Мен Утебаева Сандуғащ Еркінқызы . "Салтанат" балабақшасында жұмыс істеймін. Менің ұйымдастырып өткізген оқу іс-әрекеті «Бала мен жаңғақ» тақырыбы бойынша өткізілген. Бұл оқу іс-әрекеі бойынша әңгімелеу әдісі қолданылған. Сабақта балалар «ашкөз», «дарқан», «залал» деген сияқты жаңа сөздермен танысып, мағынасын түсінуге тырысты. Қолданылған көрнекіліктер өте әдемі, ашық түсті, балаларға қызықты болды. Балалар тәрбиешінің әр сөзін мұқият тыңдап, шығарманың мазмұның түсініп, сұрақтарға жауап беріп, өз ойларын жеткізе білді. Баланың тіл байлығын дамытуға байланысты көптеген жұмыстар жүргізілді.Бұл ұйымдастырылған оқу іс-әрекетінде тақырыпты толық әңгімелеу, сұрақ-жауап, түсіндіру,мадақтау, қортындылау әдіс тәсілдері қолданылған.
Мектепке дейінгі ұйымдағы 3-4 жастағы тәрбиеленетін балаларды еркін әңгімелесуге, әңгімені ұқыпты тыңдауға ,қойылған сұрақтарға толық жауап беру көзделеді. Бұл жастағы әңгімелердің барлығы дерлік баланың тек сөйлеу тілін ғана жетілдіріп қана қоймай, сонымен қатар жетілдіріп қоршаған әлемді танып білуіне көмектеседі.
Бұл тақырып бойынша Д. Тихомировтың «Бала мен жаңғақтар» әңгімесін балаларға оқыту кезінде төмендегідей мақсаттар көзделген.
1.Көркем әңгімелерді тыңдай білуге үйрету, ойша елестету қабілетін ,қоршаған ортаға деген танымдық қызығушылығын дамыту ;
2.Оқылған әңгіменің мазмұнын түсіне отырып жаңа сөздерді (дарқан, ашкөз, залал) есте сақтауға;
3.Сөздік қорларын дамыту, сұраққа толық жауап беруге дағдыландыру; 4.Көркем шығармалардың мазмұнын түсіну, есте сақтау қабілетін дамыту;
5.Балаларды әдептілікке , үлкенді сыйлап, тыңдай білуге тәрбиелеу.
