Мин Аксубай районы Кызыл-Тау авылында туганмын. Башлангыч белемне туган авылымда алдым.Урта белемне Иске Кыязлы авылында алдым. Аннан соң Түбән Кама педогогика училищесына укырга кердем. Анда укып тәрбияче һөнәрен үзләштердем.. Аны тәмамлап , кулга диплом алып, туган ягыма эшкә кайтттым. Педагогик эшчәнлегемне тәрбиче булып эшли башладым. Алабуга педогия университетына укырга кердем. Анда укытучы һөнәрен үзләетердем һәм татар теле укытучысы булып эшли башладым
Хезмәт юлымны Аксубай 3 нче урта гомуми белем бирү мәктәбендә дәвам иттем. Биредә мин татар теле һәм әдәбият дәресләре укытам.. Укучыларның татар телен, туган телне өйрәнүгә булган кызыксынучанлыгы, омтылышлары миңа илһамланып, бар сәләтемне куеп укыту өчен көч бирә, иңнәремә канат куя. Менә инде 20 инде ел укытучы һөнәрен яратып башкарам.
Укучыларымда туган телебезгә мәхәббәт тәрбияләүне төп бурычым дип саныйм. Һәр кеше туган теле аркылы дөньяны танып белә, аралаша башлый. Тел ул - яшәешнең алтын ачкычы. Үз телен яраткан, белгән кеше генә чит телләрне дә өйрәнә, мәгънәсенә төшенә, үзләштерә ала. Без туган телебезне буыннан-буынга күчерергә аны сакларга һәм якларга бурычлы. Шул максаттан чыгып, дәресләремне укучыларыма кызыклы һәм күңелләренү үтеп керерлек итеп үткәрергә тырышам. Яңа мәгълүмати технологияләр, төрле алымнар кулланып укытам. Республика, Россия күләмендә үткәрелгән төрле бәйгеләрдә катнашып, уңышлы урыннар яулыйм. Халыкара конкурсларда уңышлы катнашам.
