Масатбаева Салтанат Сабырқызы - география пәні мүғалімі, еңбек өтілім -27 жыл.
Еңбек жолымды 1988 жылы Жамбыл облысы, Жамбыл ауданы Тұрар Рысқұлов атындағы шағын орталау мектептен бастағанмын. Қазіргі кезде Астана қаласы Физика-математика бағытындағы Назарбаев зияткерлік мектебінде қызмет атқарамын.
Өмірлік ұстанымым: "Үлкен жол - ұзақ жол, кішкене ғана қадамнан басталады..."
Педагогикалық ұстанымым: "Оқыту кірпішті бір қолдан бір қолға бергендей көрінбеуі керек. Оқыту - оқу бағдарламасы мұғалімнен оқушыға бағытталған бір жақты қозғалыс емес. Оқыту - интерактивті процесс".
Оқушы оқу процесінің басты өзегі, сондықтан назардың барлығы оқушының дамуына, оның ойлау стилінің тәуелсіздігіне аударылады. Оқушыны «дайын білімді игеруші» моделінен «Оқушы – оқу үдерісі – нәтижеге бағытталған» моделін қалыптастыру бағытында бірқатар жұмыстар жүргізілуде. Нәтижесінде оқушыға бағытталған түрлі іс-әрекеттік тәсіл білімнің мәні мен маңызын жоққа шығармайды, керісінше оқушылардың алған білімін өмірде қолдана білуге басымдық береді. Бұл нәтижелерге бұрынғыдай жеке пәндер бойынша меңгерген білік, білім, дағдылар емес, өмірлік дағдылар алынады. Демек, мұғалім оқушыларға жүйеленіп өңделген оқу материалын дайын күйінде ұсынбай, оқушыға өз бетімен ізденуге, өзіне қажет білімді меңгеруге қажетті іскерліктермен қаруландыру керек. Осының нәтижесінде оқушылар өз өміріне қажетті құзырлылықты меңгеріп шығады.
Қазіргі біздің қоғамға білімді, тәрбиелі шәкірт қана емес, сондай-ақ қазақ халқының өзекті деп танылған ұлттық құндылықтарын қадірлейтін, Отаны мен ұлтын сүйіп, оны қадірлейтін Азаматтылығы жоғары жоғары жастарды тәрбиелеу көзделіп отыр. Олай болса, зияткер мектеп түлектері адамгершілік құндылықтары мол, тілдік мақсат пен міндеттерді игерген, болашақ еңбек нарығында бәсекеге түсе аладын нағыз патриот оқушылар болып саналады.
