Ұйымдастырыған оқу іс әрекеті. Тіл дамыту. "Менің отаным Қазақстан"

«Балдырған» естияр тобының ашық ұйымдастырылған оқу әрекетінің технологиялық картасы

Білім беру аласы: Қатынас

Бөлімі: Тіл дамыту     

Тақырыбы: Менің Отаным – Қазақстан!

Мақсаты:

Білімділік: Балалардың өз Отандары туралы, мемлекеттік рәміздері, елбасы туралы түсініктерін кеңейту. Балалардың тыңдау және сөзді түсіну, әңгімелесе білу, сұраққа жауап беру және сұрау іскерліктерін қалыптастыру.

Дамытушылық: дыбыс артикулияциясын және сөздерді дұрыс байланыстырып сөйлеулерін дамыту.

Тәрбиелік: Отанға деген сүйіспеншіліктерін арттыру, патриоттық сезімдерін ояту.

Қолданылатын көрнекіліктер: рәміздердің суреті, елбасының суреті, аудио және видео материалдар.

Үштілділік компоненті: Отан – Родина – motherland.

Оқу әрекетініңкезеңдері	Педагогтің іс-әрекеті	Балалардың іс-әрекеті
Мотивациялық-қозғаушылық	Шаттық шеңбері: Үлкенге де сіз, Кішіге де сіз, Бас иеміз сіздерге Құрметпенен біз!	Балалар шеңбер болып тұрады. Бір-біріне әдемі сөздер айтуға тырысады.
Ұйымдастырушылық - ізденістік	-         Балалар, қазір жылдың қай мезгілі? -         Күз мезгілінде қандай өзгерістер болады? -         Балалар, біз қай мемлекетте өмір сүріп жатырмыз? -         Дұрыс айтасыңдар, балалар, Біздің Отанымыз – Қазақстан! -         Балалар, сендер біздің елорламыз қай қала екенін білесіңдер ме? -         Дұрыс айтасыңдар, ал біз қай қалада тұрамыз? -         Сендер қай балабақшаға келесіңдер? -         Ал, балалар сендер біздің мемлекетіміздің президенті кім екенін білесіңдер ме? -         Бұл кісі балалар, Нұрсұлтан Әбішұлы Назарбаев. Н. Назарбаев Біздің Қазақстан Республикасының тұңғыш президенті, Қазақстан мемлекетінің құрылуына зор үлесін қосқан жандардың бірі. Сергіту сәті: Дөңгеленіп тұрайық,  Керегені құрайық.  Уықтарша иіліп,  Қазақ үйді құрайық.  Топқа батыр кіреді, балалармен амандасады: Батыр: Сәлеметсіңдер ме, балалар! -         Сәлеметсіз бе, төрлетіңіз! Батыр: Рахмет, балалар, сендер менің кім екенімді білесіңдер ме? Батыр: Дұрыс таптыңдар, балалар. Біз батырлар осынау ұлан байтақ жерді сендерге аманат етіп қалдырдық. Балалар, қане айтыңдаршы, сендер қай мемлекетте өмір сүріп жатырсыңдар? Батыр:Тамаша, балалар, сендер өте ақылды екенсіңдер. Батыр: Балалар, сендердің маған көмектерің керек. Мен мынандай бір зат тауып алдым оның ішінен дауыстар естіледі, ол не дауыстар екенін білгім келіп тұр. -         Қане бұны біздің ноутбугымызға салып көрейікші? (мемлекеттік рәміздер туралы видео). (Мультфильмде ту туралы өлең оқылады) -         Балалар, қане бізде өлеңді жаттап алайықшы. Желбірейді жалындап, Қазақстан байрағы. Көкте қыран қалықтап, Қанат қағып барады. Батыр: Керемет, қандай қызықты мультфильм! -         Балалар, мультфильм не туралы? -         Қандай мемлекеттік рәміздер бар екен? -         Тудың түсі қандай? Батыр: Балалар, сендер қандай ақылды, зерексіңдер! Мүмкін сендер Отан туралы тақпақтарды да білетін шығарсыңдар? Отан туралы тақпақтар. Мақал – мәтел: Отан- оттан да ыстық. Отан- отбасынан басталады. Батыр: Балалар, сендерге үлкен рахмет! Сендермен танысқаныма өте қуаныштымын! Енді сендермен қоштасатын уақыт жетті. Сау болыңдар, балалар!	-         Жыл мезгілі күз. -Күз мезгілінде күн суытады, жапырақтар сарғайып түседі, құстар жылы жаққа ұшып кетеді, т.б. - Біз Қазақстан мемлекетінде өмір сүреміз. - Біздің ел ордамыз Астана қаласы. -         Біз Семей қаласында тұрамыз. -         «Айналайын» бала бақшасына келеміз. -         Ия, Нұрсұлтан Әбішұлы Назарбаев. Өлең мазмұнына сәйкес қимылдар жасайды. -         Сәлеметсіз бе! -         Ия, сіз батырсыз. -         Біздің Отанымыз – Қазақстан! Видеоны мұқият тамашалайды. -         Мемелекеттік рәміздер туралы. -         Ту, елтаңба, Әнұран. -         Тудың түсі көк. Ия, білеміз. Әлижан: Туған елім, гүл елім, Қасиетіңді білемін. Өзіңе деп жүремін, Лүпілдеген жүрегім. -         Сау болыңыз!
Рефлексиялық – түзетуші	Ойын «Кім жылдам?» Ойын Шарты: Балаларға сұрақтар қойылады. Кім бірінші жауап береді сол балаға смайл беріледі. Кім көп смайл жинаса сол бала жеңіске жетеді. Сұрақтар: -         Біз қай мемелекетте өмір сүріп жатырмыз? -         Елбасымыз кім? -         Еліміздің астанасы қай қала? -         Біз қай қалада тұрамыз? -         Мемлекеттік рәміздерге нелер жатады? -         Тудың түсі қандай? -         Онда нелер бейнеленген? Қорытынды сұрақтар. -         Балалар, біз бүгін не туралы әңгімелестік? -         Бізге қонаққа кім келді? -         Мемлекеттік рәміздерге нелер жатады екен? «Отаным» әні Балаларды мадақтау.	Ойын шартын бұзбай орындайды. Сұрақтарға жауап береді.

Күтілетін нәтиже:

Біледі: Мемлекеттік рәміздер, елбасы, Қазақстан Республикасы туралы біледі;

Игереді: тыңдау және сөзді түсіну, әңгімелесе білу, сұраққа жауап беру және сұрау іскерліктерін;

Меңгереді: дыбыс артикулияциясын және сөздерді дұрыс байланыстырып сөйлеуді.

Шығыс Қазақстан облысы Семей қаласының

«Айналайын» мектепке дейінгі шағын орталығы

 

«Балдырған» естияр тобында ұйымдастырылған

ашық  оқу – іс әрекетінің технологиялық картасы

Білім беру саласы:  «Қатынас»

Бөлімі:  Тіл дамыту

Тақырыбы:  «Менің Отаным – Қазақстан!»

(12.11.2015)

Өткізген: «Балдырған» естияр тобының

тәрбиешісі Өмірзақ Ұ. Ұ.

Семей 2015