Вебинар сабақ Пәні: Абайтану Тақырыбы: «Он төртінші және он жетінші қара сөздері»

И.П. Шухов атындағы Преснов орта мектеп - гимназиясы «Абай мұрасының рухани – адамгершілік және танымдық құндылықтарын өзектендіру» Вебинар сабақ Пәні: Абайтану Тақырыбы: «Он төртінші және он жетінші қара сөздері»                                                      Пән мұғалімі: Қаир Гүлнар Алдабергенқызы                [e-mail] 2014-2015 оқу жылы Конспект урока №1
9 «а» сынып                  Пәні: Абайтану             2  - тоқсан
Сабақтың тақырыбы:			Он төртінші , он жетінші қара сөздері.
Мақсаты:   Он төртінші, Он жетінші қара сөздерінің мазмұнымен  таныстыру, идеясын ашып көрсету ; Ақынның қара сөзі арқылы ақыл, қайрат, жүрек, ғылымның адам өмірінде алатын орнын түсінуге, осы қасиеттерді әр адамның өз бойынан көруге ұмтылдыру. Дамытушылық: Өз ойын жеткізуге, еркін сөйлеуге дағдыландыру, көркем мәтінмен жұмыс істей білу дағдысын жетілдіру. Тәрбиелік: Адамгершілік қасиеттерді оқушы бойына сіңіру, көкірегі ояу азамат болуға баулу.
Сабақтың міндеттері:			1.Тақырып бойынша лексикалық материалды меңгеру. 2.Сыни тұрғыдан ойлай отырып ауызекі сөйлеу тілдерін дамыту. 3. Бағалау және өзін-өзі бағалау арқылы пәнге деген , тақырыпқа деген мотивацияларын  көтеру.
Сабақтың түрі: Жаңа білім беру			Жаңа тақырыпты меңгеру. Көрнекілік, сұрақ – жауап, логикалық ойлау. Сын тұрғысынан ойлау,  рафт таблицасы, ассоциаграмма , INSERT таблицасы
Сабақтың негізгі түсініктемелері және ұғымдары:			Қайрат, Ақыл , Жүрек, Адамгершілік , Сезім, Махаббат.
Ресурстар			Абайдың он төртінші қара сөздері, он жетінші қара сөздері, стикерлер, постер, АКТ
Модульдер:  1. Оқытудың жаңа технологиялары.                    2. Сын тұрғысынан ойлауға үйрету.                    3. Оқыту үшін бағалау , оқуды бағалау.                    4. Оқытудағы АКТ қолдану.                   5. Білім берудегі басқару және көшбасшылық.
Сабақтың барысы:
Сабақтың кезеңдері:	Мұғалімнің әрекеті				Оқушының әрекеті
Ұйымдастыру кезеңі:  Сабақтың тақырыбын, мақсатын, міндетін анықтау:	1.Сәлемдесу. Мұғалім оқушыларды түгендеп, сабақты бастайды. 2. Сабаққа психологиялық дайындық. «Тыныштық сәті» 3.Топқа бөлінеді. 4.Орындықтардың артына стикерлерге рөлдер бөлініп жазылды. Кім қай орындыққа отырады сол рөлді атқарады.     1.Слайд. Абайдың суреті мен сөзі. «Ойыма келген нәрселерді қағазға жаза берейін, ақ қағаз бен қара сияны ермек қылайын, кімде-кім ішінен керекті сөз тапса, жазып алсын, я оқысын, керегі жоқ десе, өз сөзім өзімдікі дедім де, ақыры осыған байладым, енді мұнан басқа ешбір жұмысым жоқ.» 1.     Балалар , қалай ойлайсындар осы сөздерді оқып біз бүгінгі сабақта нені талқылаймыз? 2.     Алдарыңда Абайдың қара сөздерінен бүгінгі сабаққа ұсынып отырған бірнеше тақырыптары жатыр. Солардың екеуін таңдап алайық. 3.     Ендеше бүгінгі біздің сабағымыздың мақсаты:  Ақынның қарасөзі арқылы ақыл, қайрат, жүрек, ғылымның адам өмірінде алатын орнын түсінуге, осы қасиеттерді әр адамның өз бойынан көруге, іздеуге үйренеміз.				1 Амандасады. Сабаққа келмеген оқушылардың тізімін айтады. 2.Музыканы тыңдап жан сезімін оятады. 3. Тақтада стикерлер. (астында 1,2 сандары жазылған.) 1.Оқушылар Абайдың суретін көріп, оның сөздерін оқып шығады және осы сөздерінде ұлы дана не айтқысы келгенің анықтайды. 2 Алдарындағы берілген тақырыптардың екеуін ұсыну керек. 3.Сабақтың тақырыптарын дәптерге жазады.   4.Оқушылар бүгінгі сабақта атқаратын қызметтерімен танысады
