«Ұстаз болу- өзгенің бақытын аялау,
өзінің уақытын аямау»
Ж. Ж. Руссо
«Мамандықтың жаманы жоқ» дегенімізбен, ұстаздық қай кезде де, қай елде де ерекше қадірлі.
Қазіргідей халықтың білім деңгейі жоғары тұста мұғалімдік қызметке қойылар талап күннен-күнге ауырлап келеді.
Жаңа ғасыр- интеллекті ғасыр. Өмір талабына сай жаңашылдықпен жұмыс істеуді талап етеді. Оқытудың ғылым саласын білумен қатар әдіскерлік шеберлікке де зор мән беріледі.
Осы талаптар саласында № 274 мектепте ұстаздық етіп, биология пәнінен сабақ бергеніме 20 жылдан астам уақыт болды.
Әрбір кезеңдегі ұстаздың алдына қойған міндеті - өз оқушысына сапалы білім беру және тағлымды тәрбие ісімен айналысу болып табылады. Олай болса, ұстаз- мектептің жүрегі, тынысы. Әрбір мұғалімнің беретін пәні өзінше бір үлкен ғылым. Шәкірт үлкен ғылымға деген жолды жақсы меңгергенде ғана оған қызығады деп ойлаймын. Сондықтан, ұстаз бен шәкірт арасындағы үйлесімділік, түсінушілік, сыйластық-барлығы да мұғалімнің біліктілігіне, ізденімпаздылығына, жаңашылдығына келіп сүйенетіні белгілі.
Осы қағидаларды ұстана отырып, тың ізденістермен жұмыс жасап келемін.
Күнделікті сабағымда оқушылардың қызығушылығын ояту мақсатында түрлі жұмыстар жүргіземін.
Айнала қоршаған ортаның құбылыстарын, адам ағзасын, өсімдіктер мен жануарлар дүниесінің қыр-сырын оқушыға танытатын өз пәнім - биология- күрделі де қызықты пәндердің бірі.
Олай болса, қазіргі таңдағы білім стандартына сәйкес биология пәнінен білім берудегі мақсатым - тіршілікті ең жоғарғы құндылық деп түсінетін, экологиялық және эволюциялық ойлау стилі қалыптасқан, тірі ағзалардың көптүрлілігін сақтап қорғайтын, биологиялық сауатты, салауатты өмір дағдысын игерген тұлға қалыптастыру.
Осы мақсат негізінде биология сабақтарында өзіндік жұмыстар арқылы оқушылардың шығармашылық қабілеттерін дамытуда тапсырмалар беріп отырамын.
Қазіргі таңдағы мұғалімдердің барлығына қиындық келтіріп жүрген жағдай оқушылардың өзіндік ойларын толық жеткізе алмауы; өткен сабақты өздіктерінен басқа пәндермен, өмірмен байланыстыра алмауы; әңгіме, эсселерді көркемдеп жаза алмауы. Осыларды ескере отырып өз тәжірибемде интерактивті технологияларды, тиімді әдіс-тәсілдерді ұтымды пайдаланып, оқушыларды қызықтырып отырамын. Сынып оқушыларының барлығының қатысуын қадағалай отырып, олардың өзіндік қарым-қатынасын нығайту мақсатында болжау, ойлау, салыстыру, жинақтау қасиеттерін қалыптастыра отырып өткізудемін.
Осы жұмыстарды басшылыққа ала отырып, менің де өз жетістіктерім
көп болды.
