Урок по казахскому языку на тему "Театр"

Қазақ тілі.

Театрда.

4-сынып.

Муханова Гульназ Тулегеновна

Қазақ тілі мен әдебиеті

пәнінің мұғалімі

Көкшетау қаласы

«№1 орта мектеп-гимназиясы»КММ

Сабақтың тақырыбы: Театрда

Сабақтың мақсаты:

1.Оқушылардың театр туралы білімдерін кеңейту.

2.Оқушылардың сөздік қорын молайту, сөйлеу тілдерін, ой-өрісін дамыту.

3.Оқушылардың өнерге деген сүйіспеншілігін арттыру.

Сабақтың түрі:Саяхат

Сабақтың әдісі:сұрақ-жауап, ізденушілік, талдау, аудару.

Көрнекі-құрал: презентация көрінісі, суреттер, ребус

Сабақтың барысы:

 І.Ұйымдастыру кезеңі:

1.Оқушылардың назарын сабаққа аудару, жұмыс орындарын ретке келтіру.

2.Психологиялық дайындық.

Қонақтармен сәлемдесу, тілек айту. «Әр күніміз сәтті болсын»! »

3.Хормен өлең оқу.

Күй тартамыз күмбірлі, күмбірлі.

Ән айтамыз көңілді, көңілді.

Би билейміз ырғақты, ырғақты

Біз бастаймыз сабақты, сабақты.

ІІ. Жаңа сабаққа дайындық

-Балалар, бүгін бізге қонаққа ертегі әлемінен  Тазша бала келді.Ол бізді саяхатқа шақырады.                                                                                    

Ал, қайда саяхатқа баратынымызды білу үшін ребус шешейік.

,,,,                         ,,                                                      ,,,

      2                             

-Қандай сөз шықты ?

-Театр.

Бүгінгі сабағымыздың тақырыбы Театрда.

Сабақтың мақсаты :  Тапсырмаларды орындай отырып  театр туралы алған білімдеріңді кеңейту өз ойларыңды еркін жеткізе білуге үйрету.

Балалар, театрға бару үшін Тазша баланың тапсырмаларын орындауымыз керек.

-Орындаймыз ба?

-Ендеше кеттік.

 «Кім шапшаң» ойыны

1.Театрға бару үшін мына сөздерді қазақ тіліне аударайық.

Сцена-сахна

Зритель-көрермен

Представление-қойылым

Пригласил-шақырды

Встретились-кездестік

Интересный-қызықты

а)Сөздерді хормен оқу, есте сақтау.

ә)Сөз тіркестерін құрастыру.

Б)Тақтадағы сөздерді өшіріп тастау, оқушылар өздері жазып шығады.

(Бірінші бес оқушы жазып болғаннан кейін, қалған оқушылар 30 секунд жазады)Оқушылар дәптерлерімен ауысады, бір-бірін тексереді.

Сөйлемдерді аудару

Вчера Айгуль пригласила меня в театр. Мы с Айгуль встретились перед театром. В театре было много людей. Спектакль был очень интересным.

Тазша баланың келесі тапсырмасын орындайық.

2.Сөздерді сәйкес сөздермен тіркестіріп оқу, сөйлем құрастыру.

Театр                               аялдама

Автобус                          мультфильм

Мектеп                            арена

Теледидар                       оқушы

Цирк                                 спектакль

Театрда спектакль көрдік. Автобус аялдамаға тоқтады. Мектепке оқушылар келді. Теледидардан мультфильм көрсетті. Циркте арена бар.

-Өте жақсы, балалар , Тазша баланың тапсырмаларын орындадық.

-Балалар, Тазша бала Көкшетау қаласындағы театрларды білмейді, қандай театрлар бар?

-Орыс музыкалық драма театры бар.

-Ол қай көшеде орналасқан?

Ақан-сері көшесінде орналасқан?

Орыс драма театрында қандай спектакльдер көрдіңдер?

«Калиф-аист», «Кошкин дом» спектакльдерін көрдік.

Тағы да қандай театр бар?-Ш.Құсайынов атындағы қазақ-музыкалық драма театры бар.

-Ол қай көшеде орналасқан?

-Әуезов көшесінде орналасқан.

-Қазақ-музыкалық драма театры қай жылы ашылды?

-1996 жылы 6 наурызда қазақ-музыкалық драма театры ашылды.

- Қандай спектакльдер көрдіңдер?

-«Сиқырлы сыбызғы», «Қорқақ көжек»,.

-Өте жақсы, балалар, онда Тазша баламен қазақ музыкалық-драма театрына барайық.

Қазақ драма театрының  наурыз айына арналған репертуарымен танысайық!Театрдағы негізгі ұйымдастырушы адам режиссер.Актерлер кейіпкерлердің рөлдерін ойнайды.

