Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015

Опубликуйте свой материал в официальном Печатном сборнике методических разработок проекта «Инфоурок»

(с присвоением ISBN)

Выберите любой материал на Вашем учительском сайте или загрузите новый

Оформите заявку на публикацию в сборник(займет не более 3 минут)

+

Получите свой экземпляр сборника и свидетельство о публикации в нем

Инфоурок / Другое / Другие методич. материалы / Урок осетинского языка (5 класс). Тема урока
ВНИМАНИЮ ВСЕХ УЧИТЕЛЕЙ: согласно Федеральному закону № 313-ФЗ все педагоги должны пройти обучение навыкам оказания первой помощи.

Дистанционный курс "Оказание первой помощи детям и взрослым" от проекта "Инфоурок" даёт Вам возможность привести свои знания в соответствие с требованиями закона и получить удостоверение о повышении квалификации установленного образца (180 часов). Начало обучения новой группы: 24 мая.

Подать заявку на курс
  • Другое

Урок осетинского языка (5 класс). Тема урока

библиотека
материалов

5 кълас (уырыссаг къорд)

Темӕ:

«Куыд ӕххуыс кӕныс хӕдзары дӕ мадӕн,нанайӕн? »

(номдар,мивдисӕг ӕмӕ фӕрсдзырдтыл афӕлгӕст)



hello_html_m2c568ec.png

Беслæны 7 скъолайы ирон

æвзаг æмæ литературæйы ахуыргæнæг

Елдзарты Нателæ

Темӕ: «Куыд ӕххуыс кӕныс хӕдзары дӕ мадӕн, нанайӕн? »

(номдар,мивдисӕг ӕмӕ фӕрсдзырдтыл афӕлгӕст).



Урочы нысан.Рацыд ӕрмӕг бафидар кӕнын.Скъоладзауты зонындзинӕдтӕ фӕуӕрӕхдӕр кӕнын номдар, мивдисӕг ӕмӕ фӕрсдзырдты тыххӕй. Ныхасы рӕзтыл бакусын.Хъомыладон куыст бакӕнын.

Цӕстуынгӕ ӕрмӕг. Чиныг, нывтӕ, презентаци, интерактивон фӕйнӕг.

Урочы цыд.

  1. Бацæттæгæнæн рæстæг.

http://old.home-edu.ru/file.php/621/000-signs/owl.gifМОТИВАЦИ

Ахуыргӕнӕг.

- Уæ бон хорз, нӕ зынаргъ уазджытӕ ӕмӕ ахуырдзаутӕ! Абон у диссаджы уалдзыгон рӕсугъд бон, нæ зæрдæтӕ сты рухс ӕмӕ хъæлдзæг. Мӕн фӕнды, цӕмӕй нӕ зӕрдӕты циндзинад æмæ хъæлдзæгдзинадӕй кӕрӕдзийӕн фӕхай кӕнӕм. Алчи дӕр уӕ йӕ фарсмӕбадӕгмӕ бакӕсӕт ӕмӕ йӕм йӕ мидбылты бахудӕт.

Ахуырдзау

Хъодзаты Æхсар

Хур та хъæлдзæг
Хъазы арвыл,
’Рцыдис уалдзæг,
Бæстæ дардыл
Тынг фæцъæх.


Ахуыргӕнӕг.

Пусть каждый день и каждый час,

Вам новое добудет.

Пусть будет добрым ум у вас.

И сердце добрым будет.




http://old.home-edu.ru/file.php/621/000-signs/owl.gif2.Фонетикон минут.(Райдыдтам нӕ урок дамгъӕтӕ фӕлхат кӕнгӕйӕ):Слайд№1



hello_html_m3610b832.png

1)дамгъӕтӕ ӕмӕ мыртӕ:

гъ,къ,пъ, тъ,хъ,чъ,цъ,дз,дж.

(сывӕллӕттӕ фӕлхат кӕнынц ахуыргӕнӕджы фӕстӕ);

2)дамгъӕтӕй дзырдтӕ саразын(бирӕгъ, хъама, чъыр,цъылын,дзӕбуг,джитъри,къабуска, пълан, тъанг,);

3)дзырдтимӕ дзырдбӕстытӕ саразын(тугдзых бирӕгъ, хъӕбӕр къабуска,цыргъ хъама,цъӕх джитъри ӕмӕ аф.д.);

4) хъуыдыйӕдтӕ саразын лӕвӕрд дзырдбӕстытимӕ (Тугдзых бирӕгъ сырддоны цӕры. Ӕз дуканийы балхӕдтон джитъритӕ ӕмӕ дзул.ӕмӕ аф.д.)

