Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Конспекты / Урок развития речи по теме “Цаhан Сар – олн әмтнә байр.”

Урок развития речи по теме “Цаhан Сар – олн әмтнә байр.”

  • Начальные классы

Поделитесь материалом с коллегами:

Кичәлин төр: Келлh өргҗүллhнә кичәл “Цаhан Сар – олн әмтнә байр.” 4 класс

Кичәлин күл: Дассан батллhн, дассн шин үгмүд келлhндән олзлҗ давтлhн, хальмг улсин кезәңк авъясан дасллhн, сурhульчнрин келлh өргҗүллhн.

Кичәлин йовуд:

  1. Белдвр.

  2. Күүндвр



  • Лу сарин 19 – лә цуг әмтн Цаhан Сарин нәр темдглх. Эндр кичәлдән бидн Цаhан Сарин тускар дассан батлҗ авхмн. Слайд №1

  • Хальмг улс Цаhан өдр ямаран бурхнд зальврна?

  • .hello_html_19114e36.png + Окн-Теңгрт зальврна Слайд №2

  • Эн байр ямаран чинр зүүнә?

+ Үвл чиләд, хавр ирәд олн әмтнә седкл байрлҗах кем. Эн нәр бүкл сардан темдглнә.

  • Күүкд, Цаhан Сарин өмн ямаран белдвр кенә?

  • + Цаhан Сарин өмн герән ахулна, цеврлнә Слайд №3

  • + Хувц- хунран сергәhәд өлгдг билә.

  • Дәкәд ямаран белдвр кедг билә?

+ Дәкәд дала хот болhдг билә. Олн зүсн боорцг кедг билә.

  1. Дассан давтлhн, сергәлhн.

  • Эн боорцгудын нерд келәд юуни төлә тиим боорцгуд кедгнь келҗ өгтн.

  • Ю медүлҗәнә эн боорцг? hello_html_6a036c75.png Слайд №4

+ Шовун боорцг – хаврин темдг.

hello_html_m2bf1c129.pngМошкмр боорцг -хөөнә дотрт ордг нәрн геснә бәәдл дуралhад кенә.

hello_html_19e8e175.pngҖола боорцг -күүнә җирhл бат болсн деерән ут болтха гисн темдг.

hello_html_46e2cb4.pngХорха боорцг – үрн – садна то, малын төл олн болтха гисн темдг.

hello_html_m74368e91.pngТемән боорцг- дөрвн зүсн малын тоод ордг.

  • Темәнә тускар дарҗң цугтан келхм.

Темән темәнә төөрүхә

Темәнә ботхн тенүхә

hунҗн үкр мөөрүхә

hурвн туhл hууруха

  • Күүкд, ямаран боорцгар дееҗ бәрнә? Слайд №5


+ hello_html_m1672e8ab.png - кит, hello_html_1978d920.png- тоhш, hello_html_447107e7.png - шор белг, hello_html_2f2af60f.png - өвртә тоhш, hello_html_m6a902cbc.png- хуц, hello_html_m13895de9.png - целвг.

  • Ода би таднд боорцгудын чинрнь келнәв. Тадн неринь келтн.

  • Хөөнә дотрин нег әмтәхн гисн хот дуралhад кенә. (кит)

  • Эн боорцгиг хашан бәәдл hарhад кенә. (тоhш)

  • Эн боорцгиг хойр таласнь җидин үзүр дуралhҗ кедг. (шор белг)

  • Үкр малын чинр медүлҗ боорцг кенә. (өвртә торhш)

  • Хөн малын өслт өргҗтхә гиhәд ямаран боорцгиг кенә? (хуц)

  • Нар дуралhад ямаран боорцгиг кенә? (целвг)

  • Боорцгин йөрәл келҗ өгтн.

Боорцг – тоhштн hello_html_579acee8.png

Элвг – делвг болҗ

Ут наста, бат кишгтә болтн

Җил болhн иигҗ

Боорцг – тоhшан кеҗ

Цә, боорцгарн дееҗән өргҗ

Амулң менд бәәтн!