11 наурыз  Премьера!        ”Қасқыр және жеті лақ”

бейсенбі                                         (ертегі)

12 наурыз                            “Тіл табысқандар”

жұма                                             (комедия)

16 наурыз                   “Менің атым - Қожа”

  сейсенбі                              (драмалық повесть )

19 наурыз                         “Ар және ақша” 

 жұма                                    (драма  )

«Қасқыр және жеті лақ» ертегісіне барайық.

Театрға келдік! Кірдік.

Енді не істеуіміз керек?

-Гардеробқа барып киім тапсыру керек, билет сатып алу керек.

- Дұрыс, билет алайық.

-Ал, кассаға жақындайық.

Диалог.

-Сәлеметсіз бе!

-Сәлеметсіз бе!

-Спектакль нешеде басталады?

- Спектакль сағат бесте басталады..

- Спектакльге билет алуға болады ма?

-Әрине болады,неше билет керек?

-Маған он екі билет керек.

-Билеттің бағасы қанша?

-Билеттің бағасы 100 теңге.

-Ендеше маған билет беріңіз.

-Билетіңізді алыңыз.

-Сау,болыңыз!

-Сау болыңыз!

Сергіту сәті:

Қуыршақтар

Ұландар

-Балалар, театрға кімдер келеді ?

-Адамдар, халық келеді.

-Көп адам жиналған жерде адам өзін қалай ұстау керек?

-Әдепті, тәртіпті.

-Әдептілік туралы қандай мақал-мәтелдер білесіңдер екен.

 «Әдепті бала-арлы бала,

   Әдепсіз бала-сорлы бала.

·                    Әдептілік белгісі-иіліп сәлем

   бергенің.

·                    Әдепті бала ата-анасын мақтатар,

   Әдепсіз бала ата-анасын қақсатар.

·                    Бір  жылы сөз-бір күнге азық.

-Театрда өздеріңді қалай ұстау керек?

-Тыныш отыру керек, сөйлеуге болмайды, мұқият көріп тыңдау керек.

-Ал, енді осы ережелерді сақтап  әдепті, тәрбиелі, тәртіпті болып театрда отырайық.

-Өз орнымызға жайғасу үшін тапсырмаларды орындайық.

4.Мәтінді оқу.Сұрақтарға жауап беру.

Біздің қалада театр көп. Қазақ драма театры Әуезов көшесінде орналасқан. Театрдың қасында саябақ бар.Мұғалім балаларды театрға апарды. Театрда спектакль қойылды.Спектакль балаларға ұнады.

Оқушылар өздері сұрақ құрастырады.

-Қалада не көп?

-Театр қай көшеде орналасқан?

-Театрдың қасында не бар?

-Балалар қайда барды?

-Театрда қандай спектакль қойылды?

-Спектакль балаларға ұнады ма?

-Балалар кім тәуелдік жалғауларын атайды?

Мәтіннен тәуелдік жалғауы жалғанған сөздерді табыңдар.

«Дұрыс-бұрыс» ойыны.

Сөйлемдер	Дұрыс	Бұрыс
Театр Абай көшесінде орналасқан.		+
Театрдың қасында саябақ бар.	+
Біздің қалада театр жоқ.		+
Театрда спектакль қойылды.	+

5.Сурет бойынша көмекші есімдерді қосып, бірнеше сөйлем құрап жазу.

Театрдың ішінде адамдар көп болды.

Театрдың жанында шырша өсіп тұр.

Театрдың артында автобус тұр.

“Төртінші артық “ойыны

Қойылым, жарыс, билет, касса.

Кітап, дәптер, қалам, сахна.

Режиссер, актер, көрермен, дәрігер.

Үстінде, жанында, алдында, бес.

-Балалар,орнымызға жайғастық, енді спектакльді тамашалайық.

-Қандай спектакль көрдік?

-Қандай кейіпкерлер бар?

-Нелер ұнады?

Тақтаға қарайық Ой толғанысы. Әр қайсымыз сызба бойынша театр туралы жазып шығайық.

-Балалар, театрдың есігі сендерге әрқашанда  ашық.

-Өнерді сүйіп, қадірлей білейік.

-Тазша бала сендерге риза, рахмет айтады.

Үйге тапсырма: Диалог құрастыру.

Бағалау: Оқушыларды атап, бағалау.

Краткое описание документа:

Сабақтың тақырыбы: Театрда

Сабақтың мақсаты:

1.Оқушылардың театр туралы білімдерін кеңейту.

2.Оқушылардың сөздік қорын молайту, сөйлеу тілдерін, ой-өрісін дамыту.

3.Оқушылардың өнерге деген сүйіспеншілігін арттыру.

Сабақтың түрі:Саяхат

Сабақтың әдісі:сұрақ-жауап, ізденушілік, талдау, аудару.

Көрнекі-құрал: презентация көрінісі, суреттер, ребус