Қостанай облысы Жангелдин ауданы Н.Г. Иванов орта мектебінде қазақ тілі мен әдебиеті пәнінің мұғалімі болып жұмыс атқарудамын. Екінші санатты мұғаліммін. Менің педагогикалық ұстанымым: "Өзіңе сен,өзіңді алып шығар, Ақылың мен білімің екі жақтан" Абай. Менің жұмыс жасайтын мәселем: 1.ғылыми-әдістемелік жұмысымды жетілдіру. 2. Оқушыларды өз бетінше білім алуға дайындау. "Білім кімде болса, сол білікті болар" демекші, менің педагогикалық тақырыбым: сын тұрғысынан ойлау технологиясы арқылы оқушылардың шығармашылық қабілеттерін арттыру. Сын тұрғысынан ойлау дегеніміз- ой қозғай отырып, оқушының өз ойына сыни қарап, естіген, білгенін талдап,салыстырып, реттеп, жүйелеп, білмегенін өзі зерттеп,дәлелдеп, тұжырым жасауға бағыттау, өз бетімен және бірлесіп,шығармашылық жұмыс жасау. Басты мақсат, оқушыларға кез-келген мазмұнға сыни көзбен қарап, екі ұйғарым, бір пікірдің біреуін таңдауға саналы шешім қабылдауға үйрету. "Маған айтшы- мен ұмытып қаламын, маған көрсетші - менің есімде қалады, өзіме істетші - мен сонда түсінемін" Қытай даналығында айтқандай, жұмысымның нақты нәтижесін көре қоймасамда, оқушылардың ойлау қабілеті дамиды, оқушылардың танымдық белсенділіктері артады, өз ой- пікірлерін айтып, сөйлей білуге үйренеді.