Биіктік. Тереңдік. Осы бір ұғымдар ұстаз сөзімен тығыз байланысты.
Көкейде «неге?» деген сауал туған болар? Оған берер жауабым
төмендегідей. Мұғалім – мұхит тұңғиығындай терең білімді адам. Оның
білігі мен білімі тайызда емес, тереңде. Тереңдік ұғымының ұстаз сөзіне тән
болу сыры осында жатыр. Ал енді биіктік турасында сөз етсем, Ана да,
дана да, ақын да, хакім де – бәрі-бәрі сол ұстаздан тәлім алады. Сондықтан
ұстаздық – бар мамандықтан биік. Осыдан келіп, биіктік ұғымының ұстаз
сөзіне тән екенін көруге болады.