Урок по теме "Қазақстан табиғаты"

Доскабулова Куралай Омаровна

қазақ тілі пәнінің мұғалімі

Ақтөбе қ. №20 ОМЛ

Мерзімі: 12.02.2016ж.                                          Пәні: қазақ тілі                                         Сыныбы: 4 «А»
Сабақтың тақырыбы		Қазақстанның табиғат байлығы.
Сілтеме		Интерактивті  тақта,  тақырыпқа байланысты суреттер, карточкалар, топқа бөлінуге арналған сурет бөліктері,  слайдтық  презентация «Көңіл-күй экраны»  .
Мақсаттары		Білімділік: Лексикалық тақырып төңірегінде сөйлей білуге үйрету,  Қазақстан табиғатының байлығы туралы білімдерін тереңдету, септік жалғауларын қайталау.  Дамытушылық: Оқушылардың өз ойларын мүмкіндіктеріне қарай    қарапайым тілмен  жеткізіп, дәлелдей білуге дағдыландыру, ойлау, есте сақтау қабілеттерін дамыту.  Тәрбиелік: Топта  жұмыс жасау  барысында  қолайлы психологиялық  жағдай жасау. Табиғатты қорғауға баулу, ұқыптылыққа тәрбиелеу
Оқыту  нәтижесі		Тақырыбы төңірегінде сөйлей білу, сұрақ құрай алуға дағдылану, өз ойларын жеткізе алу  керек.
стратегиялар	ресурстар	Мұғалімнің іс-әрекеті	Оқушының  іс-әрекеті
Диалог арқылы     оқыту		Ұйымдастыру бөлімі Сәлеметсіздер ме?  Балалар, көңіл –күйлеріңіз  қалай?  Сыныпта  бүгін  кезекші кім? Сабақта  кім  жоқ?	Орындарынан тұрып мұғаліммен амандасады. Кезекші сұрақтарға жауап береді.
Диалог арқылы     оқыту		Пихологиялық дайындық Мұғалім интерактивті тақтада психологиялық дайындыққа арналған өлеңді ашып, оқушыларға шеңбер жасатады.	Оқушылар шеңберге тұрып, өлеңді хормен айтады.          Ойға толсын санамыз          «Бестік» болсын бағамыз.           Баласындай бір үйдің          Тату болсын арамыз.
Сыни тұрғыдан ойлауды дамыту	«Атысу» стратегиясы	Үй  тапсырмасын тексеру.  Балалар, үйге қандай тапсырма берілді? (Сұрақтар бойынша дайындалу)	Балалар шеңбер құрып  бір біріне өз сұрақтарын қояды. Тез және нақты жауап беру керек.
	Теңіз, өзен, тау суреттерінің бөліктері	Топқа бөліну Енді,  топқа бөлінейік. Оқушыларға Теңіз, өзен, тау суреттерінің бөліктерін таратылады. Бөліктері бір суретті кұраған оқушылар бір топ болады. Сабақ ережесін қайталау.	Оқушылар бөліктерді таңдайды, сурет құрайды. 3 сурет құралу керек. Сөйтіп, оқушылар 3 топқа бөлінеді. Ережені қайталайды. -шуламау; -бір бірін тыңдау; -мұқият тыңдау; -дұрыс әрі нақты жауап беру; -ұялмау.
Оқытуды басқару және көшбасшылық	Суреттер	Негізгі бөлім. Суретпен жұмыс Балалар, жаңа құраған суреттеріңді  не бейнеленген?  Бұларды бір сөзбен қалай атаймыз?     Содан соң мұғалім сабақтың тақырыбы мен мақсатын хабарлайды. - Топ басшылары, бағалау парақтарына өз бағаларыңызды  қойып отырыңдар.	Оқушылар сурет бөліктерін жинап, мұғалімнің қойған сұрақтарына жауап береді.
Топтық жұмыс	Тақырыптық суреттер	Мәтінмен жұмыс. Оқушыларға мәтінмен жұмыс бойынша тапсырманы түсіндіреді. Жұмыс барысында мұғалім топтық жұмысты бақылайды.	Оқушылар өз мәтіндері бойынша топпен жұмыс жасайды. (Мәтінді оқиды, аударады, мазмұндайды, сұрақтар құрады.) Әр топ өзінің екі сұрағын келесі топқа қояды.
	«Көңілді қүн» сергіту -тренингі	Сергіту сәті.  Мұғалім «Көңілді күн» сергіту -тренингін  қосады.	Балалар экранға қарап, қайталайды.
Жас ерекшеліктеріне сәйкес оқыту және оқу.	Деңгейлік тапсырмалар	Жазылым Мұғалім оқушыларға деңгейлік тапсырмалар береді. 1-деңгей. Мәтіннен бір сөзді алып, фонетикалық талдау жаса. 2- деңгей. Асты сызылған сөздерді аударып, сөйлемдерді жаз. 3- деңгей. Дұрыс сөйлем құрап, жаз. (Интерактивті тақта арқылы тексеру.)	Әр оқушы тапсырманы дәптерінде орындайды.
	Семантикалық карта	Септіктерді қайталау -Қазақ тілінде неше септік бар? - Септіктерді атаңдар.  Семантикалық картаны толтырыңдар.	Семантикалық картаны толтырады.
Сыни тұрғыдан ойлауды дамыту	Ассоциация	Ассоциация. -Қазақстанның табиғат байлығы тақырыбына байланысты ассоциация құрыңдар.	Тақырыпқа байланысты ассоциация құрады.
Сабақты қорытындылау	Дұрыс па, бұрыс па?	Мұғалім сұрақтарды оқиды.	Оқушылар «Дұрыс» немесе «Бұрыс» деп жауап береді.
Ой қорыту.	Кері  байланыс қима қағаздары	Ой қорыту. Мұғалім кері байланыс жасау мақсатында оқушыларға сабақ туралы сұрақтары бар қима қағаз таратады.	Оқушылар қима қағаздардағы сұрақтарға жауап беріп сабақ туралы пікірлерін білдіреді.
Үйге тапсырма беру		Үйге  тапсырма: Өз мәтіндерін мазмұндау, мәтіннен бір сөзді септеу.
Бағалау.		Мадақтау (өзара бағалау), топтық бағалау 3-шапалақ. Оқушылардың формативті бағалауы мен өз бақылауы бойыншаоқушыларға баға қояды.
Не сәтті өтті?
Не сәтсіз өтті?
Нені  дамыта аламын?
Болашақта  нені  өзгертер  едім?