Мен Аубакирова Асем Бейбитбековна 1979 жылы 26 - қазанда Шығыс Қазақстан облысы, Аякөз ауданы, Баршатас ауылында дүниеге келдім.
1986 жылы осы жердің С.М Киров атындағы орта мектептің 1 – ші сыныбына қабылданып, 1994 жылы аталған мектептің 9 – шы сыныбын «ерекше» деген аттестатпен аяқтадым. Осы жылы Талдықорған қаласындағы Қ. Байсейітова атындағы саз колледжінің қобыз класына түсіп, 1999 жылы аяқтадым.
1999 жылдың қыркүйек айында өз өтінішім бойынша Баршатас ауылындағы №1 қазақ орта мектебіне музыка пәнінің мұғалімі болып қабылдандым. Аталған мектепте 5 жыл уақыт аралығында жұмыс істеп, семья жағдайыма байланысты 2004 жылы Семей қаласы, Бұлақ ауылына көшіп келдік. Осы жылдан бастап Бұлақ ауылындағы «Бұлақ жалпы орта білім беретін мектебі» КММ музыка пәнінен ұстаздық етіп келемін. Қазіргі таңда 6 – шы сыныпқа сынып жетекшілік етіп жүрмін. Еңбек өтілімім 15 жыл. ІІ санатты ұстазбын. Осы жылдар аралығында оқушыларым мектепішілік, ауыларалық, қалааралық ән, би байқауларына қатысып келеді. «Сайыпқыран» жас серілер байқауында Исатай Мейіржан өнерімен бәйгеге түсіп бас жүлдені иеленді. «Кел билейік» атты Шүлбі кентінде өткен би байқауында «Қызғалдақ» қыздар тобы қазақ биімен сайысқа түсіп І орынға ие болды. Патриоттық ән байқауында Кумарова Диляра бас жүлдені иемденсе, осы сайыста Исатай Мейіржан ІІІ орынға ие болды. Өзімде түрлі сайыстарға қатысып тұрамын. «Жас оқырмандар» сайысында бас жүлде, «Жаңа ғасырдың - жаңа ұстазы» атты аймақтық жыл мұғалімдер сайысында ІІІ орын алдым. Көркем өнерпаздар сайысында белсене қатысқаным үшін мақтау қағазымен марапатталдым. Осы сайысқа оқушылар мен ұстаздардың басын біріктіріп, дайындағаным үшін әкішіліктің алғыс хатымен марапатталдым. Мектептегі барлық мерекелік іс – шараларға белсенділік таныта отырып қатынасамыз. Обылыстық «Ұстаз» газетіне «Ана» тақырыбындағы ашық сабағым жарияланды. Шағын кешенді мектеп болғандықтан біріккен сыныптарымыз бар. Сабақтарымызды екі сыныпқа арнап жоспарлап өткіземіз. Әр сабағымызды қызықты, тартымды етіп өткізуге тырысамын. Жаңа технологияны оның ішінде көбіне ойын элементтерін пайдаланамын. Жақында мектепішілік «» сайысы ұйымдастырылды. Осы сайысқа «Жарқын талант» тақырыбын тандап алып, өзімнің туған жерімнің тумасы Е.Рахмадиевтің өмірі, шығармасы, жетістіктері туралы 8 – сынып оқушысы Кусембекова Камилламен бірігіп зерттеп, ізденіс жұмыстарын жүргізіп, осы сайсқа қатынасып ІІ орынды иелендік. Ұстаз әрқашан шығармашыл, үнемі ізденімпаз болуы керек. Өзі үйреніп жүріп шәкіртіне үйретеді. Осы мақсатта ауыл мектептеріне, қала мектептеріне жиі барып сабақтарына, семинарларына қатынасып тәжірибе алмасып отырамын.