Внеклассные занятия "Толағай! спорттық сайыс

                                 Өткізген: Ерғазина Б.Қ.

2014-15 оқу жылы

Жүргізуші: Сәлеметсіздерме құрметті ата-аналар , оқушылар ?
 ( Толағай әні ойнап тұрады )
            Уа, халқым назар аудар денсаулыққа!
            Өмірде бақыттысың денің сау да.
            Денсаулық терең бақыт деген сөзді
            Құр айтпаған ұлы Абай данамыз да!
   Ел басымыз Н. Ә. Назарбаев «Қазақстан - 2030» стратегиялық жолдауында біздің болашақ балаларымыз арыстандай айбаттылығымен, жолбарыстай тектілігімен ел тізгінін ұстайды деп болашақ жастарға үлкен сенім артады. Салауатты өмір сүру өз қолымызда. Осы мақсатта біз бүгін «Толағай» отбасылық спорттық сайысты ұйымдастырып отырмыз..

Сайысымызға   төрт  топ: 

  1) Оразбаевтар отбасы – «Қыран тобы»,

  2) Амиргалиевтар отбасы –«Сұңқар тобы»,

  3) Олжабаевтар отбасы -«Бірлік тобы»,

  4) Софиндер отбасы –«Барыс» тобы қатысқалы отыр.
        Жарысқа қатысатындарды шақырамыз
       Әр таңды шаттықпенен атырамыз
       Өнерді ойын төрінде бақылаңыз,
       Сайысқа қатысуға енді ортаға
       Өнегелі де, алғыр да, шапшаң
       Топтарымызды шақырамыз.
( Музыка ойнап тұрады, сайысқа қатысушы командаларды шақырамыз)

1. Қыран тобы   2. Сұңқар тобы   3. Бірлік тобы   4. Барыс тобы
Сайыс 8 кезеңнен тұрады.
Әділ қазылармен таныс болыңыздар:
1. Бастауыш сынып мұғалімі – Баймағамбетова К.С.
2. Мектеп вожатый- Тастұрғанова Р.Ж.
3. Ата - аналар комитеті атынан – Жакунова Ұ.Б.
   Әр сайыс кезеңі «5», «4», «3», ұпайлармен бағаланады.
         Сайысқа қатысушыларымызға сәттілік тілей отырып, сайысымызды салтанатты түрде Қ. Р мемлекеттік әнұранымен бастаймыз (әнұранды орындау)
        1 тур. Үй тапсырмасы
шарты: ( эмблемасымен  және  топтың аты, ұранымен  таныстыру );
        2 тур. Кім жүйрік?
Ойынның  шарты: кедергілерден өтіп, қаппен жүгіру, аяғына қапты киіп, спорт  залының белгіленген  шетіне жетіп сол күйінде қайта жүгіріп келу.
Әділ - қазы алқасы сіздердің бағаларыңыз!
        3 тур. « Зеректер» сайысы
Шарты: Кедергілерден доппен өтіп барып,«математикалық есептерді шығару», (жанұяның әр мүшесінің жас ерекшелігіне сай тапсырма беріледі).
Әділ - қазы алқасы сіздердің бағаларыңыз!
        4 тур. «Кім епті?
Кедергілерден жүріп, бір үлкен қасық суды алып төкпей әкелу керек
          Шынықсаң шымыр боласың,
          Сауығып айдай толасың.
          Спортты серік ете біл,
           Жақсы азамат боласың.
        5 тур. «Картоп егіп кел де, жинап ал»
Шарты: Ойыншылардың алдында 10 кішкене шеңбер және топ басшының қолында дорбада 10 картоп болады. Белгі бойынша топбасшылар картопты шеңберге отырғызады да шапшаң жүгіріп барып, дорбаны 2 - ойыншыға береді. Ол картопты жинайды, 3 - ойыншы егеді, 4 - ойыншы жинайды, Ойын осылай жалғасады.
        6 тур. «Көпірлерден өту»
Шарты: әр топқа екі картон қағазды беріп, сонымен жүріп өтіп, берілген тапсырманы орындау, яғни мақал - мәтелді жалғастыру
       7 тур. «Кенгуру» Ойынымызды жалғастырамыз, келесі турымыз үлкен батут доптың үстіне отырып секіру арқылы ойын залының арғы бұрышына жетіп қайта оралу. Бұнда алдымен екі топ, келесі екі топ, сосын жеңген топтар бір - бірімен жарысады.
Әділ - қазылар алқасы, бағаларыңыз!
      8 тур. «Капитандар сайысы»
( топ басшыларын  қарама қарсы тұрып, бірін-бірі доппен «көпірден құлатады»)
        Жарыс заңы ежелден -           Жеңімпазды анықтау
       Жеңімпаз болу шарты сол -    Еңбектену, жалықпау
       Біреу озса сайыста,                 Біреу артта қалады
       Жеңілгендер ренжімей            Тараса бізге жарады
   Әділ - қазы алқасы сіздерге сөз беріледі!
   Осы сайыста ең ұнаған бір турды атап өтсеңіз!
   Марапаттау рәсімі!.
            Біз қазақпыз,
            Ел үшін атқа мінген.
            Жанып жатқан лапылдап отқа кірген,
            Бой тұмар ғып ар - ождан қазынасын,
   Бүгінгі алтын уақыттарыңызды қиып, «Толағай» отбасылық сайысқа қатысқандарыңыз үшін әрбір  отбасыға, алғысымды білдіремін! Жақсылықта, амандықта жүздескенше сау саламатта болыңыздар! Денсаулықтарыңыз мықты болсын!