Урок по предмету "Әдебиеттік оқу" на тему "И.А. Крылов (ауд. А. Байтұрсынов). Екі бала (мысал)" (4 класс)

    И.А. Крылов( ауд. А.Байтүрсынов): « Екі бала (мысал)»

Мейрамгүл Қайырханқызы  Айтимова

Бірлік жалпы орта білім беру мектебі

Баянауыл ауданы, Павлодар облысы

4-сынып

Мақсаты: Мысалмен таныстыру арқылы негізгі ойды анықтай білуге мүмкіндік туғызу. Оқушылардың есте сақтауын, логикалық ойлауын,белсенділігін,қызығушылығын дамыту.Достың қадірін түсінуге, жамандық пен жақсылықтың ара жігін ажырата білуге баулу.

Сабақтың типі: жаңа білім беру

Сабақтың түрі:аралас сабақ

Әдісі:өзіндік жұмыс,тест, сұрақ-жауап, көрнекілік

Көрнекілігі: суреттер, кітаптар,тақырып, бейнесөз

Пәнаралық байланыс:орыс тілі,қазақ тілі,бейнелеу өнері.

Сабақтың барысы:

1. Ұйымдастыру кезеңі

Оқушының таудай биік талабы,

Білім десе жалын оттай жанады.

Зейін қойып тыңда менің ,достарым,

Басталады әдебиеттік оқу сабағы.

2.Жаңа тақырыпты хабарлау, мақсат қою.

-Бүгінгі сабақта «Екі бала» мәтінімен танысамыз.Ол шығарманың қай түріне жататынын мына бейнесөзді шешу арқылы табамыз.

-Мысал. Мысалды талдауды ерекшеліктерін байқап,негізгі ойын анықтауды үйренеміз және авторлар туралы толығырақ мәлімет аламыз.(тақтаға тақырып,авторлардың суреттері ілінеді)

3.Үй тапсырмасын тексеру.

 –Осы ертегінің негізгі ойы қандай? Оны қандай мәтелмен байланыстырамыз? Бөлімдерді қалай атадыңдыр? Салынған суреттер бойынша көріністерді мазмұндау. Ертегіден өзіне не алдың? Кедейді құтқарған не?  Осы ертегіде достар кім?

4.Жаңа материалмен жұмыс

-Мысал  ерекшелігін айтып,ертегімен салыстыру. Жануарлар, өсімдіктерді адамша сөйлету-аллегория туралы білімдерін толықтыру. Сөзжұмбақ шешу.

Анықтамамен жұмыс: И.А.Крылов туралы мәлімет оқиды.

- Қазақ әдебиетінде мысал жанры ұлы Абайдан басталады, ол дәстүрді Ахмет Байтұрсынұлы жалғастырды.

Анықтамамен жұмыс:  А.Байтұрсынұлы туралы мәлімет береді.

«Екі бала» мысалын мәнерлеп оқыту. Орыс тіліндегі түпнұсқасын оқыту. Салыстыру

- МЫСАЛ НЕМЕН АЯҚТАЛАДЫ ДЕП ОЙЛАЙСЫҢДАР ?Оқушылар әр түрлі жағдайлар айтады.Келесі оқушы жалғасын оқып береді Мысалдағы негізгі ойды дауыс өзгерте оқыту.Бөлімдерге бөлу.

-Осы мысалдаға не тұспалданғанын айту.

-Өмірде сондай жағдайлар бола ма?

-Мысал қандай мақалмен байланыстырылды? Оқулықтан тауып алып, оқу      

5.Жұппен жұмыс

 Екі балаға сипаттама беру(Венн диаграммасы арқылы) 

-Рольмен оқыту

-Теріп оқыту

А) Сеняны көндіру

Ә) Сеняны алдау

Б) Тойымсыздығы

В) Жолдастықты ұмыту

-Мысалды оқығанда сендерде қандай сезім пайда болды?

6.Сахналау

-Осы мысалды сахналап көрейікші.

-Қандай дос болу керек?

7.Бекіту. Осы мысалдың авторы туралы не білесіңдер?    

 -Мысал жанры туралы не білдік?

 -Оның қандай ерекшеліктері бар?

- Неше бөлімдерден тұрады?

- Жағымсыз қандай қылықтарды мысқылдайды?

-Ахмет Байтұрсынұлы кітабы қалай аталды?

-Өзіңе мысалдан не алдың?

-Гректің сөзі  «аллегория» нені білдіреді?

-Крылов қандай тілдер білген?

-Федяға қандай ақыл-кеңес берер едің?

8.Үй тапсырмасын беру:

1)Мәнерлеп оқып келу. 2)Федяға хат жазу

9.Бағалау