Келешекке кемел біліммен ғана жол салған қасиетті орын, білім ордасы – мектепте мұғалім деген аса құрмет иесі. Мектеп –кеме, білім –теңіз болған киелі орында жұмыс жасап, жас ұрпаққа саналы да сапалы білім беріп, тәлімді тәрбиеге баулып жүргеніме өзімді бақытты жан сезінемін.
«Ағылшын тілі сабағында деңгейлік тапсырмаларды ұйымдастыру арқылы оқушылардың функционалдық сауаттылығын дамыту» тақырыбын педагогикалық жұмысымның ұстанымы ретінде жұмыс жасап келемін.
Біліктілікті арттыру институтында «Ағылшын тілін ерте жастан меңгертуде интербелсенді әдіс-тәсілдерді қолдану жолдары» тақырыбында 12 наурыз 2015 жылы облыстық курстық тыңдаудан өтіп, кәсіби біліктілігімді арттырдым.
Ұстаз қашан да ізденіс жолында жүретіндіктен өз іс тәжірибелерін көпшілік алдына талқыға салу, ой бөлісуді керек ететіні белгілі. Осындай ізденіс тақырыбымды ғылыми- конференцияларға қатысып «Ағылшын тілі сабақтарында деңгейлеп оқыту технологиясы арқылы оқушылардың құзыреттілігін арттыру» атты баяндамам мақала ретінде ҚАЕУ-да ұйымдастыруымен өткен аймақтық ҒПК «Интеграция и инновация в региональной системе: Мектеп-Колледж-ЖОО» атты жинақта жарияланды.
Ұлы Жеңістің 70 жылдығына арналған сынып жетекшілер арасындағы ғылыми-практикалық конференцияға «Патриоттық құндылықтарды қалыптастыруда отансүйгіштікке баулу жолдары» атты тақырыптағы баяндамам үшін мектепішілік алғыс хатқа ие болдым.
Озық тәжірибе - көпке ортақ деп түсінемін. Оқытудың негізі –сабақ. Осы орайда өткізген ашық сабақтарымда шәкірттерімді сыни тұрғыдан ойлауға жетелейтін, ұстаз ретінде ақпараттық коммуникативтік технологияларды жетік меңгеруімді байқатқан «Sports in Britain», «How many apples?», «The Beauty of language is the beauty of poetry», «Be the BEST!» атты ашық сабақ және сыныптан тыс шараларым болып табылды.
Ағылшын тілі пәні бойынша білім мониторингым 75% сапалық көрсеткіш беріп отыр. Сабағымды тиімді әдіс –тәсілдермен тиянақты, жан-жақты ұйымдастыра алуым нәтижесінде оқушыларымның пәнге деген қызығушылығы тұрақталып, білім сапасы әр тоқсан сайын көтерілгендігін байқаймын.
Ұстаз жетістіктері- шәкірттерінде. Мұғалім, бағыт беруші ретінде қандай ізденімпаз болсам, оқушыларым да сондай ізденгіш, көп білуге құмар балалар. Дарынды оқушылармен жұмысты жүйелі жүргізу нәтижесінде оқушыларым халықаралық, облыстық сайыстардың жүлделі орын иегерлері. 2015 жылы халықаралық «British Bulldog» интеллектуалдық конкурсында 3 оқушым 3- орын алды және облыстық интеллектуалдық «Leader» конкурсынан 3 оқушым 2- орын, «Кенгуру -лингвист» 15 оқушым сертификатқа ие болды.
Оқу мен тәрбие қатар жүретін білім ордасында мектепішілік әдістемелік бірлестік жұмысына да белсене араласып, қоғамдық шаралардың ұйытқысы болудамын.
Өзекті тақырыбымдағы жұмыстарым қай жағынан болса да ұштасып, жүйелі жұмыстардан көрініс табуына ерекше мән беріп, сол жолда жұмыс жасаудамын.