Көкшетау қаласы, (қазақ тілінде оқытылатын) дарынды балаларға арналған №3 облыстық мамандандырылған мектеп-интернатында 2013-2014 оқу жылынан бастап жұмыс істеймін. Жалпы педагогикалық еңбек өтілім – 16 жыл.
Менің ұстаздық ұстанымым: Ой-өрісі жаңашыл, шығармашылық деңгейде қызмет атқара алатын дүниетану мәдениеті, дүниемен этикалық қатынастағы жауапкершілігі зор адамды тәрбиелеу, білімді тұлғаны дамыту.
Менің өзекті тақырыбым: “Биология сабақтарында оқушылардың шығармашылық және танымдық белсенділіктерін дамыту арқылы құзіреттіліктерін қалыптастыру”. Осы өзекті мәселемді іске асыру мақсатында биология сабағында жаңа технологияларды колдана отырып оқушылардың пәнге деген қызығушылығын арттырамын.
Жыл сайын өтетін пән онкүндіктерінде төменде көрсетілген тақырыптар бойынша ашық сабақтар мен сыныптан тыс жұмыстар өткіздім: «Тері аурулары», «Аралас бездер», «Қалқаншамаңы безді, тимус және бүрек үсті безі», «Мүктердің әртүрлілігі», «Селекция негіздері», «Ғылым мен пайым », «Тамақтана білу – денсаулық кепілі».
Оқыту процесі: Өз бетімен оқып үйренуге қабілетті жеке тұлғаны қалыптастыру
Ұйымдастыру формалары: жеке, топтық, жұптық, ұжымдық, өз бетінше білім алу.
Оқыту әрекеті: ақпараттық, танымдық, дамытушылық, зерттеушілік, ізденушілік.
Оқыту құралдары: стандарт, бағдарлама, оқулық, қосымша әдебиет, ақпараттық материалдар.
