Внеклассная работа "Қазақ қызы"байқау

Қостанай облысы, Амангелді ауданы

Б. Қолдасбаев атындағы орта мектебінің аға тәлімгері
Ақышова Ақтоты Ауданбекқызы

 «ҚАЗАҚ ҚЫЗЫ-2016» байқауы.

Безендірілуі: Сахнаңа сәукеле жасалынған. «Қазақ қызы-2016» деп жазылған тақырып, гирланд, гүл, шарлар;

Жүргізушілер:Нәжібек А, Әміржанов Е және «Мектеп аруы-2015» байқауның жеңімпазы Сақтаңанова А.

Мақсаты: Бойжеткен қыздарымызды ұлтымыздың салт-дәстүрлері арқылы ұяндыққа,биязылыққа,инабаттылыққа тәрбиелеу.   

   Қыз балалардың икемділігін,шеберлігін,шығармашылық қабілетін арттыру, ұлттық салт-дәстүрді, әдет-ғұрыпты оқушылар бойына дарыта отырып дамыту. Ұлттық сана-сезімге ,әдемілік пен әсемдікке тәрбиелеу.

Қажетті жабдықтар: қоржын, тұмар, нөмірленген асықтар, сұрақтар жасырылған конверт, музыка

Сайыскерлерге қойылатын талап. Бағалау критерийі:

-Қыз балалардың сахнада өздерін дұрыс ұстауы;

-әр бөлім бойынша өздерінің білім-біліктілігін көрсете білу;

-эстетика талғамы;

-сөйлеу мәдениеті мен сөз мәнері;

-өз ойларын толық жеткізе білуі;

-ұлттық салт-дәстүрлерді білуі және құрметтеуі.

Сайыстың бағдарламасы:

Қазақша би (ашылуы)

1-жүргізуші:

Армысыздар құрметті жиналған қауым!

2-жүргізуші:

Шуақты да шырайлы алғашқы көктем мерекесі құтты болсын!

3-жүргізуші:

Бүгін біздің мектепте дүбірлі той,

Ден қойып тыңдаңыздар,көңілді қой.

Жырдан шашу шашылып,күй күмбірлеп,

Қош келдіңіздер, халайық, сергісін бой.

1-жүргізуші:

Қыз сыны ,қыз әдебі,қыз өнері,

Тал бойына жарасқан күлкі әдемі.

3-жүргізуші:

Бір көргеннен болмай-ақ сахнада,

Өмірде сақталсыншы ұлт әдебі.

1-жүргізуші:

Бүгін «Қазақ қызы-2014» байқауына қош келіпсіздер!

1-жүргізуші:

Жаны сырлы,жанары таң қыздар-ай,

Сәуле шашқан өмірге нұр қыздар-ай,

Көрік болған көгімді жұлдыздар-ай.

Құдіретпен жаралған жан қыздар-ай

3-жүргізуші:

Ән бастайық көрермен,

Өлең-өрнек дегенмен.

Бастайық біз Қыз сынын

Қадірменді көрермен.

 /Әуен ойналып ортаға ару қыздар шақырылады/ (Қазақтың қыздары-ай)

Тұмар тағу арқылы реттік нөмірлері анықталады.

2-жүргізуші:

Құрметті көрермендер,  олай болса қатысушы аруларымызбен таныс болайық:

Арулар ортаға шығады.

1-жүргізуші:

 Құрметті арулар, бүгінгі байқауымыздың қазылар алқасымен таныс болыңыздар.

2-жүргізуші:

                                         Әділдікпен баға берер аруға,

                                         Әділдікпен қара қылды жаруға,

                                         Әділқазы алқасын сайлайық,

                                         Ақ аруды таңдап бүгін алуға-

дей келе әділ қазы алқасымен таныс болыңыздар. (кезекпен жүр-р)

__________________________________________________________________________________________________________________________________________________________

Ән

3-жүргізуші:

                                          Кімдер жүйрік,өнерпаз билейікші,

                                          Аруы деп мектептің  жүрейікші.

1-жүргізуші:

                                          Әділқазы алқасынан әділдікті

                                         Ал,аруларға сәттілік тілейікші.

