- 20.01.2015
- 1709
- 6
МБОУ «Дракинская средняя общеобразовательная школа»
Аноклазе: Зюзина Н.П.,
мокшень кялень и литературань тонафтысь
Темась: «М.П.Девятаев «Ворьгодеме адста»
Цельхне: содафтомс шабатнень М.П.Девятаевонь эрямань кинц мархта;
ваномс, кода войнась сувась Михаил Петровичень эряфозонза;
касфтомс кельгомашить Родинати.
Урокти аноклави: диск урок-презентациять мархта, карточкат,
иллюстративнай материал
Урокть планоц.
IОрганизационнай моментсь.
1. Урокть теманц и целенза азомасна.
2. 1-це слайдсь. Учительть валоц.
- Война.. Рузонь, мокшэрзянь и лия народонь цёрат – отт, шумбрат, мазыхть – кътмордазь тядяснон-аляснон, сазорснон- брадснон, кельгомаснон, содафснон и тусть…
Мельгаст сёлговсь кенкшсь, нувазевсь перьфпяльсь, читоргодсть кенкшне. Лама зиянда кандсть эрь кудти войнань толомф кизотне. Равжа седи «инжихнень» каршес стясь марнек странась. Ванцаськ, кода няфтьфт войнань стакатне С. Ларионовонь «Архип атянь ёлкац» азкссонза.
II Кудонь заданиять проверямац.
3. Кизефкснень лангс отвечамась.
-Кодама тев арьсесь Архип атясь?
-Мес Архип атя арьсеф тевонц колга киндиге ашезь азонда?
-Мес велеряйхне шарфсть Архип атянь эзда?
-Кие ульсь цёрац?
- Мезе лиссть фашисттнень мархта?
2. 2-3 –це слайттне. Пакшень морафтомась.
-Морафтость пакшть, конац ладяй тя рисункати.
- Тинь мъзярдонга аф васьфтьсасть Од кизоть Москуса…
Кинь ня валхне? Коса азфт синь ульсть? Морафтость тя пакшть.
III Работась урокть теманц коряс.
1. 4-це слайдсь. Учительть валоц.
- Сембе странаньконь келес тусь славац пелемань аф содай геройть, мокшэрзянь народть цёранц – Михаил Петрович Девятаевонь. Весть менельса фашисттнень каршес тюремста М.П. Девятаевонь самолётонц врагсь прафтозе. Ёжефтома лётчиксь повсь пленц, коса тейнза савсь няемс сембе аф няематне. Вов мезе тянь колга сёрмады сонць Девятаев.
2. 5-це слайдсь. Лятфтаманц морафтомац.
Отечественнай войнань стакадонга стака пинкнень минь, авиаторхне, верс тюреме врагть каршес, ванфтоськ и идеськ эсь Родинаньконь свободанц и независимостенц. Ня пинкнень тейне пяк лама савсь кандомс сталмода. Эсь сельмосон няине, кода кулсесть ялгане… Савсь варжамс-корштамс фашистскяй пленть сяпиензон – шапаманзон, арьсефолень плхтамс крематорияса…
4. 6-це слайдсь. «Адста ворьгодемась» стихотворениять морафтомац (ульсь максф куду индивидуальнай заданиякс).
- Но кодамовок сталмотне ашезь пульзяфта сонь, ашезь синде Родинати преданностенц.Тейнза сафтовсь васькафтомс фашисттнень. Эсь сельмингольдест, эсь самолётсост, сонцень вейхкса ялганзон мархта ворьгодсь пленцта.
Адста ворьгодемась.
Мода пакш.
Лов ацасть кельмотне.
Тяк и лятфне белай светть:
Перьфке ведь, ков няихть сельмотне,
Тяста аш аф кит, аш сеть.
Арьсесть азорхневок:
Пелендемс, кле, аш туфтал…
«Ули седь. Тутама менельге»,-
Девятаев тошкась вал.
Токавсь цёрась,ёнец шовордавсь…
Мезень менель?
Мезень седь?
Мезень ломань?Вельмоф ловажа:
Аньцек пакарьхть, аньцек кедь…
Корхнесть пленнайхне эсь ётковаст,
Но «мордвинть» пяк валдоль пряц:
Ули надьяма, хоть ёфкс тя мяльсь,
А въдь ёфкснень эряфсь кадсь.
И мъзярда васта аропнесть
Инекуйхненди лийкстамс.
Ванфоц сенем менельсь – арунясь –
Шокшендсь сельмоведень прамс.
И вов весть
( « Седсь аньцек менельге!
Шись миндейнек няфтьсы кить!»)
Ластязь врагонь нармонть (мяль вельде!)
Фрицнень шалхкалда!
Да шить!
Сятнень сельмосна мянь полдашкодсть,
Шавись эсост муськомкс нярьгсь.
Мярьгат, сонга шарьхкодсь –
Ордашкодсь,
Кашандсь,
Пялякодсь – кшнинь нярсь.
Но эрь цёрась вастонц содазе,
Фкя-фкянь шарьхкодсть и пяк лац.
Въдь синь фкя ульсь кисна – Родинась,
Атянь кядьса озафтф садсь!
