Менің сүйікті мамандығым болғандықтан өз кәсібімді ұнатамын. Отбасым бар. Екі қыз тәрбиелеп отырмын. Осы салада 24 жыл еңбек етудемін. Жоғары білімді, жоғары санатты. Шын білім тәжірибеде ғана туады. Білім жолының негізі тәжірибеде. Ақыл зерек тексеріп тергеп, терең бойлап тоқып, кестелеп көзбен көргеннен, қолмен ұстағаннан қорытынды шығарады. Бұл неше сыннан өтіп, таспадай сыдырылып, таяқтай жанылып білім негізі болып шығады.
Тәжірибеден алған білім ұмытылмайды, төл ат болады.
Өмірдегі көп мамандықтардың ішінде жан-жақты білімділікті, шеберлікті, мейірімділікті қажет ететін ұстаздық мамандық. Олай дейтін себебім , мұғалім үнемі шәкірттерімен бірге болып, білсем, үйретсем деген бала арманы мен оның сырлы тағдырына басшылық етуді мойнына алған маман. Бүгінгі ұстаз шәкірттеріне ғылым негіздерінен мәлімет беріп қоймай, қатаң бәсеке жағдайында өмір сүруге тәрбиелеу керек. Ол нағыз ұстаздың ғана қолынан келеді. Ұстаз атана білу, оны қадір тұту, қастерлеу – әр мұғалімнің борышы деп едім. Ол – өз кәсібін, өз пәнін, барлық шәкіртін, мектебін шексіз сүйетін адам. Осы іске деген қызығушылық пен сүйіспеншілік қана оны небір қиын әрекеттерге жетелейді, іске батыл кірісуге септігін тигізеді. Нәтижесінде бірнеше жас жүрекке мәңгі ұстаз болып қалады.
