Урок"Мен елімнің ертеңімін" тәрбие сағаты

МЕН ЕЛІМНІҢ ЕРТЕҢІМІН

Мақсаты: білім алуға деген ұмтылыстарын, алынған мәліметтерге сыни
көзқараспен қарау қабілеттерін қалыптастыру.
Тәрбиелік міндеті: Өз бетімен білім алу қабілетін қалыптастыру;
Оқу үлгерімдерін көтеру міндетін шешу және өз бетімен
анықтау қабілеттерін қалыптастыру;
Көпшілік алдында сөйлеу дағдыларын қалыптастыру;
Ұйымшылдыққа, бірлікке, іздемпаздыққа баулу, ұтқыр
ойға ұтымды жауап беру дағдыларын қалыптастыру;
Көрнекілігі: Мақал-мәтелдер, интерактивті тақта, сигналдық белгілер,
эмблема.
Сабақтың әдісі: Сұрақ-жауап,  іздендіру.
Сабақтың түрі: танымдылық ойын сайыс сабақ.
Қайырлы күн , құрметті ұстаздар, оқушылар! Бүгінгі біздің ашық тәрбие сағатымызға қош келіпсіздер.
Бүгінгі біздің тәрбие сағатымыз «Мен елімнің ертеңімін» атты ойын сайыс сабағы. Мақсаты оқушылардың алған білімдерін сынау, сараптау және озық ойлы оқушыларды анықтау.
Ойынымыздың шартымен таныстыра кетсем
Бәйге, Жорға, Дода, Тапқырлық кезеңдерден тұрады.
Осы сайыс сабағымызды сараптайтын әділ қазылармен таныстыра кетейін.
 
1. Жүргізуші: Біреу озса сайыста, біреу артта қалады,
Ренжімей тараса, озбағандар жарады.
Жарыс заңы ежелден-жеңімпазды анықтау
Озат болу шарты сол еңбектену
Ендеше сайысқа түсетін сынып оқушылары ұрандарымен таныстыра кетсе.

2. Жүргізуші: Білім деген биік шың,
Бақытқа сені жеткізер.
Білім деген ақылшың,
Қиындықтан өткізер,-деп ойынымыздың алғашқы кезеңі «Бәйге». Кезеңінің шарты 30 сұрақ беріледі.
Дұрыс жауап 10  ұпаймен бағаланады:
 
Сұрақтар
1. Қазақстан Республикасының Тәуелсіздігі қашан жарияланды? (1991 жылы 16 желтоқсан)
2. Қазақстанның мемлекеттік рәміздерін және авторларын ата?
3. Жаңа әнұран қай жылы шырқалды? (11 қаңтар 2006 жылы)
4. Сәулелі жұлдыз іздеген адам. (Ы.Алтынсарин)
5. «Ғылым таппай мақтанба» өлеңінің авторы?
6. Қазақстанның жер көлемі? (2 млн 724 мың шақырым)
7. Қазақстанға көршілес елдер?
8. Басты байлық?
9. Кімді? нені? деген сұрақтар қай септікте?
10. –ға, -ге, – қа, -ке жалғауы қай септіктің жалғауы
11. Күйді орындаушы адам?
12. Екі ақынның өлең жарысы?
13. Күндіз көрмейтін құс?
14. Ұя салмайтын құс?
15. Қазақша жыл басы?
16. Өткен жыл қай жыл?
17. Үш биді ата?
18. Үш бәйтерек кімдер?
19. Қазақстан валютасы теңге қай жылы айналымға енді?
20. Қазақстан Республикасының ұлт аралық тілі?
21. «Жеті қазынаға» нелер жатады?
22. Жерге ең жақын жұлдыз?
23. Бала құқықтары туралы халықаралық конвенция қай жылы қабылданды?
(1989 ж 20 қараша  БҰҰ)
24. Қазақстан Республикасының  Балалар құқығы қай жылы қабылданды?
(2002 ж 8 тамыз 3 бөлім 37 бап)
25. Қазақстан Республикасының «Білім туралы заңы қай жылы қабылданды?»

Неше тарау және неше бап? (2007 ж27 шілде, 12 тарау, 68 бап)
26. Қазақстан Республикасының «Тіл туралы заңы қай жылы қабылданды?»
(1997 жылы 11 шілде)
27. Мектеп – интернатымыз қай жылы ашылған?
28. Н.Тілендиев кім? Қандай атақтарын білесіңдер?
29. 2011 жылы қысқы Азия спорттық ойындары Қазақстанның қай екі
қаласында өтті.
30. Әлемдегі ең әйгілі спорт түрі?

