Абдикенова Динара Жаксыбаевна 1998 жылдан №6 Жезді орта мектебінде бастауыш сынып мұғалімі болып еңбек еткеніне 17 жыл, білімі жоғары, жоғары санатты мұғалім. Жаңа технологияларды, әдіс-тәсілдерді тиімді қолдана біледі. Әсіресе «Тәй-тәй», «Сын тұрғысынан ойлау» технологияларының стратегияларымен жұмыс жүргізеді.
Облыстық жинаққа баяндамалары шықты. Аудандық тамыз мәслихатында, педкеңесте, әдіс бірлестік отырысында баяндамалар жасап, жоғары бағаланып жүр. Республикалық әдістемелік «Бастауыш сынып» журналына бірнеше сабақ жоспарлары басылып шықты. Оқушыларының қоғамдық жұмыстарға белсене араласуына жағдай жасайды, бағыт-бағдар береді. Мектепішілік, қалалық, аудандық, облыстық сайыс, жарыстарға қатысып жүлделі орындар мен марапаттауларға ие болып жүр. Ресубликалық, аудандық ғылыми жобалар сайысының жеңімпаздары. Оқушылардың сурет өнеріне де құштарлықтарын арттырып, түрлі сайыстарға қатыстырады. «Айгөлек» республикалық журналына жазылып, шығармашылық жұмыстарын бірнеше рет жариялады. Сынып оқушылары жан-жақты, өнерлі. Домбыра, фортепиано, күрес үйірмелеріне де қатысатын оқушылары бар. Білім жетілдіру курстарынан уақытымен өтіп, үйренгенін іс тәжірибесіне енгізіп отырады. «Ұлытау ауданының білім саласына қосқан үлесі үшін» Жезді кентінің әкімі «Нұр Отан» ХДП-ның бастауыш ұйымының төрағасының алғыс хатымен (2010 ж), «Тәуелсіздіктің 20 жылдық даму жолында қол жеткізген шығармашылық табысы мен рухани, әлеуметтік еңбекте қосқан зор үлесі үшін» Ұлытау ауданының білім, денешынықтыру және спорт бөлімінің бастығының грамотасымен (2011 ж) марапатталды. Облыс әкімінің сыйлығына тағайындау конкурсына да белсене қатыстып, сертификатпен марапатталды. (2012ж) Абдикенова Динара Жаксыбаевна-бастауыш сыныбының озат, шығармашылықпен жұмыс істейтін, жоғары қабілетті мұғалімі.

Абдикенова Динара Жаксыбаевна 1998 жылдан №6 Жезді орта мектебінде бастауыш сынып мұғалімі болып еңбек еткеніне 17 жыл, білімі жоғары, жоғары санатты мұғалім. Жаңа технологияларды, әдіс-тәсілдерді...