Ахуыргӕнӕг.

-Зӕгъут-ма мын цавӕр ныхасы хӕйттӕй спайда кодтат дзырдтӕ, дзырдбӕстытӕ ӕмӕ хъуыдыйӕдтӕ аразгӕйӕ?

Дзуӕппытӕ.Номдартӕ, мивдисджытӕ, миногонтӕ ӕмӕ аф.д.

3.Хӕдзармӕ хӕслӕвӕрд сбӕлвырд кӕнын.

1.Текст бакӕсын ӕмӕ тӕлмац кӕнын. 152 фарс.(Иу скъоладзау кӕсы х/к текст ӕмӕ йӕ тӕлмац кӕны.

2).Фӕрстытӕ.

-Цӕмӕн фыста чызг зынтӕй йӕ нывӕцӕн?

-Куыд дардта чызг йӕхи нывӕцӕн фысгӕйӕ?

-Цы ныффыста йӕ нывӕцӕны ?

-Рӕстдзинад фыста чызг йӕ нывӕцӕны, ӕви сайгӕ кодта?

-Сымахӕй та чи куыд ӕххуыс кӕны хӕдзары йӕ мадӕн, йӕ нанайӕн ?

Ахуыргӕнӕг.

-Бакӕсут уӕ нывӕцӕнтӕ сымах дӕр, чи уӕ куыд ӕххуыс кӕны хӕдзары.

(сывӕллӕттӕ кӕсынц сӕ нывӕцӕнтӕ, иу цалдӕр скъоладзауы та дзургӕ ракӕндзысты).

3).Скъоладзаутӕ кӕсынц сӕ фысгӕ куыстытӕ-нывӕцӕнтӕ «Куыд ӕххуыс кӕнын ӕз хӕдзары мӕ мадӕн, нанайӕн».

4).Презентацитӕ цы скъоладзаутӕ бацӕттӕ кодтой темӕмӕ гӕсгӕ, уыдон ӕвдисынц сӕ слайдтӕ ӕмӕ дзурынц, куыд ӕххуыс кӕнынц хӕдзары сӕ бинонтӕн ,уый .(Давоян Бено ,Руденко Эдуард, Глущенко Аслан ӕвдисынц ӕмӕ дзурынц сӕ куыстытыл).

http://old.home-edu.ru/file.php/621/000-signs/owl.gif4.Ныхасы рӕзтыл куыст . Слайд №2

Ӕвдисын ныв,кӕцыйы мидӕг сюжеттӕ сты лӕвӕрд ныхӕй- ныхмӕ .

hello_html_m26dc76ff.png

Ахуыргӕнӕг.

Ӕркӕсут нывтӕм , кӕй дзы уынӕм, цы зӕгъӕн ис нывтӕй?





1 ныв

2 ныв

Цӕрдӕг , ӕнӕзивӕг сывӕллон


Зивӕггӕнаг сывӕллон

-Чызг дидинджытыл дон кӕны.

Дзаумӕттӕ тасы ӕхсы.

Иту ӕвӕры йӕ дарӕсыл.

Хӕринаг фыцы.

Къустӕ ӕхсы.




-Автобусы зӕронд ус лӕууы. Чызг ӕмӕ лӕппу та бадынц.

Дыууӕ лӕппуйӕ уынджы хъӕрӕй дзурынц, бӕгӕны нуазынц.

Мад рудзгуытӕ сӕрфы, йӕ чызг та бады, йӕ къӕхтӕ ныхъхъил кодта ӕмӕ фӕткъуытӕ хӕры,телевизормӕ кӕсы.


-Куыд схонӕн ис фыццаг нывы чызджыты?

-Дыккаг нывы лӕппутӕ ӕмӕ чызджы та ?

-Дыууӕ архайдӕн ис ӕрӕвӕрӕн ныхӕй-ныхмӕ?

-Куыд хонӕм ныхӕй -ныхмӕ ӕвӕрд дзырдты?

-Уӕ зӕрдӕмӕ кӕцы ныв тынгдӕр цӕуы?

-Цӕй тыххӕй?

