопросы.