Мен,Сарсемалиева Алшагуль бастауыш сынып мұғалімі болып 23 жыл жұмыс жасап келемін. Ұстаз болу адамнан үлкен жауапкершілікті қажет етеді. Қиын да қызығы мол істе қажымай талмай еңбек еткен адам ғана өз жемісін көре алады, жетістіктерге жете алады деп ойлаймын. Ал енді өз жетістіктерімді былайша тізбектер едім:
2013 жылы республикалық «45 minut.kz» басылымына ашық сабағым жарияланды.
2013 жылы облыстық «Әдістемелік бірлестік жетекшісі» байқауына қатысып, ІІІ орын алдым. 2012 жылы аудандық «Ең үздік бастауыш сынып бірлестік жетекшісі» байқауына қатысып, жүлделі ІІІ орын алдым. 2013 жылы аудандық «Әдістемелік бірлестік жетекшісі» сайысына қатысып, бас жүлде алдым.2014 жылы интернет олимпиадаға қатысып, 32 ұпай жинап, «өте жақсы» деген көрсеткіш көрсетіп, сертификатқа ие болдым.
Оқушыларымның жетістіктері:2014 жылы республикалық «Ақбота» интеллектуалдық марафонына 9 оқушым қатысып, оқушыларым Өтеғалиева Бибінұр, Әділбекова Нұрай, Сарсенбаева Ақбота жүлделі ІІ орын алса, ал Уалитханова Зарина мен Қадыржанова Фариза жүлделі ІІІ орын алды. 2014 жылы халықаралық "Золотое руно" сайысына қатысқан оқушым Уалитханова Зарина ІІІ дәрежелі дипломмен марапатталды. 2014 жылы аудандық «Сенің мүмкіндігің, жас өрен» сайысына оқушым Тілекқабыл Ақбота қатысып, жүлделі ІІІ орын алды. 2014 жылы аудандық олимпиадаға екі оқушым қатысып, жүлделі І,ІІ орындарға ие болды. Олар: Ерғанат Рахымжан (математика) және Әділбекова Нұрай (ана тілі). "Инфоурок" конкурсының "Күз - 2014" және "Қыс - 2015" сайыстарына сынып оқушылары түгел қатыстып, жүлделі І, ІІ, ІІІ орындарға ие болды.
Бұл үш жыл ішінде жеткен жетістіктерім ғана. Алда көп міндеттер бар, соны орындау үшін әлі де ізденіп, шығармашылықпен жұмыстанамын деп ойлаймын.
ХХІ ғасыр - білімділер ғасыры. Ендеше бізге ой өрісі жоғары дамыған, зерделі, жан-жақты дамыған, парасатты ұрпақ керек екенін бір сәтте естен шығармағанымыз жөн.
Ұстаз жолы қиынырақ басқадан,
Сырлары көп сыртқа әлі шықпаған.
Шаршаса да осы жолдың бойында,
Қандай рақат,шын бақытын тапса адам.