Шығармашылық есеп.
Мен, Сүлейменова Жанар Базарқызы, 1970 жылы 22 қыркүйегінде Көкшетау қаласында өмірге келдім. 1987-1992 жылдары Көкшетау қаласындағы Ш.Уалиханов атындағы институтты оқып бітірдім. Институтты бітіргеннен кейін 1992-1994 жылдары қазақ лицейінде мұғалім болып жұмыс істедім. 1995-1996 жылдары бала күту демалысында болдым.
1997-2002 жылдары еңбек биржасында есепте тұрдым. 2002-2005 жылға дейін ЖСШ КЖІ станциясында іс жүргізуші болып жұмыс істедім.
2006 жылдың 3 қаңтар айынан бастап № 21 «Ақбота» балабақшасында аудармашы ретінде жұмысқа қабылдандым. 2006 жылдың 1 наурызынан бастап қазақ тілі мұғалімі болып ауысып, жұмыс істеп келемін.
2015жылдың 17 қыркүйегінен -22 қыркүйекке дейін Ақмола облыстық БҚБАҚД-нда қазақ тілін оқытудың мазмұны және әдістемесі бойынша өз білімімді көтеріп, куәлік алдым.
Өз жұмысымды балабақша ұжымының алдына қойған мақсатымен ұштастырамын. Менің ең басты мақсатым: балалардың тілдерін дамыту. Балалардың тілдерін халық ауыз әдебиеті арқылы дамытамын. Әр сабағымда мақал-мәтелдер, жұмбақтар, нақыл шумақтар, тыйым сөздер, өлең –тақпақтарды қолданып, балаларға үйретуге тырысамын. Сабақтарымда сергіту сәтін қызықты, ойын түрде өткізуге тырысамын. Сонымен қатар лингвистикалық, дидактикалық, дамыту ойындарын көп қолданамын. Әрбір өткен сабақтарды ата-аналарда біліп отырады, өйткені олар үшін дәптер бар, соған өткен тақырыбымды, мақсатымды және меңгерілетін сөздерді ата-аналар үшін жазып отырамын.
Сабақтан тыс «Болашақ» атты үйірме жұмысын жүргіземін. Осы үйірме жұмысында мен балаларды халық ауыз әдебиетімен, ұлттық ойындармен, киімдермен, тағамдармен таныстырамын.
Үйірме жұмысының мақсаты: балалардың сөздік қорын байытып, тілдерін дамыту, білім дағдыларын нығайту, сөйлеу қабілеттерін арттыру, қазақ халқына оның тіліне, салт-дәстүріне, мәдениетіне деген қызығушылықтарын арттырып, әдептілікке, адамгершілікке баулу.
2014 жылдың мамыр айында мектепке дейінгі мекемелерде тәрбиеленетін ұлты қазақ емес бүлдіршіндер арасындағы мемлекеттік тілді меңгеру деңгейін анықтау мақсатында өткізілген қалалық «Балғын шақ» балалар байқауында Осиненко Ангелина – 6 жаста қатысып,3-ші жүлделі орын алды. .
2015 жылдың қараша айында «Күз мезгілі» атты қалалық ашық сабақ өткіздім. Сабағымның мақсаты: балалардың тілдерін дамыту. Жаңа технологияларды қолдандым.
Өзге ұлт өкілдерінің мемлекеттік тілге деген қызығушылықтарын арттыру үшін сабақта жаңа әдіс-тәсілдерді қолданып жұмысымды жалғастырудамын.