Эссе.
Менің кәсіби бірегейлігім
Ұстаз. Осынау сөзде қаншама мән-мағына жатыр десеңізші ! Бала арманым алдамай ,адастырмай осы мамандыққа алып келді. Қоғамдағы барша ұлы ой иелері бір адамға қарыздар, деп ойлаймын. Ол-ұстаз.Менің бұл мамандықты таңдауыма да алғашқы ұстазымның тигізген септігі ұшан- теңіз. «Ұстазы
жақсының –ұстамы жақсы» деп осындайда айтса керек. Мың алғыс!
« Шәкіртсіз- ұстаз тұл» дегендей , білімді ұрпақ тәрбиелеу біздің басты мақсатымыз.Ұлы Абай айтқандай « Ұстаздық еткен жалықпас, үйретуден балаға »дегендей бұл маман иелерінің мойнына артылар жүгі де жеңіл емес.
Мемлекеттік тіліміздің мерейінің үстем, тамырының тереңдеуі , біздің шәкірттеріміздің бойына ұлттық рухымызды сіңіріп, тілі мен дінін берік ұстанған ұрпақ тәрбиелеу қазақ тілі мен әдебиеті пәнінің мұғалімдеріне артылған зор міндет деп білемін . Осы орайда еңбектеніп те келеміз.
Білім мен өнер егіз ұғым.Бала кезімнен төл әдебиетіміз бен мәдениетімізге, өнерге деген құлшыныс бойымда еш толастаған емес.Тілім барда, ұлтым бар,ұлтым барда, ұлттық болмысым,өнерім бар Тілі бай ,өнері өрге жүзген,ұрпағы білімді елдің болашағы жарқын, келешегі кемел болары сөзсіз. Өмірде жар таңдау және мамандық таңдауда жаңылмаған адам , өз орнын тапқан бақытты- адам. Сол бақыттылардың қатарына мен өзімді ойланбай жатқыза аламын. Себебі, мен өз мамандығымнан рахат аламын.
«Бұлақ көрсең, көзін аш» деген халқымның артқан сенімін ақтау жолында, бала бойына күніне түймедей болса да, жаңа бір білімді сіңіртіп, әдебиетке, тілге деген құрмет пен қызығушылығын арттыра білсем ,онда менің еңбегімнің еш болмағаны. Әр мұғалім өз білімін үнемі жетілдіріп, жаңа заманға сай жаңалықтармен білімін толықтырып отырса, онда мамандығын еш ойланбастан мақтанышпен айта алады,осы бағытта біздің оқу орнымызда ізденіске ,жаңашылдыққа аса мән берілген.Өз білімімізді шыңдауда жан –жақты ізденудеміз. Міне ,жаһандану кезеңінің жаңашыл ұстазына ұмытылудың бірден-бір сара жолы-осы!- деп білемін.