-Цавӕр дзырдтӕй ис схонӕн фыццаг нывы чызджыты ?

-Цавӕр дзырдтӕй ис схонӕн дыккаг нывы лӕппутӕ ӕмӕ чызджы ?

1-аг ныв

2-аг ныв

коммӕгӕс,

хорз,

ӕгъдауджын,

зӕрдӕмӕдзӕугӕ,

ӕнӕзивӕг,

кусаг,

арӕхстджын,

мады уарзаг.


зивӕггӕнаг,

гӕдыныхасгӕнаг,

ӕнӕгъдау,

магуса,

нӕхъомыл.



http://old.home-edu.ru/file.php/621/000-signs/owl.gif5.Хъомыладон куыст.

Уӕдӕ фыццаг нывы цы чызджытӕ ис,уыдон сты ӕнӕзивӕг,коммӕгӕс, хорз, ӕгъдауджын, зӕрдӕмӕдзӕугӕ.

Сымах дӕр хъуамӕ ӕххуыс кӕнат уӕ ныййарджытӕн,цӕмӕй сын сӕ къух рог кӕнат,чи йӕ хорз митӕй , чи та йӕ хорз ахуырӕй. Магуса уӕвын у худинаг, гӕды ныхӕстӕ дзурын та- иууыл худинагдӕр. Нӕ тексты цы чызг ис, уый дӕр йӕ мадӕн куы ӕххуыс кодтаид, уӕд ын нывӕцӕн фыссын уыдаид ӕнцондӕр, нӕ фыстаид гӕды ныхӕстӕ.Мӕн фӕнды , цӕмӕй сымахӕй алчидӕр уа ӕнӕзивӕг. Ӕрхӕццӕ кӕны гыцциты ӕмӕ нанаты бӕрӕгбон ӕмӕ мӕн фӕнды, цӕмӕй сын сӕ зӕрдӕтӕ ссарат , барухс сын сӕ кӕнат уӕ хорз ахуырӕй .

http://old.home-edu.ru/file.php/621/000-signs/owl.gif6. Ӕмбисонд . Слайд№3

Ахуыргӕнӕг.

Уӕдӕ ӕркӕсӕм ахӕм ирон ӕмбисондмӕ чиныджы 153-ӕм фарсыл № 27

«Хорз цы зонай, уый ӕнцон у» .

-Ратӕлмац ӕй кӕнут

-Куыд ӕй ӕмбарут?

http://old.home-edu.ru/file.php/621/000-signs/owl.gif7.Текстимӕ куыст.

Къордгай куыст.

Ахуыргӕнӕг.

1).Адих ут ӕртӕ къордыл. Фыццаг къорды сывӕллӕттӕ сфысдзыстут текстӕй номдартӕ, дыккаг-мивдисджытӕ, ӕрыккаг-афоны фӕрсдзырдтӕ:

Иухатт скъолайы фыстам нывӕцӕн «Ӕз ӕххуыс кӕнын мӕ мадӕн», зӕгъгӕ, ахӕм темӕйыл.

Райстон ручкӕ, райдыдтон фыссын: “Ӕз алы бон дӕр мӕ мадӕн феххуыс кӕнын. Фӕмӕрзын пъол,фехсын къустӕ. Иуӕй-иу хатт къухмӕрзӕнтӕ дӕр ныхсын”. Фӕлӕ ӕндӕр цы фыстаин, уый нал зыдтон. Ме ‘мбалмӕ бакастӕн.Уый тагъд-тагъд цыдӕртӕ фыста йӕ тетрады. Уӕд мӕ зӕрдыл ӕрлӕууыдис, иу хатт мӕ цъындатӕ дӕр кӕй ныхсадтон, уый.Ӕмӕ та дарддӕр ныффыстон: “Ноджы дӕр ма ныхсын цъындатӕ”.Дарддӕр та цы фыстаин, уый нал зыдтон. Фӕлӕ куыд раттон ахӕм цыбыр нывӕцӕн ахуыргӕнӕгмӕ! Ӕмӕ та ма йӕм бафтыдтон: “Ныхсын мӕхи ӕмӕ мӕ мады къабатӕ,салфеткӕтӕ ӕмӕ хуыссӕнгӕрзтӕ дӕр”.