Жүргізуші:
Екінші кезеңіміз «Жорға» логикалық жұмбақ сұрақтар беріледі. Әр дұрыс жауап 10 ұпаймен бағаланды.
Қылығым болса сенен асырамын
Шеше алсаң жұмбағымның бар жауабын
Шаттанып күн секілді ашыламын дегендей
жұмбақтарды  мұқият тыңдап алыңыздар
1 Жанұяда бес ер  бала және олардың әрқайсының қарындасы бар. Жанұяда
қанша бала бар?
2. Бір көйлек жылы ма, әлде бір көйлектің  қалыңдығындай үш көйлек жылы ма?
3. Төр бұрышта бір-бірден мысық отыр, бір-біріне көздерін қысып отыр, әр мысыққа қанша мысық қарсы отыр?
4. Аспанда үш түйеқұс ұшып барады, оның біреуін аңшы атып алды, аспанда
неше түйеқұс қалды?
5. Түнгі сағат 23⁰⁰ –де жауын жауып тұрса 24 сағаттан соң күн шығып тұруы мүмкін
бе?
6. Алманың жартысы  неге ұқсайды?
7. Түйеқұс 10 кг тартады бір аяғымыен тұрса, екі аяғымен тұрса неше
килограмм тартады?
8. 1 жұмыртқа 3 минутта  піседі, ал 4 жұмыртқа неше уақытта піседі?
9. Сенің әке-шешең сенің көршіңе кім болады?
10. Қайыңда 4 бұтақ бар. Әрбір бұтақта екі-екіден алма бар, қайыңда қанша
алма бар?
11. Сендердің аналарыңның, анасының күйеу баласы сендерге кім болады?
Жүргізуші: Келесі кезеңіміз «Дода»
Біреу озса сайыста, біреу артта қалады.
Ренжімей тараса, озбағандар жарады.
Жарыс заңы ежелден жеңімпазды анықтау.
Озат болу шарты сол-еңбектену жалықпау.
Ендеше ойынымыздың келесі кезеңіне көшсек
Мақал қайдан шығады ой болмаса.
Киіз қайдан шығады қой болмаса деп   ойынымызды жалғастырайық
Кезеңнің  шарты мақал мәтелді жалғастыру.
1. Күшіңе  сенбе,……………………………………………………………………
2. Жүк ауырын нар көтерер……………………………………………………
3. Балапан ұлда не көрсе,……………………………………………………….
4. Жүз сомың болғанша…………………………………………………………
5. Әдепті бала арлы бала………………………………………………………..
6. Көз қорқақ ………………………………………………………………………..
7.Тәні саудың…………………………………………………………………….
8.Көп түкірсе ……………………………………………………………………
9.Жұмыла көтерген …………………………………………………………..
10. Дұшпан күлдіртіп айтады………………………………………………..
Ойыншыларды бағалап ұпай саны  2-і оқушыны шығарып салсақ
4-ші кезең «Тапқырлық»
4 кезең  «Тапқырлық» Ойын шарты тапсырманы орындау. Тапқырлығына,
ойлануына, жауабына 5, 10, 15 ұпайдан беріледі.
1 Тапсырма:
Бір аңшы тоғыз үйрек ұстап алады. Ол тоғыз үйректі бір қораға қамайды.
Олар бір қораға сыймай бір-бірімен шоғысып қауырсындарын жұлуға
дейін барады. Сонда аңшы тоғыз үйрекке жеке-жеке бөлме салып береді.
Енді мұқият тыңдаңыздар, тапсырма: аңшы екі төрт бұрыш салып, немесе
екі төрт қабырға салып үйректерді жекелеп қамайды. Аңшы қалай екі төрт
бұрыш салып үйректерді жекелеген?
Сөзді әділқазыларға берейік.
Тәрбиеші:
Жұлдызы жанған озық ойлы оқушымызды қошеметтеп қол соғып қояйық.
«Білікке сенер заманда ешкімге есе бермедік, Бірлікке сенер заманда қапы қалып жүрмейік деп даналарымыз айтқандай» Келешек білімді ұрпақ
қолында екендігін  Елбасымыз жолдауында атап көрсеткен болатын. Еліміздің ертеңі, Тәуелсіз Қазақстанның кемел болашағын келешекке жеткізер осынау озық ойлы ұрпағы бар елдің жалауы ешқашанда еңкеймек
емес.Алдағы уақытта да тек биіктен көріне беріңіздер деген  ізгі ниетпен.
Біз ойынымызды тамамдаймыз. Біздің білімде жеткен биіктеріміз бен қуаныштарымызға ортақ болған барлығыңызға да тек сәттілік тілейміз.