В дыбысы мен әрпі

Тақырыбы: Вв дыбысы мен әрпі.

1«А»  сыныбы.

Мақсаты:

1. В дыбысы жөне оның әріп таңбасымен таныстыра келіп, в дыбысы бар сөз,сөйлем ойлап табуына көңіл бөлу, байланыстырып сөйлеуге үйрету.

2. Дидактикалық материалдарды пайдалана отырып балалардың ойлау қабілетін,қиялын зейінін дамыту.Ойын арқылы ой –өрісін кеңейту.

3. Татулыққа, ұйымшылдыққа тәрбиелеу.

Қолданылатын әдіс-тәсілдер: түсіндіру, сұрақ-жауап.ойын, ертегі ретінде.

Қолданылатын көрнекіліктер: В дыбысының баспа түрі,суреттер, ертегіге байланысты суреттер.

                                              Сабақтың барысы

Ұйымдастыру:

Сәлемдесу,оқушыларды түгендеу керек құрал –жабдықтарын дайындату.

-Балалар, бір жылда неше мезгіл бар?

-Қазір жылдың қай мезгілі?

-Көктем мезгілінің айларын ата.

-Бір аптада неше күн бар?

-Бүгін аптаның қай күні?

-Дыбыс нешеге бөлінеді?

-Балалар сендер қандай ертегілерді білесіңдер?

-Балалар, мына тақтада көріп тұрған қандай ертегі?

-Шалқан ертегісін кім айтып береді?

-Ендеше бүгінгі оқу іс-әрекетіміз ерекше болмақ.

-Біз мына шалқанды бақшадан алуға көмектесеміз бе? Ол үшін сендер тапсырмаларды орындауларың керек.

Атаның тапсырмасы: Өткенді қайталау.

-Өткен сабақта  қандай дыбыспен таныстық?

-ё дыбысы қандай дыбыс?

-ё дыбысы қандай сөздерде кездеседі?

Сендер атаның тапсырмасын орындадыңдар, ендеше атаны шалқанға апарамыз. Ата шалқанды бақшадан суырып ала ма?

---Ендеше көмекке кімді шақырамыз?

Әженің тапсырмасы: Жұмбақ шешу.

Бір-бірімен қара үйлер тіркесіп,

Қос сүрлеумен әрі бері жүр көшіп.(Вагон)

-Вагон сөзін буынға бөлу.

-Балалар мынау ненің суреті?

-Ваза, Аквариум сөздерін буынға бөлу.

-Осы сөздерде бізге таныс емес қандай дыбыс естіліп тұр?

-В дыбысын бәріміз бірге айтайық.

-В дыбысы дауыссыз дыбыс.

-В дыбысы үш элементтен тұрады.

-В дыб. Сөздің басында, ортасында, аяғында кездеседі.

Немересінің тапсырмасы: «Ұлттық ойын»  бағдарламасына қандай дыбыс қонаққа келіпті.  В дыбысы бар сөздер табу.

Иттің тапсырмасы: Дәптермен жұмыс.Дәптердегі  сөздерді буынға, бөліп оқыту.

-Ал,балалар в дыбысымен таныстық енді осыны дәптерге жазбас бұрын бой сергітіп алайық.

Сергіту сәті

Бір, екі, үш,

Жинап алдық күш.

Қолға қалам аламыз,

Әсем етіп жазамыз.

-Қолды ауада жаттықтыру.В әрпін жазу.

Мысықтың тапсырмасы: Мына суреттерге сөйлем құрау.

Ваза, Велосипед.

3-тапсырма: Ат жарысының жеңімпаздарына берілген заттың не екенін жұмбақты шешу арқылы таба аласың.

Үй ішінде- бөлме,                        Түрлі ұсақ балық

Бөлме іші- көлде.                         Жүзді сайран салып.

Тышқанның тапсырмасы: Әр вагонға тиісті сөздерді орналастыр.

Эстафета, электровоз, эшелон, экипаж.Волейбол, паровоз, Вазелин, вокзал, вальс.

Қорытынды:

-Балалар, бүгін қандай дыбыстармен таныстыңдар?

-В дыбысы қандай дыбыс?

-Бүгін сендер қандай тапсырмалар орындадыңдар?

-Қанша тапсырма орындадыңдар?

-Кімнің тапсырмасын орындадыңдар?

-Оларды бір сөзбен қалай атаймыз?

-Отбасында адамдар қандай болу керек?

Балалар, сендер ата және оның отбасына шалқанды бақшадан алуға көмектестіңдер.

Олар сендерге рақмет айтып, риза болып, мынадай жұлдызшаларды таратуды тапсырды.

Бағалау: Жақсы қатысқан оқушыларды бағалау.

Үй жұмысы: 2 тапсырма,106 бет.