Сабақтың тақырыбы
: Төрт түлік мал
Сабақтың
мақсаты:
Білімділік: Баланың үй жануарлары туралы түсінігін
жан-жақты қалыптастыру.
Түзете-дамытушылық: Қоршаған орта туралы білімін кеңейту,
сөздік-логикалық ойлауын және саусақ ойындары арқылы ұсақ қол моторикасын
дамыту, белсенді және енжар сөздік қорын байыту.
Тәрбиелік: Баланың дүниетанымын кеңейту,
адамгершілікке, достарын сыйлауға тәрбиелеу.
Көрнекіліктері: Үй жануарлары суреттері (түйе, жылқы, қой, сиыр)
Қажетті құралдар: Айна, гигиеналық орамал т.б
Сабақ барысы
І. Ұйымдастыру
кезеңі.
- Үлкенге де сіз, кішіге де сіз,
Сәлем бердік сіздерге құрметпенен біз!
(Балалар хормен айтып, бас иеді).
- Балалар, сендер таңертең ұйқыдан оянғанда,
терезеден нені көресіңдер?
- Күнді, күннің жарқыраған сәулесін көреміз.
- Күннің нұрын көргенде, сендер қалай
қуанасыңдар?
- Алақай! (шапалақтау)
II. Артикуляциялық жаттығулар жасау.
- Ал,енді,балалар бүгінгі сабағымызды бастайық.
Сабағымызды әдеттегідей артикуляциялық жаттығумен бастайық.
- Бүгін бізге қонаққа кім келіпті?
Қарайықшы.
- Көңілді бақа келіпті. Көңілді бақа сияқты
күлейікші, қәнекей.
- "Бақа" - Күлеміз,
тістерімізді көрсетіп ернімізді екі жаққа керіп күлеміз.
- Балалар, бақа бізге сыйлыққа гүл әкеліпті,
Қанекей, гүлді иіскеп көрейікші. Ия, иісі керемет екен.(Тыныс алу жаттығуын
орындау)
- Ал, енді, бізге тағы бір қонақ келіпті?
Ол кім екен, балалар?
- Піл. Қанекей, бәріміз бірге пілдің
тұмсығын салып көрейікші.
- "Піл" - Ернімізді жауып
тұрып, алға қарай созамыз, пілдің тұмсығын көрсетеміз.
- Ал, мынау кім ? Гном.
- Гном суретте не істеп жатыр екен? Тісін
тазалап жатыр екен.
- Қанекей бізде тісімізді тазалайықшы,
балалар .
- Балалар бізге гном сыйлық әкеліпті? Ол
қандай сыйлық екен көрейікші? (Шардың суретін көрсету)
- Бұл ненің суреті екен, балалар? (балалар
"шар" деп жауап береді).
- Жарайсыңдар.Ал, енді, бізге маса ұшып
келіпті.
Дауыстың жоғарлығы мен күшін, интонациясын дамыту
жаттығу.
- Балалар маса қандай дыбыс шығарады
екен?(Масаның дыбысын үнтаспадан тыңдау) "Дзззз" деген дыбыс
шығарады.
- Ал, балалар, осы дыбысты бәріміз бірге
қайталайықшы. (Балалар масаның дыбысын салады).
Сөйлеу кезіндегі тыныс алуды және сөйлеу тілін
фонетикалық жағын дамыту жаттығуы.
- Жарайсыңдар, балалар. Ал, енді бәріміз
бірге қол ұстасып күнге қонаққа барайық.(Балаларға сурет тарату). Күнге
жетуіміз үшін мына суреттегі ирек жолдармен жүріп өтуіміз керек.
- Мына сызықпен жүру арқылы, жоғарыға
көтерілгенде мұрынмен ауа жұтып, төменге түскенде ауыз қуысы арқылы
шығарамыз.(2 рет қайталау). Балалар енді сендерге түсінікті болса, бірге
қосылып жасайық.
- Тамаша, балалар, сендер ирек жолмен
сүрінбей күнге жеттіңдер.
III. Жаңа сабақ
-
Бүгін біз жайлауға Шопан
атаға қонаққа барамыз.
-
Міне біз жайлауға да
келдік.
-
Қарайықшы жан-жағымыз
жап-жасыл екен. Табиғаты тамаша екен.
-
Жайлаудан тағы нені көріп
тұрмыз?
-
Үй.
-
Ия, дұрыс айтасың үйді
көріп тұрмыз. Бұл үйде Шопан ата тұрады екен.
-
Шопан атаның жайлауында
түйе, жылқы, сиыр, қой және олардың төлдері бар екен.
-
Ал, енді төлдерін атап
шығайық.
-
Шопан ата осы үй
жануарларды жайлауға әкеліп бағады екен. Оларға шөп, су береді екен. Содан соң
олар бізге сүт, құрт береді екен.
-
Бүгін біз жайлаудағы
Шопан атаның үй жануарларымен таныстық.
-
Жайлау саған ұнады ма?
-
Ия.
-
Ал, енді Шопан атаның
құлынына мініп көрейік.
-
Құлынға мінген ұнады ма?
-
Ия.
-
Олай болса, осы құлынмен
жайлаудан қайтайық.
(Музыка
ойналады).
Сергіту
сәті
-
Ал, енді, оң қолымызды көтерейікші,оң қолымызға аталған үй жануарларын
санайық.(түйе, жылқы, сиыр, қой, ешкі)
-
Ал, енді, сол қолымызды көтерейік.Енді осы үй жануарларының төлдерін
санайық.(Бота, құлын, бұзау,қозы, лақ)
-
Тамаша, жақсы.
IV. Бекіту.
«Ойлан тап» ойыны.
Ойын мақсаты: Баланың есте сақтауын, сөздік-логикалық
ойлауын дамыту, белсенді және енжар сөздік қорын байыту.Ойынға қызығушылығын
арттыру.
Құрал-жабдықтары: электрондық
көрсетілім (слайд)
Ойын барысы: Бала
электронды тақтадан жануарлардың суретін көріп, атауын атайды және төлдерінің
дұрыс орнын табуы қажет.
V. Қорытынды. Балаларды
мадақтап, ынталандыру сыйлықтарын беру. Ынталандыру сыйлығы үйде тыныс
жаттығуын жасауға арналған үрлемелі ойыншықтар таратылады.
Оставьте свой комментарий
Авторизуйтесь, чтобы задавать вопросы.