2-жүргізуші:

 Аруларымыз сыналатын байқауымыздың шарттарын атап өтейік: (Кезекпен жүр-р)

 1. «Мен қазақтың қызымын» - таныстыру;

2. « Жұлдызды сәт» -өз өнерлерін көрсету;

2-жүргізуші:

3. «Білгенге маржан»- бұл сайыста бойжеткендерімізге салт-дәстүрден және  логикалық сұрақтар беріледі. Әр қатысушыға 2 сұрақ

4. «Сымбатты қыз сәнімен» (шаш бұрымының түрлері және сән үлгісі)

1-жүргізуші:

        Сонымен сайымызды басталық: 1-ші кезеңіміз сәлем сөздің анасы демекші «Мен қазақтың қызымын» атты шартта аруларымыз өздерін таныстырады. Сонымен қатар сайыскерлер өз есімдерінің неліктен осылай аталғанын айтып береді. Бұл бөлімді сайыскерлеріміз дауыс ырғағы, мәнерлеп оқуы,өз ойларын толық жеткізе білуі сарапталады.  Жеребе бойынша 1 –ші боп таңдаған аруымызда...............................................

 ******************************************************************

1-жүргізуші:

Әділ-қазылар алқасынан 1-ші шартымыздың бағасын білейік.               

2-жүргізуші:

                       Қос жанарлар гауһардай мөлдіреген,

                       Мін таппайсың жүздеріңнен күлімдеген.

                       Кербез басып,мың бұралған аруларым,

                        Құтты болсын,  сәтті болсын қадамдарың.

дей келе 2-ші кезеңіміз «Жұлдызды сәт» сайысымыздың келесі шарты бойынша қыздарымыз мың бұралған биімен, тамылжыған әнімен өнер сайысына түседі.

2-жүргізуші: Әділ-қазылар алқасынан 2 шарттымыздың бағасын білейік.

1-жүргізуші:

Бүгінгі «Білгенге маржан» кезеңі 2 бөлімнен тұрады. Конвертте салт-дәстүр және логикалық сұрақтар жасырылған. Кезекті сұрақ –жауапқа береміз.

3-ші шартымыздың бағасын білейік

Ән

3-жүргізуші:

Біз қазақпыз өнерге бай жолы кең,

Сусындаған ақыл, білім нәрімен.

Арулардың  талғамдарың байқайық,

Елдің көркі «сымбатты қыз сәнімен»

         Бұл кезекте тал бойына жарасар сәнді киім мен шаш бұрымдарының түрлерін аруларымыз көрсетеді.

3-жүргізуші: Әділ-қазылар алқасынан 4 шарттымыздың бағасын біліп, әділ-қазылар алқасынан ақылдасуға шығарып салайық.

 1-жүргізуші:

Нұр жаусын таудай болса талаптарың,

Білсем деп талай кітап парақтардың.

Сынайтын қиын сұрақ қойылса да,

Дәл және айқын болсын жауаптарың.

1-жүргізуші:

Ару қыздар, ай көрік,қылығы-күн,

Сезбейсіздер өздеріңіз мұны бүгін,

Сезбейсіздер керемет қыз тағдырдың

Сұлулығын күн текті ұлылығын

3-жүргізуші:

Бұл сендер құлпырған қындыз бәрің,

Серпіп алға жалғайтын тіл тағдырын,

Ескеріңдер,ертеңгі ел тағдырын,

Сендердің қолдарыңда жер тағдыры.

Қорытынды:

2-жүргізуші:

Бүгінгі байқауымызды қорытындылау үшін сөз қазылар алқасына беріледі. (Марапаттау сәті)

3-жүргізуші:

Сонымен,қорытындылай келе,айтарымыз: қазақ қыздарына тән қасиеттерді бойына сіңіріп,үлкенге құрмет,кішіге ізет көрсетіп,

1-жүргізуші:

ұлттық дәстүрімізді  жалғастыратын ибалы,инабатты,білімді қазақ қызына  лайық қыздар болыңыздар...

2-жүргізуші:

Осымен сайысымыз өз мәресіне жетті.Көңіл қойып тыңдағандарыңызға мың алғыс.

1-2-3-жүргізушілер хош сау болыңыздар !!!