Мен бастауыш сынып мұғалімі Жагапарова Айман Каиргельдиновна. Еңбек өтілім 22 жыл. Менің осы сайтты ашуыма өзім сияқты педагогтардың еңбегімен танысып, өз жұмысыммен бөліссем деген ой. Бастауыш сыныптарда әдебиеттік оқу, қазақ тілі, математика, дүниетану, өзін-өзі тану пәндерінен сабақ беремін.Әсіресе, қазақ тілі мен әдебиеттік оқу сабақтарын түрлі әдіс-тәсілдерді пайдалана өткізген ұнайды. Тіл адамдардың бір – бірімен пікір алысу, қарым – қатынас жасау құралы болып қана қоймай, қазіргі кезеңде кез келген адамның мәдени және рухани өсуінің басты көрсеткіштерінің бірі боп саналады. Сондықтан да жас ұрпақтың тілін дамыту жұмысын отбасында баланың кішкене күнінен бастап қолға алудың қоғамдық әрі тәрбиелік мәні зор. Өйткені мектепке дейінгі шақ – баланың тіл құбылыстарына аса сезімталдығының байқалатын кезі. Сондай – ақ бұл кезде баланың өзін қоршаған дүниені танып – білуге құмарлығы, қызығушылығы ерекше дамиды. Ал танымдық белсенділік баланың сөйлеу, бір нәрсені сұрап – білу, өз ойын хабарлап, жеткізу қажеттіліктерін тудырады. Мектеп кезеңіде, балалардың зейінін дамытуға арналған сабақ жоспарлары және сергіту жаттығулары тілін дамыту мақсатында қолданылады. Ал дүниетану пәнінен еңбек туралы тақырыпты өткенде тақырып туралы пікірталас ұйымдастырамын. Пікірталас барысында оқушылар еңбектің арқасында адамның көп жетістіктерге жететіндігіне көздерін жеткізеді. Адам тамақтанады, киінеді, баспана салады. Еңбек адамды ақылды, мейірімді, қамқор болуға баулиды.
Адам төрт мезгілде де еңбек етеді. Бақ, егістік, бақша, гүлзарларда еңбектенеді. Көкөністер мен жемістерді өсіреді. Баспаналарын жөндейді. Малға азық дайындайды. Қысқа азық дайындайды. Табиғатқа қамқорлықпен қарайды. Сабақта балалар мәтінді қарындашпен белгілеп отырып оқытамын да, және кестені толтыртамын. Мәтінді оқу барысында балалар білетіндерін түрту белгісімен, білгісі келетіндерін «?» белгісімен, жаңа ақпаратты «+» таңбасымен белгілейді. Содан кейін кестенің бөліктерін толтырады.
Білемін Білгім келеді Не білдім?
Мәтін мазмұны бойынша жұмысты мына ретпен жүргізуге болады:
Адам жаз мезгілінде бақ, бақша, егістік пен саябақтарда қандай еңбек атқарады?
Ал күзде ше?
Бақшадағы күзгі жұмыс басқа мезгілдегі жұмыстардан қалай ерекшеленеді?
Дәптердегі тапсыманы оқушылар өз беттерімен орындайды, орындай алмай қиналған балалар жұппен немесе оқулықтың көмегімен орындайды.
Оқулықта берілген сұрақтарға да сүйене отырып, тақырыпты түсіндіруге болады. Қорытындысы ретінде, еліміздің экономикасының өркендеуі үшін көптеген адамдар ауылда, қалада аянбай еңбек ететініне, сондықтан біз олардың еңбегін құрметтеуіміз керек екенін, ол үшін біз де сапалы білім алып, алдағы уақытта Отанымыздың өркендеуіне өз үлестерін қосатынына сендіремін.Cіздермен тәжірибе бөліскеніме қуаныштымын!