Урок по самопознанию в 4 классе

Өзiн-өзiтану сабағының жоспары

Мектеп: №3 мектеп-гимназия            Мерзiмі: 22.01.2018 ж

Тақырыбы: «Кешірім мен келісім»     Сабақ: №13

Мұғалiмі:  Иманалина С.Е.                  Класс: 4 «А»     Оқушылар саны: 29

Құндылық:  Ішкі тыныштық. Қасиеттер: әділдік,түсінушілік,адалдық,адамгершілік.

Сабақ мақсаты: Оқушыларды кешірімді болуға баулу.  Міндеттері: - Оқушыларды кешірімді  болуға баулу. - Кешірімшіл,келісімшіл,адал болуға үйрету. - Адалдық жолмен жүруге жол нұсқау.	Ресурстар:
Сабақ барысы: Ұйымдастыру кезеңi  – 5 «Т» 1. Тәртіп 2. Талап 3. Тыныштық 4. Тазалық 5. Татулық 2.     Жағымды жағдай жасау. Балалар көздерін жұмады. Мұғалім сөйлейді. Сендердің жүректерің — сендердің кішкене жарқыраған күндерің. Ол да күн сияқты жылытады. Сендердің күндерің сендерге жылулық береді. Өздеріңнің жақсылықтарыңмен адамдармен бөлісесіңдер. Ал, кәне жақсылық сезімдерімізді өздеріміздің әке-шешемізге, аға-әпкелерімізге, өздеріміздің достарымызға, барлық адамзатқа, келген қонақтарға,  маған және өзіміздің кішкене ғана әдемі жер шарымызға, бәріне-бәріне жіберейік, жақсылық тілейік. -Ал, енді көздеріңді ашыңдар, жымиыңдар және осы сезімдеріңді, қуаныштарыңды күні бойы сақтауға тырысыңдар.	Сабақ барысын талқылау:
Үй тапсырмасын тексеру. Мақтаншақ жолбарыс ертегі Сұрақ:      - Әңгімеде не туралы айтылған?      - Жолбарыс пен бұлбұлдың әрекеттері туралы не айтар         едіңдер?       - Жолбарыс бұлбұлдан не үшін кешірім сұрады?      - Сендерде осындай жағдайлар болды ма? Естеріңе       түсіріп, айтып беріңдер. Қорытынды: бір-бірімізге мейірімді, қайырымды,  кешірімді, болсақ, бірлігіміз жарасып, тату-тәтті тұрамыз. Ешқашан да қиянат жасамауға тырысу керек.
3.Дәйексөз. «Қыл өтпестей татулықты бір ашуға сатпайық» М.Әуезов. Адамдар абайсызда бірін-бірі ренжітіп алғанда кешірім сұрап, татуласады. Ал татулық-адамдар, сыныптастар, достар арасындағы қарым-қатынастағы ең жақсы қасиет. Жаттату Сұрақ: 1.Татулықты қалай түсінеміз? 2.Ашуға булықпаудың жолдары қандай? 3.Ашуланған кезінде не істейсің? Қорытынды: Татулық бар жерде мейірімділік, қайырымдылық, достық, бірлік, жақсы өмір бар. Тату болып, өзімізге де, өзгеге де қиянат жасамайық.	2-3 оқушыға қайталатып, жатқа сұрау Дәптерге жазу.
4.     Әңгіме (сұхбат) Мұғалім сыйы.    АЛТЫН БАЛЫҚ  ертегі Сұрақ:        - Адам орман мен суды неліктен іздеді деп ойлайсыңдар?        - Сендер адамның орнында боласаңдар, қандай тілек         айтар едіңдер?        - Ертегінің қалай аяқталғанын қалар едіңдер? Қорытынды: Адам мейірімді, қайырымды, қанағатшыл болу керек, табиғатқа қиянат жасамағанда, оның денсаулығы мықты болушы еді.
Сергіту сәті.
Шығармашылық жұмыс. Оқушы дәптеріндегі тапсырмаларды орындату. Жағдаятты талдау Жанар мектептен бүгін көңілсіз оралды. Ол құрбысы Мәдинамен тұңғыш рет ренжісіп қалды. Үзіліс кезі болатын. Ең жақын досы Мәдина Жанардың айнасын сұрады. Досының көңілін қимай Жанар айнасын берген еді. Мәдина айнаға қарады да, шыр айналып билей бастады. Жанар: -Абайла, айна сынып қалмасын. Оны анам сыйлап еді. Ол мен үшін ең қымбат сыйлық,-деді. Сөйткенше болған жоқ, айна жерге түсіп кетіп, сынды да қалды. Жанардың көзі жасаурап кетті. -Ой, не болды сонша, айна деген арзан емес пе?-деді Мәдина. Жанар не дерін білмей тұрып қалды. Сұрақ: 1. Әңгіменің қалай аяқталғанын қалар едіңдер? 2. Мәдина мен Жанардың достығы қалай жалғасуы мүмкін? 3. Сендер мұндай жағдайда не істер едіңдер? Қорытынды: Бір-біріңе қиянат жасамай, әрқашан достықты қадірлеп, мейірімді, қайырымды, тату болыңдар.
Топпен ән айту. « Біз өмірдің гүліміз»   Сөзін жазған: Ә.Дүйсенбиев.   Әні:      Б. Ғизатов Зеңгір көктен Нұрын төккен, Ортақ біздің күніміз. Жайнап өскен, Жайдары өскен Біз – өмірдің гүліміз. Бал достыққа, Жолдастыққа Шақырады әніміз. Тыныштықта, Нұр құшақта Бақыттымыз бәріміз.
Үй тапсырмасы.  Кешірім мен келісімге байланысты мақал жазып, жаттап келу.	жаттап келу
10. Сабақтың қорытынды минуты. Балалар, енді көзімізді жұмып, бүгінгі сабақта өткен кезеңдерді есімізге түсірейік.Енді осы барлық жағымды әрекетімізді жүрегімізге сақтаймыз.    Қатысқандарыңызға көп рақмет	баяу әуен