Шыда, шыда, шыдай түс, шыда тағы,
Шыдамдыны бұл өмір ұнатады.
Құланның құлан иек құла таңы ,
Әйтеуір бір атады, бір атады.
Өкінбе, өкпелеме, өміріңе,
Өмір, өмір болмайды түңілуге.
Мәңгі сені жазбаған сүрінуге,
Өмір жолы шырғалаң ғой ойланам,
Мен пендемін қуанышқа тоймаған.
Соқпақтармен жүріп келе жатырмын,
Кездеспейді кілең ән мен той маған.
Ойдан келіп, ой тасқындап туады,
Толқындардай бірін-бірі қуады.
Кіндік қаным тамған өлке осы ғой,
Сырым-анам жан сырымды ұғады.
Мен де оны жүрегіммен ұғамын,
Күнбағыстай бұрылам да тұрамын.
Сенің арқаң деп білемін, Сыр елім
Жарқыратып жақсам ойдың шырағын.
Шыда, шыда, шыдай түс, шыда тағы,
Шыдамдыны бұл өмір ұнатады.
Құланның құлан иек құла таңы ,
Әйтеуір бір атады, бір атады.
Өкінбе, өкпелеме, өміріңе,
Өмір, өмір болмайды түңілуге.
Мәңгі сені жазба...