Урок нал ӕмӕ нал фӕуд кодта, ӕмӕ та ӕз ныффыстон: “Ноджыдӕр ма ӕз уарзын рудзынгӕмбӕрзӕнтӕ ӕмӕ стъолӕмбӕрзӕнтӕ ӕхсын”. Уалынмӕ дзӕнгӕрӕг ныццагъта.

Мӕ нывӕцӕн ахуыргӕнӕджы зӕрдӕмӕ фӕцыдис ӕмӕ йӕ ныййарджыты ӕмбырды бакастис.

(Дзуӕппытӕ)

номдартӕ

мивдисджытӕ

афоны фӕрсдзырдтӕ

Нывӕцӕн,

мадӕн ,темӕйыл, ручкӕ, ӕмбалмӕ, тетрады, зӕрдыл , цъындатӕ , ахуыргӕнӕгмӕ, къабатӕ,салфеткӕтӕ ,хуыссӕнгӕрзтӕ

ӕххуыс кӕнын ,райстон, райдыдтон фыссын ,феххуыс кӕнын, фыстаин, нал зыдтон, бакастӕн, фыста, ӕрлӕууыдис, ныхсадтон, ныффыстон, ныхсын , фыстаин, раттон, бафтыдтон,

Иухатт ,алы бон, иу хатт ,

Ӕркӕсут цы дзырдтӕ сфыстат ,уыдонмӕ.

-Цы уын баххуыс кодта номдартӕ, мивдисджытӕ ӕмӕ афоны фӕрсдзырдтӕ ссарынӕн?

-Цавӕр фӕрстытӕ дзуапп дӕттынц номдартӕ?

-Мивдисӕг?

-Афоны фӕрсдзырд?

-Номдартӕн тексты цавӕр кӕрӕттӕ ис?

-Уӕдӕ номдартӕ кӕрӕттӕм гӕсгӕ куы фӕивынц , уый куыд хуыйны?

-Мивдисджытӕ та куыд ивынц? Куыд хуыйны?

(Уӕдӕ практикон куыст бакӕнӕм интерактивон фӕйнӕгыл)

2).Интерактивон фӕйнӕгыл :

1).Хъуыдыйӕдтӕ фӕрстытӕм гӕсгӕ баххӕст кӕн лӕвӕрд номдартӕй .Базон, цавӕр хауӕнты сты лӕвӕрд номдартӕ. (Скъоладзаутӕ хизынц фӕйнӕгмӕ ӕмӕ ӕххӕст кӕнынц фӕлтӕрӕн)

Слайд №4 (1къорды скъоладзаутӕ)

(Чи?________________ ӕнхъӕлмӕ каст зымӕджы ӕрцыдмӕ.

(Кӕй?)___________коммӕ кӕсын хъӕуы.

(Цӕмӕн? ____________ис стыр аргъ.

(Кӕмӕй?)____________ раппӕлыдис ахуыргӕнӕг.

(Кӕмӕ?_______________дзуры йӕ фыд.

(Цӕуыл?) ____________ ӕрзадис бирӕ фӕткъуытӕ.

(Кӕимӕ?)_____________ ныхас кодта лӕппу.

(Цӕйау?) _____________уыдис фӕлмӕн хыссӕ.

Дзырдтӕ спайда кӕнынӕн: Алан, мады, чиныгӕн,скъоладзауӕй, бӕласыл, чызгимӕ, лӕппумӕ, бӕмбӕгау.

Дзырдтӕ базонут кӕцы хауӕнты сты.

Н.х.,Г.х.,Д.х.,И.х.,А.х.,Ӕ-б.х.,Ц.х.,Х.х.(Скъоладзаутӕ цӕуынц фӕйнӕгмӕ ӕмӕ ӕххӕст кӕнынц фӕлтӕрӕн)



2).Нырыккон афоны мивдисджытӕй сараз ивгъуыд афоны мивдисджытӕ.Сӕ кӕрӕттӕ сын фӕнысан кӕн. Базон мивдисӕджы цӕсгом. Слайд№5(2къорды скъоладзаутӕ)



Дзурын -дзырдтон

Бадын -бадтӕн

Хӕрын -хордтон

hello_html_m65bc78b.png



Дзурыс -дзырдтай

Бадыс –бадтӕ

Хӕрыс-хордтай

hello_html_4425a5e8.png

Дзуры -дзырдта

Бады-бадти

Хӕры-хордта

hello_html_m705afa32.png



Дзурӕм-дзырдтам

Бадӕм-бадтыстӕм

Хӕрӕм-хордтам

hello_html_45df88f5.png



Дзурут-дзырдтат

Бадут-бадтыстут

Хӕрут-хордтат

hello_html_m36cd01a7.png

Дзурынц -дзырдтой

Бадынц-бадтысты

Хӕрынц-хордтой

hello_html_438eb557.png



3).Мивдисджытӕ хъӕугӕ фӕрсдзырдтимӕ ныффысс.

