Внеурочное занятие "Лес- наше богатство"

Вăрман - çут çанталăк пуянлăхĕ, çавăнпа та ăна упрар!

Тĕллевсем: 1) вăрман пĕлтерĕшне тĕплĕнрех уçса парасси; 2) вăрман илемне туйма вĕрентесси, унăн тусĕ пулма йыхравласси; 3) вăрман ҫинчен калакан кěнекесемпе паллаштарасси.

Кирлĕ хатĕрсем: компьютер, мультимедиа проектор; «Вăрмана упрар!» плакат, йывăç  мĕлкисем; чĕрĕп, тилĕ, чакак тумĕсем; «Вăрмана сыхлас» ярăмри паллăсем(запрещающие знаки).

Урок йĕрки

1.     Урок теми патне илсе пырасси

- Эп тупмалли юмахсем вулатăп. (Доска хыçĕнче ÿкерчĕксем-тупсăмěсем)

1)    Хÿри тукмак, шăлĕ шак-шак!(кашкăр)

2)    Хĕрлĕ хĕрлемес хир чăххине хĕрхенмест.(тилĕ)

3)    Пĕчĕк пичче çăра йĕп витĕнет. (чĕрĕп)

4)    Пĕчĕкскер хитрескер – çĕр мăкăртса тухнăскер. (кăмпа)

         5)Пурăнать вăл 300 çул, вулли çирĕп, пиçĕ ун

Унран пичке тăваççĕ, йĕкел тавраш пухаççĕ. (юман)

 - Мĕн пĕрлештерет çак япаласене?   (Ачасен хуравĕ)

- Чăнах та, вăрман пĕрлештерет вĕсене.

2.     Урок темипе тĕллевĕсемпе паллаштарасси

-Паян эпир вăрман çинчен аса илĕпĕр, çĕнни те пĕлĕпĕр, ăна упрасси çинчен те калаçăпăр.

    3. Темăпа ĕçлесси

1)Ыйтусемпе ĕçлесси

- Мĕн вăл вăрман? (Ачасем хуравлаççĕ)

- Вăл çынна мĕн парать? (Ачасем хуравлаççĕ)

2) Учитель каласа пани

- Вăрман йывăç парать, тавралăха тасамарлăхран тасатать. Унта тĕрлĕ кайăк-кĕшĕк, йышлă чĕр чун пурăнать. Вăрман хăйне май лаборатори. Вăл çĕр çинчи мĕнпур кислородăн 60% туса кăларать. Вăрманта уçăлса çÿрени çын кăмăлне уçать, тăван çĕре юратма вĕрентет.

3) «Вăрмана экскурсие» презентаципе ĕçлесси

-Малалла вăрман илемĕпе пуянлăхне презентаци пăхса çирĕплетĕпĕр.(1-мĕш слайд)

- Пирĕн республика вăрманпа пуян.(2-мĕш слайд) Сирĕн умра карта. Симĕс тĕспе палăртнă вырăнсем – вăрмансем. Вĕсем пĕтĕм территорин 1\3 –мĕш пайне йышăнаççĕ (662 гектар). Эпир Вăрнар тăрăхĕнче пурăнатпăр. (3-мĕш слайд) Пирĕн поселенинчи ялсем: Ершепуç, Отиккăвă, Кÿстÿмěр вăрман хĕрринче, Авруй вара вăрман варринче вырнаçнă.

- Хамăр тăрăхра ÿкернĕ сăнсене пăхса илер-ха(4,5-мĕш слайдсем)

- Вăрманта мĕнле йывăçсем ÿсеççĕ? (Ачасем хуравлаççĕ) (6-мĕш слайд) -Кунта пăхса йывăçсене аса илер-ха.

- Ку слайд çинче чăвашсен мĕнле йывăçĕ çук? (Ачасем хуравлаççĕ)

- Юман. Юман -  чăваш халăхĕ уйрăмах питĕ пысăк вырăна хуракан йывăç. Вăл питĕ çирĕп, патвар çитĕнекен йывăç.Унран ăсталакан сĕтел-пукан та çирĕп пулать. Ĕлĕкхи чăвашсем ачисене те Юман тесе ят пама пултарнă. Чăваш енре чи пысăк юман вара 480 çула çитнĕ. Вăл Муркаш районĕнче Ильинка патĕнче çитĕннĕ. Сăнар- ха ăна. (Ӱкерчěк пăхаҫҫě.)

4) Кану саманчĕ

Юман паттăр эп пулатăп, физзарядка эп тăватăп.

Пěрре, иккě утмалла, унтан чупса пăхмалла.

- Вăрман тата мĕнпе пуян? (Ачасем хуравлаççĕ)

(8-10-мĕш слайдсене пăхса тухса чĕр чунсен, кăмпасен вырăсла-чăвашла ячĕсене аса илеççĕ)

5)Пĕтĕмлетÿ тăвасси

Вăрман – чăнах та, пирĕн пуянлăх. Вăрман пек пуянни, уй пек асли çук тенĕ ватăсем. Вăрмансăр пурăнма май çук. Апла ăна упрамалла. Вăрман çинчен нумай пĕлмелле. Библиотекăран  кĕнекесем илсе вулама пултаратăр. Пирěн библиотекăра «Вăрман пурнăҫě», «Чарусăр мечĕк», «Пăшăлтисем», «Вăрман шкулĕ» кěнекесем пур. (Вěрентекен кěнекесене кăтартать.)

6)Паллăсем пухасси

- Мĕн тума юрамасть-ши вăрманта? Ǎна эпир уйрăм паллăсем пухса çирĕплетĕпĕр. (Ачасене паллăсен пайĕсене панă. Вĕсен тĕрĕс шыраса тупмалла. Ĕçе мăшăрпа пурнăçлаççĕ. Кашни ача пухнă паллăсем мĕне пĕлтернине ăнлантарать.)

7) Ушкăнпа ĕçлесси

 ( Ачасем пухнă паллăсене пĕрле пухăнса пысăк хут çине çыпăçтараççĕ.)

8) «Вăрман пулăшу ыйтать» инсценировкăна лартасси

(2009 çулхи 6-мĕш номерти «Тетте» журналти «Вăрман пулăшу ыйтать» инсценировкăна лартаççĕ.)

9) Инсценировка тăрăх пĕтĕмлетÿ тăвасси

- Вăрман пушăлла ямасть тенĕ ватăсем. Паян пурне те вăрман кучченеçĕ.  (Якур пичче ачасене мăйăр парса тухать.)

  4.Урок тăрăх пĕтĕмлетÿ тăвасси

- Паянхи урок сире кăмăла кайрĕ-и? (Ачасем хуравлаççĕ)