Әр адам – қайталанбас тұлға. Оның жан дүниесі - өзінше бір әлем. Ал сол әлемді шар-тарапқа жетелеуші, бала болмысына өзгеріс енгізуші, бағыт-бағдар беруші ол тұғыры биік текті тұлға ол – ұстаз. Осындай қызығы да, қиындығы мол мамандықты мен де таңдадым.
Мен Адилханов Олжас Кайратович 2007 жылы Алматы облысы, Іле ауданы, Жетыген ауылының №11 орта мектебін «Алтын белгіге» бітірдім. 2007 жылы Әл-Фараби атындағы Қазақ Ұлттық Университетіне грантқа оқуға түстім. 2011 жылы Әл-Фараби атындағы Қазақ Ұлттық Университетін «үздік дипломмен» бітіріп, “информатика” пәнінің мұғалімі мамандығын алып шықтым. 2011 жылдың қыркүйегінде алғаш еңбек жолымды Алматы облысы, Іле ауданы, Өтеген батыр кенті №7 орта мектепте информатика пәні мұғалімінен бастадым.
Данышпан Абай атамыз айтқандай: «Үш-ақ нәрсе адамның қасиеті: ыстық қайрат, нұрлы ақыл, жылы жүрек» . Абайдың бұл жерде көксегені – ойлы азамат. Көкірегінде көзі, бойында тулаған қайраты бар азаматтарға білім беру, оларды өз келешек заманына сай лайықты етіп шығару менің парызым.