Мен Джанзакова Назымгуль Тулеуовна Ақтөбе облысы Мұғалжар ауданы Жем қалалық №5 орта мектебінің бастауыш сынып мұғалімімін. Мен іс-тәжірибемде алдыма қойған мақсатыма жете аламын деп ойлаймын. Оқушыны көркем жазуға, мәдениетті, таза, дұрыс сөйлеуге және шығармашылық қабілеттерін дамытуға үйретемін. Өз сабақтарын өткізу барысында өзмі ғана ізденіп қоймаймын, оқушылардың өз бетінше жұмыс жасауына, ықпал етемін. Өз сабақтарымда оқушының ойлау, есте сақтау, іскерлік қабілеттерін дамытып қана қоймай, олардың топпен, өзіндік жұмыс істеуін қалыптастырып, жан-жақты білімін жетілдіремін. Сабақтар барысында шығармашылықты шыңдай жүріп, әсіресе оқытудың жаңа әдіс-тәсілдерін, жеті модульдіпайдаланумен қатар, саяхат-сабақ, жарыс сабақ, топпен, жұппен жұмыс істеуде оқушылардың білімін, шығармашылық белсенділігін жоғары көтеруге, аз сөйлеп көп ойлануға үйретемін. Сабақтарда оқушылардың әр түрлі проблемаларды шешу жолдарын іздестіруге мүмкіндік туғызып, олардың логикалық ойлау қабілетін дамытып, оқуға қызығушылығын арттырамын.