Мен, Жұмашева Айдана Нұрланқызы 1991 жылы қаңтар айында дүниеге келдім. 1997 жылы алғаш мектеп табалдырығын аттадым. Мектепте үлгілі оқушылардың бірі болдым. 2008 жылы мектепті бітіріп, Ақтөбе мемлекеттік педагогикалық институтына тарих факультетіне оқуға түсіп, 2012 жылы мамандық бойынша дипломымды алдым. Институт қабырғасында оқып жүріп көптеген сайыстарға қатысып жүлделі орындар алдым. Соның бірі, Жоғарғы оқу орындары студенттерінің ІІІ Республикалық пәндік олимпиадасында ІІІ орын алдым. Еңбек жолымды А.Хұсайынов атындағы орта жалпы білім беретін мектебінен бастадым. Жұмыс жасап жатқан мектебімде де, жеткен жетістіктерім баршылық. Олардың қатарында, мектепішілік жас мамандар сайысында командалық есепте І орын, аудандық жас мамандар сайысынан диплом, Республикалық діни басқарманың мадақтамасы,т.б. Болашақта оқушыларға сапалы білім мен саналы тәрбие беріп, биік белестерден көргім келеді. Баланың жетістігі, бұл менің еңбегімнің жемісі деп білемін. Жалпы, сабақ барысында жаңа технологияны пайдалана отырып, топпен жұмыс ұйымдастырып, СТО технологиясын жиі қолданамын. Жас ерекшелігіне қарай төменгі сынып оқушыларына ойын сабақтарын, жоғарғы сынып оқушыларына панорамалық сабақ түрлерін қолданамын. Осы сайт арқылы іс-тәжірибеммен бөлісе отырып, әріптестерімнің еңбегіне шығармашылық табыс тілеймін. Өмірлік ұстанымым: ниеттерің түзу, ықыластарың берік, мақсаттарың биік болса, мұратқа сонда жетесіңдер. Елбасымыз айтрпақшы, "Мұғалімдер - қоғамның ең білімді, ең отаншыл, білгілеріңіз келсе ең "санампаз" бөлігі болып табылады" деп, ұстаз қауымының беделі мен мерейі үстем болсын. Жеке өміріме келсем, отбасылымын. Жанұямда жолдасым және бір қызым бар.