  • Дәкәд ямаран хотар дееҗ бәрнә? Слайд №6

+ Цәәhәр

  • Цәәhин тускар ямаран үлгүр даславидн?

+ Цә самрхла, дутман зандрдг.

  • Цә уухин өмн барун hарин нерн уга хурhна үзүр норhад, өөдән цацна, йөрәл келнә.

Кен маднд цәәhин йөрәл келҗ өгх?

hello_html_m709c246d.png

+ Улан цә зандрҗ

Уухин дееҗ болҗ

Уусн мадндан аршан болҗ

Ут нас, бат кишг

Деедс заях болтха!

  • Бас юуhар дееҗ бәрнә?

  • hello_html_m6e3ae3b.pngХөөнә толhаhар дееҗ бәрнә.

  • Дәкәд юуhар дееҗ бәрнә?


hello_html_6e79ed15.png- Хөөнә махар.

hello_html_m2f3b2571.png- кампадь- балтаhар

- Тегәд, цугтан давтхм дееҗин хот.

+ Боорцг, хөөнә толhа, цә, махн, кампадь- балта.

  • Цаhан өдрлә бидн нег-негндән одад цаhалнавидн. Яhҗ цаhалдгинь бидн ода үзүлчкмн.

  • Хойр күн харhчкад барун hарарн hариннь ханцан атхҗ тер hарин дотад бийдкинь тоха күртлән харhулдг билә Слайд №7

  • Үвләс менд hарвта?

+ Э, сән hарувидн.

+ Гем уга hарувидн.

  • Эн сәәхн хаврин түрүн өдр байрта, шуугата болна. Цаhан Сард нерәдсн дууhан дуулый. Слайд №8

  1. Цаhан Сар, Цаhан Сар

Цәәhәр дееҗ бәрия

Цаhан әркән hалдан цацад

Цуhар әмтн цаhалыя

Давтр

Дуулыя, биилия

Биилия, дуулыя.

Эргәд, дуhрад

Биилия, биилия.

  1. Шин Цаhан ирәд

Шикр – балта белглия

Шин хувцан өмсәд

Шуугад нәәрән эклия.

Давтр

Дуулыя, биилия

Биилия, дуулыя.

Эргәд, дуhрад

Биилия, биилия.

  • Цаhан Сарин нәәрт олн зүсн шүлгүд чигн бәәнә. Дассн шүлгүдән давтхмн.

  • Цаhан Сар эклхлә

Цасн шуугад хәәлнә

Царңгд усн гилвкнә

Цуhар икәр байрлна

  • Цаhан цасн хәәлнә

Цаhан Сар ирнә

Ээҗ боорцг кенә

Күүкд дуулҗ биилнә

  • Цаhан Сарин герлд

Цаhан цасн хәәлв

Үвлин теңгр суняҗ

Теегм көкрҗ уняртв

  • Цаhан Сар ирнә

Шикр – балта элвг болна

Көгшдүд йөрәл тәвнә

Күүкд бииләд, дуулна.

  1. Ашлвр

  • Күүкд, ямаран байрин тускар күүндүвидн?

  • Ямаран белдвр кех кергтә?

  • Юуhар дееҗ өргнә?

  • Яhҗ эн байриг темдглнә?

Слайд №9


  • Күндтә багшнр, эңкр күүкд!

Цаhан Сарин байрла әрүн седкләсн йөрәҗәнәв.

Кесн көдлмштн уралан йовҗ,

Сурсн сурhультн күцәмҗтә болҗ,

Ут наста, бат кишгтә болҗ,

Оньдин дөрвн цагт

Менд амулң бәәтн!



5


Выберите курс повышения квалификации со скидкой 50%:

Автор
Дата добавления 24.10.2015
Раздел Начальные классы
Подраздел Конспекты
Просмотров128
Номер материала ДВ-093436
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх