Сабақтың тақырыбы: Дос және достық
Сабақтың мақсаты:
Білімділік: сыйластық,татулық,бақыт туралы түсініктерің кеңейту
Дамытушылық:өзара жағымды қарым-қатынасты дамыту
Тәрбиелік:өзара достыққа,Отанын құрметтеуге тәрбиелеу.
Әдіс-тәсілдері:әңгімелеу,шығармашылық жұмыс,сергіту сәті.
Сабақтың барысы.
1.Ұйымдастыру бөлімі
2. «Шаттық шеңбері»
Арайланып таң атты,
Алтын шапақ таратты
Жарқырайды күніміз
Жадырайды жанымыз.
Сәлеметсіздер ме балалар?
- Балалар бүгінгі іс-әрекетіміз біздің көңіл күйімізге байланысты. Олай болса бүгінгі сәтті күніміз үшін бір-бірімізге жылы лебізімізді арнайық.
1 бала Достық болсын
2 бала Бірлік болсын
3 бала Аспанымыз ашық болсын
4 бала Арқашан күн сөнбесін
5 бала Бейбітшілік болсын
6 бала Ынтымақ болсын
- Балалар сендердің тілектерің қандай тамаша рахмет сендерге.
- Балалар біз қандай елде тұрамыз?
- Елімізде қандай ұлттар тұрады?
Балалар біздің еліміз көп ұлтты мемлекет қатарына жатады.Біз қазақ елі олармен әрқашанда достық қарым-қатынастармыз. Олар біздің елімізде тұрса да, өз тілдерінде сөйлеуге,салт-дәстүрін сақтауға ерікті.Сонымен бірге олар біздің елімізде туып өскендіктен менің елім Қазақстан деп айта алады.Қазақстан Республикасын мекен еткен 130дан астам ұлт өкілдері күні бүгінге дейін ынтымақтастыққа,бір үйдің баласындай тату-тәтті жарасымды тіршілік кешіп келеді.Жүзі басқа болғанымен жүрегі бір, тілі басқа болғанымен тілегі бір,мақсат-мүддесі ортақ,бірлігі мықты достығы берік ұлттар қазақ елінің салт-дәстүріне ,ұлттық-құндылықтарына құрметпен қарайды.
Құттықтауымызды бастайық:
Ортақ мекен жер шары
Төбемізде бір аспан.
Барлық ұлттың баласы,
Достығымыз жарасқан
Дос болып түрлі халықтар,
Жасайтұғын ғасырмын.
Бақыт шымын әлемге
Ұмытылмас асылмын.
Әрқашан дос біргеміз,
Ажырамас іргеміз.
Ілгері жүріңдер,
Достық жырын біліңдер!
Барлық елдің бөбегі
Бір-бірімен туысқан,
Бәрімізге төгеді,
Өз шуағым күміс таң
Ақ,қара деп бөлмейміз
Бір жыл туған төлдейміз
Туысқанбыз, татумыз
Биіктерге өрлейміз.
Сары, ақпыз, қарамыз
Бәріміз де баламыз,
Бір ауылда тұрамыз
Бір мектепке барамыз.
Сусынымыз қанады
Өнер білім нәрінен,
Әлемдегі баланың
Дос болайық бәріме
Жақсылыққа бақытқа
Талпынған әр уақытта,
Бала біткен дос бауыр
Болмасын еш тосқауыл.
Ортақ жұпар ауамыз
Ортақ жарық күніміз
Достық- туған анамыз
Жердің қызы, ұлымыз.
«Достық» және «Сыйластық» топтары
1. Сенің ең жақын досың өзінен кіші баланың ұялы телефонын тартып алды. Сынып жиналысында оны талқылап жатыр. Ол сенен көмек күтіп отыр. Сен не айтар едің?
2. Сенің досыңды үлкен балалар күш көрсетіп соғып жатыр. Сенің оларға шамаң жетпейді. Сен не істейсің?
Y. «Мінездеме беру» тренингі
Қазір мен сіздерге 5 саусақты қолғап беремін. Әр саусақта өзіңіздің қолыңыздағы жазылған есімді балаға бір біріне көрсетпей мінездеме жазыңдар.
Тірек сөздер:
Адал арам
жомарт өз қамын ойлайтын
адамгершілігі мол кекшіл
қарапайым сөзге түсінбейтін
мейірімді жалқау
кешірімді тәккапар
төзімді қатал
ақылды мейірімсіз
сабырлы сараң
салмақты қызғаншақ
кек сақтамау тұйық
ашықтық
бүкпесіздік
Ән «Айголек»
«Әңгімелесу» «Тату балалар» ертегісі
Ерте заманда шағын бір үйде ағайынды бес саусақ өмір сүріпті.Үлкенін-басбармақ,екінші ағасы балаң үйрек , үшіншісін-ортан терек,төртінші інілерін-шылдыр шүмек, ең кенже қарындастарын-кішкене бөбек деп атапты.Олар бірігіп жұмыс жасады,бақша екті,тамақ әзірледі.Ортаншы ағалары Ортан терек үйде отырып,үй шаруасына кішкентайларына қарады.Шылдыр шүмек өте сабырлы,ақылды болыпты.Ол кіші қарындасына ертегі оқып беруді жақсы көрген екен.Ал,кішкентай бөбек болса үлкен ағаларына ұқсап ержеткісі келеді екен.Осылайша,бес ағайынды балалар тату-тәтті,өзара жарастықта ,сыйластықта өмір сүріп жатты.
Бір күндері орманнан үлкен бір аю шығып, ағайындылардың тыныштығын бұзып,бақшаның бәрін таптап,үйлерін құлатып бұзуға айналғанда,бес ағайынды бірігіп бір жұдырыққа тастүйін болып жұмылып аюға қарсы тұрады.Сөйтіп олар қиын шақта біреулерінің арқасында үлкен күшке айналды.Аю болса мұндай көп күштен қорыққанынан орманға қарай қаша жөнеліпті.Ал,ағайынды балалар болса,татулығы мен бірлігінің арқасында жауды жеңіп шыққан екен.Өйткені олар қысылтаяң шақта бәрі бірігіп күш қосып, мықтылық,бірлік,достықтарын көрсете білді.
- Сендерге ертегі ұнады ма?
- Ертегі қалай аталады?
Неліктен тату балалар деп аталады?
/олардың достығы,татулығы/
Мұғалім: Балалар, бізге қарай біреу келе жатыр.
(ақ көгершін ұшып келеді, қолында шарлар)
Көгершін: Мен ақ көгершінмін!
Бейбіт өмірдің белгісімін
Мерекемен құттықтаймын
Сізге шарлар сыйлаймын.
(шарларды үлестіреді)
Мұғалім: Рахмет, ақ көгершін! Ал, балалар, ақ көгершінге тақпақ, ән айтып берейік.
Ақ көгершін, көгершін,
Қолғанат құс сен едің.
Бар, кезіп қайт ел үшін,
Кең дүниенің көлемін.
Әділеттің құсы деп,
Көз алмастан жолыңнан.
Бақыт болып қоншы деп,
Ұшырамын қолымнан.
Сенен көзін алмайды
Ақ ниетті бар адам.
Ақ қанатың талмайды
Әділеттен жаралған.
Тыныш-бейбіт өмірдің
Белгісі боп қанат қақ.
Әлемге ортақ көңілдің
Қайт шыңына қонақтап..
«Песня о дружбе»
Құсқа екі қанат қандай қажет болса, осы күнгі қазақ жастарына осы көп тілді білу сондай қажет.
1.Білім теңіз(мектеп) кеме (школа, мектеп, мекляп)
2.(Қыз) қылығымен көркем.( қыз, девочка, киз)
3. Өнер алды қызыл (тіл) (тіл, язык, тули)
1.Жалқаудың жаны тәтті еңбектің (наны) тәтті.( нан, хлеб, нәини)
2. Таяқ еттен өтеді (сөз) сүйектен өтеді( сөз, слово, с)
3. ( Ана) көңілі балада.( ана, мать, )
1. Көңілдегі сырды (көз) білдіреді. (көз, глаза, )
2. Сіз деген әдеп, (біз) деген көмек. (біз, мы,)
3, Атадан (ұл) туса игі, ата жолын қуса игі. (ұл, мальчик, )
1. Қазақстанның аспан түстес рәміздерінің бірі (ту)
2. Н. Назарбаев, Ж. Нәжімеденов, Ш. Қалдаяқов қандай рәміздің авторлары (әнұран)
3. 1991 жылы 16 желтоқсаны заңды түрде қандай күн боп жарияланды?
(Тәуелсіздік)
4. Астана қандай өзеннің бойында орналасқан (Есіл)
5. Шаңырақ рәміздеріміздің қайсысында бейнеленген? (елтаңба)
6. Біздің Республикамыз? (Қазақстан)
7. Германияда қандай ұлттар тұрады? (неміс)
8. Палау қай елдің ұлттық тағамы? (узбек)
9. Қазақтың ұлттық аспабы (домбыра)
10. Бүгінгі тақырыбымыз не жайлы? (достық.
11. Шаңырақты немен ұстатамыз? (уық)
Қазақ би
Кім білмес қазағымның қою шайын,
Жал-жая, қазы-қарта, құрт пен майын.
Ақ тілекпен әрбір келген қонағына,
Құрметпен шығаратын төрі дайын.
Келіңіз ұсынамын төрден орын,
«Досым» деген адамға міне қолым. Әр қазақтың жүрегінде осы тілек, Адамзат, оң сапарда болсын жолың.
Қазақстанымыздың қуаттылығы мен басымызға қонған бақытымыз бірлігіміздің берекесін арттыра берсін, бейбітшілік мәңгі ажырамас серігімізге айналып, еліміз бен жеріміз, халқымыз аман болсын.
Осымен тәрбие сағатымыз аяқталды
Ақсары негізгі мектебі
Достық
(ашық тәрбие сағаты)
дайындаған: Рахметуллина С.С.
2015- 2016 оқу жылы
Оставьте свой комментарий
Авторизуйтесь, чтобы задавать вопросы.