Одноклассникам

Не зная забот, мы играя росли,

И верили в то, что вся жизнь впереди.

Но беспечное детство давно позади,

Ветра перемен все с собой унесли.

А каждый из нас выбирая свой путь,

Мечтал повзрослеть, и с него не свернуть.

Тоска, ностальгия сжимает нам грудь,

Ведь прожитых лет нам уже не вернуть.

Талебелерим акъкъында шиирчиклер.

Фериде

Адым меним –Фериде

Сой адым Халилова

4 йыл тер тёке, тёке,

Къатнайым бу мектепке.

Ана тилини севем,

Бульбуль киби сёйленем.

Дерслерни яхшы динълеп,

Чокъ шейлерни огренем

Суалим бар сизлерге,

Адынъыз не бильдире?

Бильгенлер бардыр эбет,

Анъламлы ад къоймакъ бизде адет

.

Меним адым Фериде,

Пек къыйметли о тильде.

Фериде демек-сыдыкъ,

Адым озюме пек ляйыкъ.

Фериделер сыр тутар,

Олар корюр итибар.

Эр кесни биз севемиз,

Ярдымгъа тез етемиз..

Мудиримиз де аддашым.

Бойле ишлер къадашым.

Айды озюмни мен таныттым,

Сизге чокъ шей анълаттым.

Корюшюрмиз биз даа,

Къойсанъыз яхшы баа.

Анифе

Татлы тилли Анифе

Озь тилини пек севе .

Сезлери дане дане ,

Окъур шиир ве мане .

Окъувгъа о пек авес ,

Сукълана онъа эр кез.

Алиме

Меним адым Алиме,

Айткъанларым сен динъле.

Бильги алсанъыз эгер ,

Олурсынъыз алимлер.

Гульсум

Балалар даим кульсюн ,

Деди бизлерге Гульсум .

Кедер корьмесин козьлер ,

Севинейик эп бизлер.

Фатиме

Тюркю сойлер Фатиме

Бульбуль киби йырлайып

Оны динълеген кимсе ,

Хатырлар алгъышлайып .

Саналаргъа чыкъджам ,

Белли йырджы оладжам ,

Миллетимнинъ яраларын

Тюркюлернен сараджам.

Иззет

Изет пельван оладжакъ,

Эм де аля окъуйджакъ.

Куреште нам къазанып,

Ватаныны къоруйджакъ.

Гульзар

Тербиели къыз Гульзар ,

Гузель окъур эм язар.

Айтынъыз сиз машалла ,

Назар тиймесин онъа.

Наргиза

Зейтюн киби козьлери ,

Дюльбер язар эллери

Бакъынъыз сиз бу къызгъа

Онынъ ады Наргиза

Хатидже

Окъурмы экен Хатидже ,

Раатсызланды оджапче .

Арифлерни танымай,

Ракъамларны анъламай.

Мына энди нетиджеде,

Кельди юксек дереджеге

Али

Сербест окъур эм язар ,

Оджасы оны макътар

Эсапкъа иш кельгенде ,

Алимиз бираз токътар .

Энвер

Акъыллы бала Энвер ,

Сайы ,эсапны север .

Алыр пек яхшы унер ,

Бойле кетсе о эгер .

Эльвина

Зильни алып къолуна,

Кирди окъув ортуна.

Окъуйджам деп макътана ,

Татлы тили Эльвина.

Эдем

Сорасанъыз сиз менден,

Пек мемнюним Эдемден.

Суаль берсенъ сен онъа,

Джевабы азыр бирден.

Эльдар

Ишини пек тез япар ,

Чабик балачыкъ Эльдар .

Язар ,окъур эгленир .

Йылдыз къойсанъ севинир.

Сейдар

Мектепни Сейдар севе ,

Окъувгъа авеслене .

Чез десенъ бир меселе ,

О бакъар Усниеге.