И тя –
Родинати кельгомась –
Кемонь седиста тись фкя.
Тяряфтт сельгомс,нельгомс варжака
Шачем крайса касф лисьфкять.
Сяземс сязьсак, аньцек юронза
Нинге сяда виияхть…
Равжа кранчсь эсь тналонц юводы,
Прафне меки ни аф стяйхть…
И лийкстасть!
Да нинге кодане!
Содасть руз масторонь койть!
Къда учи эсот Родинась,
Тона шиста сайхть геройкс!
Ашесть синдев,
Ашесть комафтов,
Честьсна косовок аф прай.
Адста можна мянемс ломанти,
Коль светть лангса ули рай!
5. Видеороликть ваномац.
- Аф пяк кунара минь якаме М.П.Девятаевть музеинцты. Кулхцондоськ сонь эрямань кинц. Лятфтасаськ сонь.
6. 7-це слайдсь.
Кизефкснень лангс отвечамась.
-Мзярда шачсь Михаил Петровичсь?
-Коса?
-Кода синь эрясть?
- Мзяра кизонят ульсь тейнза, мзярда кулось аляц?
- Кодама мялец ульсь?
-Мес ашезь прима?
7.8-це слайдсь. Эпиграфть сёрмадомац тетрадезост.
Мокшень цёрась, Девятаев лётчиксь,
Эряфть коряс шачем ширеть кельгсь,
Вестеньге Тонь лятфнемдот изь лотксе,
Нльне коста воляшиц ульсь нелькф.
С.Самошкин
8. Учительть валоц. 9-це слайдсь.
М.П.Девятаевонь подвигоц художественнай литератураса арась мялень кеподи темакс. Сонь колганза сёрматфт очеркт, повестть и поэмат.Рузонь поэтсь И.Пиняев сёрмадсь «Мужество» поэма, М. Кяшкин «Курссь – Родинась» повесть,, М.Бебан « Пацяв ломань» оперань либеретта. Ваность книжнай выставкать лангста материалть. Тяса нинге кочкафт «Якстерь тяштеня» журналста стихотвореният, азкст, лятфнемат, конат лемтьфт М.П. Девятаевонди. ( А. Тяпаев «Цёранза Россиять» №5,2002 к., М. Моисеев «Девятаевонь шуфтонянза» №7, 1991 к., Г.Пинясов «М.П.Девятаевонь кожфса мекольдень «боец» №5, 2005к.) и « торбеевскяй кулят» газетаста репорташт васедамазон колга шачема крайнц мархта.Сонць Девятаев сёрмадсь фронтовой эряманц и немецкяй пленцта ворьгодеманц колга «Адста ворьгодемась» книга. Кулхонттама пакш эздонза.
9. Учительть морафтомац.
10. 10-це слайдсь. Валхнень лангса работась.
- Войнать «пичефксу шамац»
Куломась афнезе кургонц странаньконь лангс.
Тёжятть кшнинь кранч пяшкодезь Украинань и Белоруссиянь менельть.
- Морафтость валрисьмотнень. Кодама изобразительно-выразительнай средства мархта васьфтеме?
- Мезе стамсь метафора?
Эрьхцемс, эвондамс валхнень валксть коряс мумс смузьснон.
Морафтомс, ювадемс, пичедемс, азомс валхненди кочкамс стнонипт.
(Работась тиеви компьютерть лангса).
Идивидуальнай заданиясь: «Мессершмит», «Юнкерс», «Фоккер», «Фоке –вульф». Мезень колга корхтайхть ня валхне?
11. Кизефкснень лангс отвечамась:
-Коза тусь тонафнема Мишась?
- Коса васьфтезе войнать?
- Мес Девятаевонь лемнезь нациянц коряс?
12. Выборочнай морафтомась.
-Кода Миша повсь пленц?
IY Урокть итогоц.
1 Оценкань путомась.
2. 11-це слайдсь. Куду заданиясь: с. 200-201 (морафтомс пакшть, кодама стака ульсь пленца);
3-це заданиясь, 201 с.
Рабочие листы
к вашим урокам
Скачать
Мокшэрзянь литературань урок 5 класса. Темась: «М.П.Девятаев «Ворьгодеме адста»
Цельхне: содафтомс шабатнень М.П.Девятаевонь эрямань кинц мархта;
ваномс, кода войнась сувась Михаил Петровичень эряфозонза;
касфтомс кельгомашить Родинати.
Урокта инголе тонафнихне ульсть М.П. Девятаевонь музейса, кона ащи Торбеева поселкаса. М.П. Девятаев – минь земляконьке, кона ворьгодсь лагерьста немецкяй самолетса. Урокти сувафтфт тяниень пингонь педагогическяй технологият: презентация, видеоролик.
6 660 047 материалов в базе
Настоящий материал опубликован пользователем Зюзина Нина Павловна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материал
Ваша скидка на курсы
40%
Курс профессиональной переподготовки
300/600 ч.
Курс повышения квалификации
72/180 ч.
Курс профессиональной переподготовки
300/600 ч.
Мини-курс
10 ч.
Мини-курс
4 ч.
Оставьте свой комментарий
Авторизуйтесь, чтобы задавать вопросы.