Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Другое / Конспекты / Внеклассное мероприятие. посвященное Году литературы

Внеклассное мероприятие. посвященное Году литературы

  • Другое

Поделитесь материалом с коллегами:


C:\Users\светлана\Desktop\D48DFF255CDC6AF0.jpg







Ҡайтып төштөм тағы ауылыма ...

(шағир Ф.Ғабдрәхим менән осрашыу сценарийы)









Төҙөүселәр:

Иҫке Боғаҙы урта дөйөм

белем биреү мәктәбе

уҡытыусылары

Вәлиева Р.Р

Файрушина Р.Р.

Баймөхәмәтова Л.А.



Бүздәк 2015

Ҡайтып төштөм тағы ауылыма ...

Видеоролик ҡабыҙыла, талғын ғына көй ( «Бер алманы бишкә бүләйек”)

Алып барыусы:

Ҡайтып төштөм тағы: ауылымдан

Өҙөлмәгән әле тамырҙар.

Өҙөлһәләр, һуңғы көнөмәсә

Үҙәк өҙгөс өндәр яңғырар.

Иң беренсе йәшем бында тамған,

Нығып етте бында быуыным.

Яҙмыш йөктәренән һынмаҫ өсөн,

Бында ҡыҙҙым, бында һыуындым.

Йәшәһәм дә күптән ҡалала мин,

Күңел тарта ауыл яғына.

Уның бөтөн ғөрөф-ғәҙәттәре

Сабый саҡтан һеңгән ҡаныма.

Хөрмәтле уҡыусылар, килгән ҡунаҡтар! Бөгөн беҙ аҡ ҡайындар, тәмле һыулы шишмәләргә бай булған Арслан ауылында тыуып үҫкән яҡташ шағирыбыҙ Фәрит Ибраһим улы Ғабдрәхимов, уның тормош иптәше Ғәмбәриә апа менән осрашыуға йыйылғанбыҙ. Шулай уҡ ҡунаҡҡа “Өмөт” гәзите журналисы Алһыу Төхвәтуллина, мәғариф бүлеге Зөһрә Наил ҡыҙы Хәжиәхмәтова, Арслан ауыл советы етәксеһе Вәкил Кашфулла улы Хафизов килгән.

Йыр (2-4кл)

1-се шиғыр һөйләүсе “Зур иде” шиғырының 3куплетын яттан һөйләй

Алып барыусы: Шиғырҙан аңлауыбыҙса, Фәрит Ибраһим улы ишле, күп балалы ғаиләлә 1933 йылда донъяға килә. Һәр балала булған шаянлыҡ, донъяға ҡыҙыҡһыныусанлыҡ уны ла ситләп үтмәгән. Фәрит Ибраһимович, бала саҡ, мәктәп хәтирәләрен әҙерәк һөйләп ишеттерегеҙ әле.

Ф.Ғабдрахимовҡа һүҙ бирелә.

Кәримова Миләүшә башҡарыуында татар бейеүе.

Алып барыусы:

Йәшлегем ҡанат нығытты

Бейеп торған аттарҙа.

Шуға микән атта еләм

Йәшлек ҡалған яҡтарға- тип яҙғайны Фәрит ағай бер шиғырында. Ялҡынлы йәшлек йылдарығыҙ хаҡында нимә әйтә алаһығыҙ? Студент саҡтарығыҙ ниндәй хәтирәләр һаҡлай?



Ф.Ғабдрахимовҡа һүҙ бирелә.



Алып барыусы: Шиғыр ул – шағирҙың рух биографияһы, тормошто таныу һәм ҡабул итеү көҙгөһө. Шуға күрә, шиғырҙар уларҙы ижад иткән шағирҙың үҙенә оҡшап торалар.

2-се класс уҡыусылары шиғыр һөйләй.



Алып барыусы Фәрит ағай Ғәбдрәхимов шиғырҙары ла уның үҙе кеүек, башлап уҡығанда сабыр, ашығып-сәслеп бармайҙар. Фәрит ағай менән әңгәмәләшкәндә лә ул сабырлыҡ, итәғәтлелек көҙгөһө. Әммә ләкин яҙыусыны яҡындан белгәс, уның эсендә ниндәй ут дөрләүен, әкрен генә һүҙҙәре артында никәҙәр тәрән фекерҙәр ҡайнар тойғолар ятыуын аңлайһың. Фәрит Ғабдрәхим яҙыусы булараҡ нимә хаҡында фекер йөрөтә, уның уйланыуҙары нимә хаҡында һуң?