Слайд №6(3къорды скъоладзаутӕ)

Фыссы(куыд?)_________________

Дзуры(куыд?)_________________

Хъӕр кодта(кӕцӕй?)____________

Ӕрбацыдис (кӕцӕй?)____________

Фесты(кӕд?)___________________

Фӕуагъта йӕ(кӕм?)______________

Ӕрбатахтис(кӕдӕм?)______________

Дзырдтӕ спайда кӕнынӕн:дардӕй, хъӕрӕй, раджы,аив,уӕлейӕ,кӕмдӕр,мидӕмӕ.

http://old.home-edu.ru/file.php/621/000-signs/owl.gif8.Къордгай куыст.

4).Ахуыргӕнӕг.

Уӕ разы ис тексттӕ .Тексты ӕруагътон рӕдыдтытӕ .Сымах сӕ хъуамӕ ссарат ӕмӕ сӕ сраст кӕнат.(Чи тагъддӕр).

1къорд.

Иухатт скъолайы фыстам нывӕцӕн,ды ӕххуыс кӕнын мӕ мадӕн, зӕгъгӕ, ахӕм темӕйыл.

Райстон ручкӕ райдыдтай фыссын: “Ӕз алы бон дӕр мӕ мадӕн феххуыс кӕныс.Фамӕрзын пъол,фехсын къустӕ. Иуӕй-иу хатт къухмӕрзӕнтӕ дӕр ныхсын”. Фӕлӕ ӕндӕр цы фыстаин, уый нал зыдтон. Ме ‘мбалмӕ бакастӕн.Уый тагъд-тагъд цыдӕртӕ фыста йӕ тетрады.

2къорд.

Уӕд мӕ зӕрдыл ӕрлӕууыдис, иу хатт ӕз мӕ цъындатӕ дӕр кӕй ныхсадтай, уый.Ӕмӕ та дарддӕр ныффыстон: “Ноджы дӕр ма ныхсын цъындатӕ”.Дарддӕр та цы фыстаис, уый нал зыдтон. Фӕлӕ куыд раттон ахӕм цыбыр нывӕцӕн ахуыргӕнӕгмӕ! Ӕмӕ та ма йӕм бафтыдтон: “Ныхсыс мӕхи ӕмӕ мӕ мады къабатӕ,салфеткӕтӕ ӕмӕ хуыссӕнгӕрзтӕ дӕр”.

3къорд .

Урок нал ӕмӕ нал фӕуд кодта, ӕмӕ та ӕз ныффыстай: “Ноджыдӕр ма ӕз уарзыс рудзынгӕмбӕрзӕнтӕ ӕмӕ стъолӕмбӕрзӕнтӕ ӕхсын”. Уалынмӕ дзӕнгӕргӕг ныццагъта.

Мӕ нывӕцӕн ахуыргӕнӕджы зӕрдӕмӕ фӕцыдис ӕмӕ йӕ ныййарджыты ӕмбырды бакастис.

Ахуыргӕнӕг.

Зӕгъут цавӕр рӕдыдтытӕ сты ?

Куыд сӕ хъуыдис фыссын?

Цӕмӕн?



http://old.home-edu.ru/file.php/621/000-signs/owl.gif9.Диалог (сценкӕ).

Ныр та сӕххӕст кӕнӕм 1-аг фӕлтӕрӕн 154-ӕм фарсыл. Баххуыс мын кӕндзысты Глущенко Лизӕ ,Глущенко Аслан ӕмӕ Ким Настя.

