Видеоролик на 140 летие Гамзата Цадасы

Дагъистан

Гьале добго улка, улкаялъул халкъ

Гьаб хъаладул чагlи , чирхъазул гвангъи.

Гъваридал кlкlалабаз берцин гьабураб

Бокьула мун дие , дир ракь Дагъистан.

Гьаб дир тlалъиялъул тlабигlаталъул

Кибго гьечlебгlадаб берцинлъи буго.

Роцlцlараб гьаваги, цlорораб лъимги,

Лъаразул чвахиги гlоразул хъуйги

Гьебгlан рекъолеб жо бугищ ракьалда.

Гьаниб буго чlухlи мугlруца кьураб,

Гьаниб буго кьвари кьурабаз ккураб,

Кьалда чlел босизе боял куцарал.

Гьанив Шамиль вуго хlинкъи къай гьечlев,

Къаркъала сорозе пача тlамурав.

Гьаб дир гьитlинаб ракь кlодо гьабурав,

Кlудияв Расулил къалмил бегlерлъи.

Дур борхалъиялъухъ, гъварилъиялъухъ

Ва эбелалъулаб хlайранлъиялъухъ.

Къулула дица дуй гlумруялъ бетlер.