Ф.Ғабдрахимовҡа һүҙ бирелә.

Алып барыусы: Фәрит Ибраһим улының шиғырҙарын берләштерә торған төп мотив – кеше һәм тыуған ер. Шағир кешенең тормоштағы, үҙ заманындағы һәм быуындар сылбырындағы урынын барлап ҡына ҡалмай, уны тормоштоң актив ижадсыһы,азатлыҡ өсөн көрәшеүсе шәхес итеп тә һүрәтләй . “ Бик күп бирҙе миңә тыуған яҡ, ауылдаштарым, һәр кемдең күңел байлығы була. Әгәр миндә аҙмы-күпме шул байлыҡ бар икән, ул тыуған яғым хазинаһы тип иҫәпләйем.”- ти Фәрит ағай.

Яҙыусының шиғырҙарын яттан һөйләү. (“Туган жир сандугачлары”, “Аһ”, “Ак булса да”)

Алып барыусы: (“Алыштыра бер һүҙ” шиғырын уҡый) был шиғырҙы Фәрит ағай үҙенең тормош иптәшенә бағышлаған. Ғәмбәриә апа яҙыусының тормош иптәше булыу еңелме?



Алып барыусы: Фәрит Ибраһим улының хеҙмәт юлы 1965 йылда Туймазы районының “Ленин юлы” тигән район гәзитендә башлана. Ошо дәүерҙәрҙә әҙип тең күп кенә әҫәрҙәре донъя күрә, улар 7 йыйынтыҡҡа йыйыла. Ш рус, сыуаш,украин, немец телләрендә тәржемә ителеп баҫыла. 1969-1994 йылдарҙа ул “Ҡыҙыл таң” гәзитенең әҙәби хеҙмәткәре булып эшләй. Бөгөн беҙҙә ҡунаҡта “Өмет” гәзите журналисы Алһыу Төхвәтуллина. Ул да Фәрит Ибраһимовичтың ижады менән ныҡ ҡыҙыҡһына. Рәхим итегеҙ.

Журналист А.Төхвәтуллинаға һүҙ бирелә.

Алып барыусы: Беҙҙең өсөн Фәрит Ғабрәхим – ҡәләм оҫтаһы, күренекле шағыр булараҡ билдәле. Ә бына уның менән бер мәктәптә уҡыған,бер сәхнәләрҙә сығыш яһаған дуҫтары уның хаҡында нимә әйтер икән? Шәйхәйдәр, Рәшит абый рәхим итегеҙ.

Алып барыусы:

Тағын ҡайттым ауылыма.

Үҙгәрештәр күп төрлө.

Ә үҙгәрһә – ғәжәпме ни:

Ул иҫән бит, ул тере.

Уттар балҡып тора. Газ, һыу...

Ауылдың һәр өйөндә.

Сабаталы сағын беләм,

Бөгөнгөһөнә һөйөнәм.

Ваҡыт алға аға, заманалар үҙгәреп тора. “Заман башҡа- заң башҡа” тиҙәр, ә шулай ҙа ауыл бөгөн нисек йәшәй, уның тын алышы нисегерәк һуң? Вәкил Кәшфуллич рәхим итегеҙ.


Алып барыусы: быйыл Фәрит Ибрагимовичтың оло юбилейы – уға 80 йәш тулды. Юбилейығыҙ менән һеҙҙе ихлас күңелдән ҡайнар ҡотлайбыҙ, һеҙгә сәләмәтлек, бөтмәҫ-төкәнмәҫ ижады уңыштар, үрҙәр теләйбеҙ.(Бүләктәр тапшырыу) Шуның менән кисәбеҙ тамам, иғтибарығыҙ өсөн ҙур рәхмәт!



Иҫтәлеккә фотоға төшөү.

Выберите курс повышения квалификации со скидкой 50%:

Автор
Дата добавления 14.10.2015
Раздел Другое
Подраздел Конспекты
Просмотров126
Номер материала ДВ-060650
Получить свидетельство о публикации

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх