Воспитательная работа "Рәміздер- тәуелсіздік белгісі"

Тақырыбы: «Рәміздер –тәуелсіздік белгісі»

Мақсаты:

Қ.Р мемлекеттік рәміздерін, оның құрылу тарихын, мәні мен рөлін зерделету,қоғамның рухани бірлігі мен сабақтастығын нығайту, ҚР рәміздерін  қастерлеу рухына тәрбиелеу.

Көрнекілігі: ҚР рәміздері, буклеттер, нақыл сөздер,авторлар суреті, шарлар, плакаттар,слайд.

Түрі: саяхат сабақ

Жүрісі: Ұйымдастыру кезеңі.

Рәміздер еліне саяхатқа шығатынын хабалау.

Сурет дәптер,түрлі-түсті қарындаш,қаламдарын дайындау.

Мақсатымен таныстыру:

Рәміздер елінен көп  мағлұматтар әкелу,олар туралы,авторлары,жасалу тарихы т.б қызықты мәліметтер жинауымыз керек.

                                      Әнұран орындау

Шекара бекеті. Шекарашы:

1.Отаның қалай аталады?

2.Мемлекетіңнің президенті кім?

3.Оның астанасы қалай аталады?

4.Ата Заңдарың бар ма? Ол қашан қабылданды?

5.Сен тұратын облыс қалай аталады?

6.Отан туралы мақал айт.

Рәміздер еліне кірді. Мағлұмат беру.

Бүгін  біздің  еліміз –бүкіл әлем қауымдастығы мойындап отырған  тәуелсіз,егемен мемлекет. Әр мемлекеттің өз заңы, өз президенті,өз рәміздері бар.

Рәміз дегеніміз-түрлі заттар мен ұғымдардың бірлесуі. Біз белгілер әлемінде өмір сүреміз:бағдаршамның үш көзі  қозғалысқа назар аударуды,онығ алғашы мен соңын бейнелесе, жолаушылар көлігі нақты бағытты көрсетеді.

Қандай да бір мемлекет болмасын,оның алғашқы қадамы өзтуы, елтаңбасы, әнұранынан басталуы керек. Бұл олардың ел тәуелсіздігі мен егемендігінің белгісі болып табылады.

Президент  Н. Назарбаевтың  мемлекеттің жаңа рәміздерін қабылдауға  ерекше мән беруі де соған байланысты.

Рәміздер  мемлекеті үш аймақтан тұрады:

«Әнұран» елі, «Елтаңба» елі, «Ту» елі.

Осы үш ауылға сапарымызды жалғастырайық.

Әнұран елі. Осы елдің әнші-сазгерлерімен танысу.

Әнұранның сөзін жазған: Ж. Нәжімеденов,Н.Назарбаев,

Әнін жазған: Ш.Қалдаяқов.

Елтаңба елі: бұл елдің суретшілерімен танысайық:

Қонақ  кәде ретінде өлеңімізді айтайық:

                                                               Елтаңба

Қатар шапқан қос тұлпар,

Ай астында қазақ үй.

Қалықтаған жас сұңқар,

Шарықтаған таза күй

Бұл- таңбасы елімнің

Мұнда да бар ерлігім

Қара шаңырақ- ел күні

Асқақтатып тұр мұны-

Елтаңбасы –елдігім,

Елдің тыныш тірлігі

Ту елі.    Ту еліне келдік

Бұл елдің суретшісі:  Мемлекеттік Тудың авторы- суретші, еліне еңбегі сіңген өнер қайраткері Шәкен Оңласынұлы Ниязбеков.(ту туралы мағлұмат беру)

Біздің ту

Айнымайды аспаннан

Біздің тудың бояуы

Оны халық қашанда

Биікке іліп қояды

Көк аспанда-алтын күн

Көк аспанда жас қыран

Естілгендей біздің үн

 Сол ғарыштың астынан

Шекара бекеті.

Шекарашы: -Балалар  естеріңде болсын! ҚР-ның азаматтары, сонымен қатар ҚР-ның аймағында жүрген адамдардың барлығы ҚР-ның мемлекеттік Туын,Елтаңбасының,гимнін құрметтеуге міндетті.

      Қр-ның мемлекеттік Туын,Елтаңбасын,Гимнін қорлауда  кінәлі болған  адамдарға ел аумағында қолданылып жүрген заңдарына сәйкес жауапкершілікке тартылды.

Топтық жарыс.

Топ басшылары сайысады (Сұрақтар қою)

Сөзжұмбақ шешу.

Қорытынды:

Туған жердің киесі мен қадірін әр азамат жүрегімен сезініп аялап, ұлтқа, елге, Отанға деген  ыстық сүйіспеншілікпен бағалап,тәуелсіз ел  екендігімізді көрсетіп,мемлекеттік рәміздерді қастерлей білейік!