Внеклассное мероприятие по удмуртской литературе " М.П.Петров-дано писатель"

 Внеклассное мероприятие.

М.П.Петров-дано писатель

(шудон-ӵошатскон)

Мугез:1. М.П.Петровлэсь улон сюрессэ но творчествозэ тодэмзэс эскерон.

2.Ас вордӥскем шаердэ гажан но соин данъяськон мылкыд пыӵатон.

3. Нылпиослэсь вераськон кылзэс узырмытон но волятон бордын ужан.

Кылдытӥськом  2 команда, котькудаз быдэн 5 мурт, пӧртэм классъёсысь.

Командаослы сётӥське азьло ик дорысь уж:

1 уж. Дасяно командалы ним но асьсэды калыклы быгатыса возьматоно  (представить кароно)

2 уж. Дасяно художественной  номер( кырӟан , кылбур яке сценка кыӵе ке произведениезъя)

1 тур.  Михаил Петровлэн улон но ужан сюресэз.  (Котькуд шонер валэктон – 1 балл)

Карточкаосын  юанъёс. Кин ӝоггес шедьтоз валэктон 1 минут куспын.

Таче юанъёс.1.Ку вордскиз М.Петров?(8 шуркынмон 1905 ар)

2.Кин вал нырысетӥ дышетӥсез М.Петровлэн? (Варвара Фёдоровна Тиминцева)

3.Кӧня аресысен М.Петров анайтэк но атайтэк но кылиз? (12 аресысен)

4.Кытын дышетскиз? (Ижевскын – совпартшколаын, Ульяновскысь военной школаын).

5.Кыӵе ожмаськон пыр потӥз М.Петров? (Быдӟым Атыкай ож)

6.Кыӵе удмурт газетын но журналын ужаз? («Удмурт коммуна» газетын, « Молот» журналын)

7.Кызьы нимаське нырысетӥ кылбур бичетэз?(«Ошмес син»)

8.Кыӵе произведениез бордын 20 ар мында ужаз М.Петров? («Вуж Мултан» роман)

9.Кыӵе арын писатель улонысь кошкиз? (29 шуркынмонэ 1995 арын)

10.Кызьы нимаське 1946 арын потэм бичетэз, кудаз пыризы ож аръёсы гожтэм кылбуръёсыз? ( «Сильтӧл пыр»)

2 тур. «Вуж Мултан» роман-чеберлыко произведение.

(Шонер валэктон – 1балл)

Таиз люкетмы быдэсак сӥземын М.П.Перовлэн «Вуж Мултан» романэзлы.

1.       Кин сярысь та чуръёс? Кин ӝоггес вералоз.

-«Етӥз, чебер пи. Сьӧд йырсиосыз картуз ныр улысьтыз радтэм кульчоосын мичиськылэмын.Синкашъёсыз бурдъёс кадь вӧлмытэсь. Нокыӵе шуг-секытэз адӟытэк  будэ со атаез вӧзын» (Дроздов Яшка)

- «Туэ тулыс дас сизьым  арес тырмиз солы.Чуланазы сылӥсь вуж шыкысь лызэн кӧжы пужыё тӧдьы дэремзэ пыртӥз. Дэремез чебер, тусаз туж тупа: солэн угось синъёсыз но дэрем пужыосыз кадь ик чагыресь» (Даша Гришина)

-Мултан уж сярысь малпаса сылӥсь… буш каютае секыт мылкыдын пыриз, кышноезлы гожтэт гожъяны кутскиз»  (Владимир Галактионович Короленко)

2.       Шедьтэ мултэссэ. Ужъёс сётэмын карточкаосын.(шонер валэктон-1 балл)

1)Даша, Яшка, Дыдык, Герей (Дыдык)

2)Быков, Мухин, Раевский, Скуратов. (Скуратов)

3) Мултан, Чулья, Чебершур, Анык  (Чебершур)

4)Короленко, Дрягин, Раевский, Баранов (Раевский обвинение палан)