Мамӕ. Сёмӕ, нӕ чызг нывӕцӕнтӕ хорз кӕй фыссы,уый зоныс?
Папӕ. Уый мӕнмӕ диссаг нӕ кӕсы. Исты ӕрхъуыды кӕнынмӕ кӕдфӕндыдӕр дӕсны уыдис.
Мамӕ. Йӕ ахуыргӕнӕг дзы тынг раппӕлыдис. Ӕхсызгон ын уыдис, рудзынгӕмбӕрзӕнтӕ ӕмӕ стъолӕмбӕрзӕнтӕ ӕхсын кӕй уарзы,уый.
Папӕ. Уый ӕцӕг зӕгъыс?
Мамӕ(чызгмӕ дзургӕйӕ). Ӕмӕ мын уый тыххӕй раздӕр цӕуылнӕ исты загътай?
Чызг. Ӕфсӕрмы кодтон. Бар мын куы нӕ раттай,уымӕй тарстӕн.
Мамӕ. Цытӕ дзурыс? Ма ӕфсӕрмы кӕн. Тӕккӕ абон ныхс нӕ рудзынгӕмбӕрзӕн.



http://old.home-edu.ru/file.php/621/000-signs/owl.gif10.Физминутка .

Презентаци зарядкӕимӕ , музыкӕ «Маленький джигит».

http://old.home-edu.ru/file.php/621/000-signs/owl.gif10.Диктант(нывон – предметон) .( (Кӕд рӕтӕг баззайа, уӕд ӕххӕст цӕуӕы )

Хъуг

Дзӕбуг

Чызг

Лӕппу

Арс

Скъоладзау

Дзырд «дзӕбуг»-ӕн мырон-дамгъуон анализ саразын.



http://old.home-edu.ru/file.php/621/000-signs/owl.gif11.Аудировани.

154 фарс.ног текст(аудиофыст ног текстмӕ )

http://old.home-edu.ru/file.php/621/000-signs/owl.gif12.Дзырдуатон куыст. Слайд №7 (тексты ис зынӕмбарӕн дзырдтӕ. Рафыссут сӕ уӕ дзырдуӕттӕм тӕлмацимӕ)

Рудзынгӕмбӕрзӕн –занавеска

Байсӕрстон сапонӕй –намылила мылом

Сапоны сӕрст цыдӕр фӕцис-мыльная пена куда-то исчезла

Тухӕнӕй амардтӕн-замучилась

Ӕнхъӕвзтон – сполоскала

Хайгай лӕмӕрстон-выжимала по частям

Ӕрцауындзын- вешать

Ныххуылыдз дӕн- намокла

Тынг разыйӕ баззади-осталась очень довольна

Арӕхстджын- умелая

Стъолӕмбӕрзӕн- скатерть

Алӕмӕрстон -выжала



http://old.home-edu.ru/file.php/621/000-signs/owl.gif13.Хибарӕй куыст.Слайд №8.Чиныджы 155-ӕм фарс ,4-ӕм фӕлтӕрӕн (Сывӕллӕттӕ куы сӕххӕст кӕной фӕлтӕрӕн, уӕд сбӕрӕг кӕндзыстӕм ,раст ӕй сӕххӕст кодтой ӕви нӕ )

Райдыдтон ӕхсын рудзынгӕмбӕрзӕн.

… … ын йӕ иу хай … … .Фӕлӕ цалынмӕ иннӕ хаймӕ хӕццӕ кодтон , уӕдмӕ фыццаг хайӕн йӕ сапонӕй сӕрст цыдӕр фӕцис. Тухӕнӕй амардтӕн .

… … рудзынгӕмбӕрзӕн ваннӕйы доны … .Уый куыст куы фӕдӕн , уӕд та йӕ хайгай … .Фӕлӕ-иу ӕй иуӕрдыгӕй … , ӕмӕ-иу уыцы дон иннӕ хайыл ӕркалдис.

Бынтон зын та … уыдис.Цалынмӕ-иу йӕ иу хай ауыгътон , уӕдмӕ-иу йӕ иннӕ хай пъолмӕ ӕрхаудис. Ӕппынфӕстаг иууылдӕр пъолмӕ ӕрбырыдис.

Ӕз ныххуылыдз дӕн. Рудзынгӕмбӕрзӕн фӕстӕмӕ ваннӕмӕ бахастон ӕмӕ та йӕ ногӕй ӕхсын райдыдтон… йӕ ӕрцауыгътон.

Дзырдтӕ спайда кӕнынӕн: уый фӕстӕ,фыццаг уал, байсӕрстон сапонӕй,фӕстагмӕ , ӕнхъӕвзтон, лӕмӕрcтон, алӕмӕрстон.