Жаңа материалды меңгеру:	2.Слайд 1. РАФТ таблицасын толтыру( бұл таблица сыни тұрғыдан ойлауға -Балалар, сабақтың нәтижесіне жету үшін біз біріншіден мына таблицаны толтырамыз. 2. Алдарыңдағы жатқан Абайдың қара сөздерін оқып шығыңдар. 3. Орындықтың  артында стикер бар. Стикерде «Елші» деген жазу бар. Сол оқушы келесі елге барып, олардан мәлімет әкеледі және өз елінің жайы туралы  айтады (бір –біріне өз қара сөздерінің мағынасын айтып береді). 3.Слайд Венн диаграммасы арқылы салыстыру. Топ ішінде Абайдың осы  екі қара сөздерін талқылап, ұқсастығы мен айырмашылықтарын ажырату. 4.Слайд. Сергіту сәті. Би. «Қара жорға»  5.Слайд INSERT таблица бойынша мәтіннің мазмұнымен жұмыс. +    -    V  ? 6.Слайд РАФТ таблицасын толтыру 7.Слайд. Бағалау парағын береді				Оқушылар бір – бірден шығып, таблицаны толтырады және тақтаға жазады. Оқушылар оқиды. Елшіден хабар алады және өзінің хабарын жеткізеді(бір –біріне өз қара сөздерінің мағынасын айтып береді). Бұл жерде білім берудегі басқару және көшбасшылық модульдері анық көрінеді. 1.Окушылар берілген тапсырма бойынша салыстыру жұмысын атқарады. 2. Тақтаға шығып, қорғайды. 3. Топтағы оқушылар  стикерлерге баға қойып, бірін - бірі бағалайды. Сын тұрғысынан ойлау. Оқушылар осы таблица бойынша білімдерін кеңейтеді. Туындаған сұрақтарынан мұғалімнен жауап алады. Және осы әдіс арқылы оқушылардың коммуникативтік дағдылары қалыптасады. Оқушылар өздері таңдап алған рөлдері бойынша  адресатқа жазба жұмысын жазады. Бұл жұмыс барысында оқушылар өз ойларын жеткізеді және Абайдың шығармашылығы туралы көзқарастары қалыптасады. Оқушылар бірін – бірі критерий бойынша бағалайды.
Рефлексия:	Жеті қалпақ әдісі.				Өз пікірлерін жазады. Мұғалімге тапсырады.
Үй жұмысы:	1.Осы тақырып бойынша 30 сөз жаттап келу 2.Абайдың осы сөздерінен  өздерінің статустарына қандай сөздерді алар едіңдер және оны не үшін алдың?
Сабақтың қорытындысын жасайық:	Біз бүгін сабақта не туралы білдік? Сабақтың басында қойылған тақырыптың мақсатына жеттік пе? Алған білімдерін сендерге қажет пе? Қай жағдайда саған Абайдың  қара сөздері көмек берер еді?			Оқушылар өз пікірлерін айтады.
Өзіндік бағалау. Өзіндік талдау. Менің біліктілігімді арттыру тәсілдері.	Оқушылар тақырыпқа деген қызығушылықтарын танытты. Сабақтың негізгі ойын және мақсатқа жету жолын түсіне білді. Топтық жұмыс оқушыларға қызықты және тақырыпты қабылдау нәтижелі болды. Оқушылардың жауаптары қысқа әрі нақты болды және орыс аудитория болғасын ойларын кей кезде орысша талқылады. Сабақтың кезеңдері бір –бірімен байланысты болды. Сабақ барысында күрделі сөз тіркестеріне байланысты туындаған қиындықтар барысында түрлі сөздіктер жүгіну жұмыстары болды. Менің пайымдауымша сөздік жұмысына көп көңіл бөлу керек.