Мен Алимбаева Лаура Нурбакытовна 1983 жылы 19 сәуірде Шығыс Қазақстан облысы, Үржар ауданында дүниеге келдім.
1988 жылы осы жердің С. Сейфуллин атындағы орта мектептің 1 – ші сыныбына қабылданып, 1998 жылы аталған мектепті аяқтадым. 1999 жылы Семей қаласындағы М.О Әуезов атындағы Семей университетінің қазақ тілі және әдебиеті факультетіне түсіп, 2004 жылы аяқтадым.
2005 жылдың қыркүйек айында өз өтінішім бойынша Семей қаласының Бұлақ ауылындағы «Бұлақ жалпы орта білім беретін мектебі» КММ қазақ тілі мен әдебиеті пәнінің мұғалімі болып қабылдандым. Осы жылдан бастап «Бұлақ жалпы орта білім беретін мектебі» КММ қызмет етіп келемін. Қазіргі таңда 5,7 – ші біріккен сыныптарға сынып жетекшілік етіп жүрмін. Еңбек өтілімім 10 жыл. ІІ санатты ұстазбын. Осы жылдар аралығында оқушыларым мектепішілік, ауыларалық, қалааралық сайыстарға қатысып келеді. қазақ тілінен облыстық «Айналайын» байқауында жыл сайын оқушыларым ІІ, ІІІ орындарды иеленіп келеді. Сондай – ақ қазақ тілі мен әдебиеті пәндерінен мектеп оқушылары арасындағы дәстүрлі аймақтық олимпиадаларға қатысып, Рахметова Рыскүл, Қундусбаева Наргиза ІІІ орындарға ие болды. Сол сияқты Семей педагогикалық колледжінде өткізілетін қазақ тілі пәні бойынша аймақтық олимпиадаларға қатысып, мақтау қағаздарымен марапатталып отырды. Мектептегі барлық мерекелік іс – шараларға белсенділік таныта отырып қатынасамыз. Обылыстық «Ұстаз» газетіне «Ақын қонақтар», «Етістіктің шақтарын қайталау» тақырыбындағы ашық сабағым жарияланды. Шағын кешенді мектеп болғандықтан біріккен сыныптарымыз бар. Сабақтарымызды екі сыныпқа арнап жоспарлап өткіземіз. Әр сабағымызды қызықты, тартымды етіп өткізуге тырысамын. Жаңа технологияны оның ішінде көбіне ойын элементтерін пайдаланамын. Жақында мектепішілік ғылыми – тәжірибелік конференция ұйымдастырылды. Осы сайысқа «Таңғажайып жеті саны» тақырыбын тандап алып, жеті санының қасиеті туралы 9 – сынып оқушысы Кундусбаева Наргизамен бірігіп зерттеп, ізденіс жұмыстарын жүргізіп, осы сайысқа қатынасып ІІ орынды иелендік. Ұстаз әрқашан шығармашыл, үнемі ізденімпаз болуы керек. Өзі үйреніп жүріп шәкіртіне үйретеді. Осы мақсатта ауыл мектептеріне, қала мектептеріне жиі барып сабақтарына, семинарларына қатынасып тәжірибе алмасып отырамын. Белгілі абайтанушы, ғалым-текстолог, профессор Қайым Мұхамедханұлының 95 жылдығына арналған ғылыми-практикалық конференциясына, «Қазақ тілінің қолдану аясын кеңейту мен оқыту әдістемесін жетілдіру мәселелері» атты республикалық ғылыми – практикалық конференцияға қатысып, баяндамаларым кітап бетіне шықты.