Ахуыргӕнӕг. Зӕгъут-ма цавӕр темӕйыл дзырдтам урочы дӕргъы?(Скъоладзауты дзуаппы фӕстӕ равдисдзынӕн фӕйнӕгыл фыст темӕ)

http://old.home-edu.ru/file.php/621/000-signs/owl.gif14.Тест.Слайд №9. (Кӕд рӕтӕг баззайа, уӕд ӕххӕст цӕуӕы тест).


1) Иухатт скъоладзаутӕ скъолайы фыстой нывӕцӕн ахӕм темӕйыл:
а) Ӕз ӕххуыс кӕнын мӕ мадӕн.
ӕ) Ӕз хъазын митӕй.
б) Ӕз уарзын мӕ райгуырӕн бӕстӕ.
2) Чызг ныффыста:
а) ӕз алы бон дӕр ӕххуыс кӕнын мадӕн.
ӕ) ӕз алы бон дӕр кафын.
б) ӕз алы бон дӕр дуканимӕ цӕуын.
3) Чызг ӕхсы:
а) рудзгуытӕ.
ӕ) пъолтӕ.
б) къухмӕрзӕнтӕ.
4) Чызджы нывӕцӕн ахуыргӕнӕджы зӕрдӕмӕ:
а) фӕцыд.
ӕ) нӕ фӕцыд.

б)нӕ йӕ бакаст.

5) Чызг нывӕцӕн:
а) ӕнцонӕй фыста.
ӕ) зынӕй фыста.
б)нӕ ныффыста.

http://old.home-edu.ru/file.php/621/000-signs/owl.gifРефлеки.

Ахуыргӕнӕг.

-Куыд уӕм кӕсы , сывӕллӕттӕ, куыд бакуыстат абоны урочы? (Хорз)

-Ӕз дӕр афтӕ хъуыды кӕнын ,фӕлӕ уыдаид ноджы хуыздӕр урочы фылдӕр куы дзырдтаиккат.

Ныр та уын байуардзынӕн сыфтыл фӕрстытӕ.Сымах сын дзуапп раттут, алчидӕр уӕ йӕхи куыстӕн саргъ кӕнӕт, чи куыд архайдта урочы, уымӕ гӕсгӕ .Фӕстаг рӕнхъыл сӕвӕрут уӕхицӕн бӕрӕггӕнӕнтӕ.

Бахахх кӕн хъӕугӕ дзуапп.

1

На уроке я работал

Урочы ӕз архайдтон

активно, пассивно

активон , пассивон

2

Своей работой на уроке я

Мӕ куыстӕй урочы ӕз дӕн

доволен, не доволен

разы, нӕ дӕн разы

3

Урок для меня показался

Урок мӕм фӕкаст

коротким, длинным

цыбыр, даргъ

4

За урок я

Урочы ӕз

не устал , устал

нӕ бафӕлладдӕн, бафӕлладдӕн

5

Мое настроение

Мӕ зӕрдӕйы уаг

стало лучше, стало хуже

фӕхуыздӕр, февзӕрдӕр

6

Материал урока мне был

Урочы ӕрмӕг

понятен, не понятен

бамбӕрстон, нӕ бамбӕрстон

7

Домашнее задание мне кажется

Хӕдзармае хӕслӕвӕрд у

легким , трудным

ӕнцон, зын

Оценка

Бӕрӕггӕнӕн







Краткое описание документа:

    Урок по осетинскому языку для обучающихся   5 класса.

    Тема урока "Как я помогаю маме и бабушке.Повторение

пройденного материала". Урок начинается с мотивации и

фонетической зарядки. Далее идет работа по развитию речи, работа

над текстом,  работа в группах и диалог. Пройденный материал  дети

закрепляют у интерактивной доски,  выполняя упражнения. Дети самостоятельно работают с текстом после аудирования. Обучающиеся делают физминутку под музыку «Маленький джигит».В конце урока проводится  тест. Заканчивается урок рефлексией. 

Автор
Дата добавления 12.01.2015
Раздел Другое
Подраздел Другие методич. материалы
Просмотров329
Номер материала 289614
Получить свидетельство о публикации

Выберите специальность, которую Вы хотите получить:

Обучение проходит дистанционно на сайте проекта "Инфоурок".
По итогам обучения слушателям выдаются печатные дипломы установленного образца.

ПЕРЕЙТИ В КАТАЛОГ КУРСОВ

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх