Ұстаз оқу материалының жүйелі түрде бөлінуіне , ойлау тілін жетілдіруге үлкен көңіл бөледі. Бекіту сабақтарында оқушымен қарым – қатынасты жүзеге асыру мақсатында ойлау,оқу,тыңдау және жазу , яғни , сөйлеу әрекетінің барлық түрлерінің іске асуына ықпал етеді. Оқушыларды ұлттық дәстүрмен, қазақ халқының тарихымен, мәдениетімен, туған жерінің табиғатымен таныстырады. Жадыра Муратовна “Мәнерлеп оқу, сауатты жазу” атты тақырып бойынша зерттеу жұмысымен айналысады.
Мұғалімнің әр пән бойынша өткізген іс – шаралары оқушылар есінде көпке дейін сақталады. Ол тірнектеген еңбегімен оқушы білімінің жақсы деңгейде болуына қол жеткізді. Мысалы, өзі беретін 1 «А» сыныбында оқу үлгерімі 100%, сапа 67 %, үздік оқушы саны-8, озат оқушылар-6, орташа оқитындар-7. Сонымен қатар, 4 «А» сыныбында да оқу үлгермі-100%, сапа-70%, қазақ тілі пәні бойынша алған байқау тестінің қорытындысы бойынша орташа балл-32-35 балл-9оқушы, төменгі балл-15 балл-1 оқушы, жоғары 36-40 балл -8 оқушы болды.
Оның оқушылары мектеп, қала олимпиадаларына, жарыстарға белсенді түрде қатысып, жүлделі орындарға ие болып жүр. 2008 жылы қалалық мәнерлеп оқу сайысында оқушысы Құдайбергенова Мөлдір жүлделі ІІ орынды жеңіп алды. Ал 2009 жылы Қойшина Шұғыла деген оқушысы аталған сайысқа қатысып, Бас жүлденінің иегері болып отыр. Бұл ұстаздың бірізді зерттеу жұмысының нәтижесі деуге болады.
Жадыра Мұратовна қалалық гимназияда 2011-2012 оқу жылынан бастап еңбек етуде. 2011 жылы желтоқсанда Касимов Али, Жарылғап Аружан, Сабыр Димаш, Амурзаков Жасулан атты оқушылары қалалық ғылыми зеррттеу сайысына қатысып, Бас жүлдені жеңіп алды. Сонымен қатар, 2012 жылы наурызда Жарылғап Аружан облыстық бастауыш сынып оқушыларының олимпиадасында жүлделі 3-орынға ие болды.
Жадыра Муратовна өзінің кәсіби шеберлігін шыңдау жолында тынбай еңбек етуде. Ұстаздардың білім жетілдіру, қайта даярлау курсынан 2006, 2007, 2010,2012 жылдар аралығында үздіксіз өтіп отырды.