3. Мухинлэн из кеносаз Мултанысь дас куинь удмуртъёс пытсамын вал. Кинэ ма понна ? (Ужъёс сетӥсько нимысьтыз карточкаосын. Кин ӝоггес но шонер быдэстоз.) (шонер валэктон- 2 балл)

Мокей	Солэн куала сюрыысьтыз адями йырсилы укшась гонъёс но азбарысьтыз вир бервыло тусь шедьтӥзы.
Герей	Гордмаськем песьтэрзэ но виресь азькышетсэ шедьтӥзы.
Акмар	Со ӝытэ Герей доры вуылӥз. Аслаз мусо Дыдыезлы киысь куштонтэм чебер укмысо кут вайыса ветлӥз вал со эмеспиез доры.
Камай Онтон	Кураськисез виён нуналъёсы пус возён со дорын вал, гуртэ уйлы кылись кураськисьёс пус возись дорын кӧло, нош Матюнинэз виён уе со дорын зэмзэ но кыӵе ке кураськись кӧлэм.

3 тур.Командиръёслы ӧтиськом «ожмаськонэ»

Романлэн нимыз «Вуж Мултан» . Кин тросгес гожтоз та нимын кутӥськись букваосын удмурт кылъёс.  ( Котькуд кыл одӥг балл)

 ВУЖ МУЛТАН (уж,ву,тул,ан,ул,му,)

Учкисьёсын шудон. (та дыре командаос дасясько дорысь ужзэс возьматыны)

Тодоно кыӵе произведениысь та чуръёс.

1.       «Дядяй шуонэз тодытэк мон будӥ,

Соин, дыр, мыным тон атай кадь мусо.»  («Вандэмо»)

2.       «Тон вера , кызьы куинь арес нуныез

Тушмон ыбыса погыртӥз.»   («Тон лобӟы, мынам кырӟанэ.»)

3.       «Котырад вӧлмытэсь сяськаё возь вылъёс-

Кошкыны ӵыдонтэм ик шулдыр»  («Байгурезь йылысен»)

4.       «Тани бригадир но вуиз со доры,

Маке но укыр дыртыса со лыктӥз.

«Мын берты ӝоггес…куно тон дорын..»-

Шуиз но Анна кенакез ӟыгыртӥз»  («Кырӟан улоз»)

5.       «Тани со азьын пичи дырысен тодмо интыос. Сезьы бусыетӥ выллань кыстӥськись сюрес кузя мынэ Кима. Азьлань, бамал пумын, лабрес беризь сылэ. Отысен нёжалысь Вожогурт быдэсак адӟиське.» («Ӟардон азьын»)

4 тур. Кыӵе произведениысь та маке.

Поттӥсько: 1)кесем вож конверт   («Кырӟан улоз» поэма. Кедров басьтэ анаезлэсь  гожтэт агаез бырем сярысь)

2) суред  «сяськаяськись улмопу»   (кырӟан «Ой, усьтӥ  мон, усьтӥ укноме»)

 3)  суред «италмас»  («Италмас» поэма)

5 тур Ми но устоесь!

 Командаос возьмато дорысь ужзэс  ( кылбур, кырӟан яке сценка).( Вылӥ балл- 5 )

Шудон-ӵошатскон ортчем бере, жюрилы кыл сётӥськом. Соос ӟечкылало командаосты но висъяло вормисьёсты. Бӧрысь ваньзы ӵош чай юо.

Уже кутэм литература:

1.Ванюшев В.М. Кин шоры «ыбылэ» Мултан уж. Ижевск:Удмуртия,1994

2.Ермаков Ф.К.Воспоминания о Михаиле Петрове.Письма,воспоминания,статьи.Ижевск: Удмуртия,1995

3.Петер Домокош. История удмуртской литературы. Ижевск: Удмуртия,1993.

4.Яшина Р.И.Дано писатель- синмаськымон адями. // Вордскем кыл.1997.№2.С.19-25