Суртаева Айнур Даулетбековна тәжірибелі, жаңашыл педагогтарының бірі. «Мектеп жасына дейінгі балалардың шығармашылық қабілеттерін дамыту» атты проблемалық тақырыбымен жұмыс істейді. Жас маман өзінің ізденісінің нәтижесінде балаларды өзіне баурай білді. Күнделікті сабаққа жан-жақты дайындалып келеді. Әр сабағына көрнекіліктерді кеңінен қолдана біледі. Көбінесе ойын түрінде өткізу және дидактикалық материалдарды жиі қолданып отырады.
Айнур Даулетбековна ашық сабақтарын, ертеңгіліктерді, тәрбие сағаттарын тартымды, қызықты өткізеді.Дарынды балаларменде жұмыс жүргізеді. . Саз жетекшісі әр баламен жеке жұмыс жүргізеді. Ата-анамен қарым- қатынасы жақсы, ұжымда беделді. Балаларды өте жақсы көреді, инабатты, кішіпейіл, мінезі салмақты. Ұжымның кез-келген мүшесімен тіл табыса алады.
Айнур Даулетбековна білім көтеру курсында оқып, білімін одан әрі толықтыруда. Жұмыс барысында жаңа технологияны пайдаланады.. Тәжірибелі педагог-психолог 2015 жылы Астана қаласында өткен Халықаралық-ғылыми конференцияға қатысып, «Мектеп жасына дейінгі балалардың шығармашылық қабілеттерін дамыту» тақырыбында баяндама оқып, III Дәрежелі дипломымен марапатталды.
Суртаева Айнур Даулетбековна - өзінің еңбекқорлығы, кәсібилігі арқасында ата-аналар, әріптестері мен шәкірттерінің жүрегінен орын алған, жаңашыл, үнемі іздену жолында келе жатқан ізгі жүректі педагог.