Уруок технологическай картата, төрөөбүт литература (6 кылаас)

Уруок технологическай картата

Учуутал: Макарова Саина Мухтаровна, Хадан  Г.Т.Семенов аатынан орто оскуола саха тылын уонна литературатын учуутала.

Кылаас:6

Предмет : саха литературата

Уруок тиибэ: А.И. Софронов – Алампа “Дьүһүн Кубулуйумтуо” хатылааһын уруок

Сүрүннүүр технология: айымньы геройун мөкү өрүтүн сөпкө ырытыы, группанан үлэлээһин.

Сүрүннүүр методическай ньымалар: ырытыы, чинчийии, тэҥнээн көрүү, үөрэнээччи уйулҕатын уһугуннарар, айар турукка киллэрэр сэһэргэһии, айар үлэ.

Уруок сыала:

Айымньы геройун майгытын мөкү өрүтүн сөпкө анаарыы. Үөрэнээччи санаатын истии, сурукка тиһии.

Үөрэх дэгиттэр үөрүйэхтэрэ:

Билэр-көрөр: бэриллибит кэрчик тиэкистэн сүрүн санааны этэр күлүүс этиини  булар, ырытар, тэҥниир.

Бэйэни салайынар-дьаһанар : бэриллибит тирэҕинэн турбут сыалы быһаарарга үлэтин сүрүннүүр.

Бодоруһар: бэйэтин санаатын толлубакка этэр, атын дьону сатаан истэр .

Тус санааны , сыһыаны сайыннарар: бэриллибит кэрчик тиэкиһи сатаан сыаналыыр, түмүк оҥостор.

Уруок тэрилэ: мультимедийнай презентация, айымньыттан  кэрчик тиэкистэр, компьютер, проектор, уруһуй.

Уруок хаамыыта	Туттуллар ньымалар	Учуутал дьарыга	Үөрэнээччи дьарыга	Туох тэрил туттуллара
1.     Билсиһии	Сэһэргэһии	Бэйэни билиһиннэрэр (айымньыга сыһыары тутан)	Кэпсэтиһии	Үөрэх кинигэтэ, А3 уруһуй.
2.     Уруок бэлиэ тыла	Ыйытыы бэриллэр	Ыйытыылары биэрэр (Эйиэхэ ханнык айымньыттан быһа тардыы көһүннэ оҕолоор?).	Уруок бэлиэтин көрөллөр, хоруйдууллар	Презентацияҕа тэттик киинэ көстөр.
3.     Уруок сыалын таһаарыы, уруогу ааттааһын	Проблемнай ыйытыы, талыы (Хатылыыр уруокпут Дь.К.)	Проблемнай ыйытыылары биэрэр (Сүрүн герой ким буоларый?)	Бэйэлэрин санааларын этэллэр	Презентацияҕа уруок сыала көстөр
4.     Кэминэн айан картатынан үлэ	Быһаарыы	Карталары түҥэтэр, үлэ ис хоһоонун быһаарар (Эһиэхэ уруһуй бэриллиннэ манна Тэмэлдьигэн Миитэрэй уруһуйа)	Оҕолор картаны кытта билсэллэр.	Кэминэн айан картата
5.     1 түһүмэх – герой мөкү быһыытын төгүрүккэ суруйан иилэллэр. (1м.)	Чинчийии, талыы, толкуй	Айымньы ис хоһоонун, геройун санатар. Хамаандатан ыйытар.	Герой мөкү быһыытын суруйаллар. Хамаанда эппиэттиир.	Кэминэн айан картата, учебник
6.     2 түһүмэх – хоруйдарын ыйыыллар. 7.     Ханнык өс хоһооно Тэмэлдьигэн Миитэрэй майгытыгар сөп түбэһэрин көрдүүбүт. (2мүн)	Чинчийии, толкуй	Хамаанда көрдүүр.	Кинигэттэн көрөн этэллэр.	Кэминэн айан картаны көрдөрөллөр. Кинигэни туһаналлар.
8.      3 түһүмэх-Уус ураннык ааҕыы Тэмэлдьигэн Миитэрэй этиилэрин 3(мүн)	Үөрэнээччи ааҕыыта.	Быһа тардыыны үөрэнээччи ааҕар.	Үөрэнээччи ааҕар.	Кинигэ.
9.     4 түһүмэх- Уобараһы көрдөрүү	Көрдөрүү (инценировка)	Сүбэлэһэбит биирдии оҕо хамаандатан тахсар көрдөрөр. Тэмэлдьигэн Миитэрэйи уонна Күөттэ (Көҕүлүйэ оҕуһа буоларын истэн туттуутун көдөрүү).	Хамаандаттан икки оҕо тахсар көрдөрөр.
10.  5 түһүмэх- билиҥҥи олоххо маннык дьоннор бааллар да	Проблемнай ыйытыы, оҕо уйулҕатын уһугуннарыы	Оҕолор санааларын истэр.	Оҕолор хоруйдууллар санааларын этэллэр.
11.  6 түһүмэх-биһирэбиллээх киһи хаачыстыбатын суруйуохха.	Проблемнай ыйытыы, хоруй.	Оҕолор бэйэгит санааҕытын суруйуҥ.	Оҕолор суруйаллар.	карточкаҕа
12. Сыаналаныы, бэйэни ырытыныы Түмүккэ Билиҥҥи олоххо киһи ханнык хаачыстыбата сыаналанар эбитий? Тэмэлдьигэн Миитэрэй курдук киһи үчүгэй дуо?	Диалог	Оҕо бэйэтин сыаналанарыгар, түмүк оҥосторугар усулуобуйа тэрийэр.	Тугу ситиспитин, билбитин, кэрэхсээбитин сыаналанар.
13. Дьиэҕэ үлэ		Үчүгэй киһиэхэ анабыллаах өс хоһоону сурунуу.	Дьиэҕэ үлэтин сурунар

Краткое описание документа:

Төрөөбүт литература уруогар технологическай карта