Заданні па тэме “Змяненне і ўтварэнне слоў”

Заданні па тэме “Змяненне і ўтварэнне слоў”

1. Знайдзі пятае “лішняе”:

Горад, гарады, гарадскі, гораду, горадам.

Белізна, белы, бель, беллю, бяляк.

Бярэзнік, бярэзіна, бярэзіны, бярэзіне, бярэзінай.

Цёмнага, цёмнае, цёмная, цёмныя, цёмна.

Вяду, вядзеш, вёў, вядуць, завядзе.

2. Выпішыце формы аднаго і таго ж слова ў адзін слупок, а аднакаранёвы словы – у другі:

Шчасце – шчаслівы, спяваю – спяваеш, школа – школьны, каса – касою, каса – касіць

3. Гульня “Хто больш?”

Да прапанаваных слоў падбярыце як мага больш аднакаранёвых (па варыянтах):

1 варыянт: дружба

2 варыянт: мір

4. Падбярыце і запішыце з коранем лес- (ляс-) словы са значэннем:

1) казачная істота, якая жыве ў лесе; 2) даглядчык, вартаўнік лесу;

3) рабочы, які займаецца рубкай, валкай лесу; 4) хата лесніка і яго сям’і.

5. Складзіце і запішыце невялікі тэкст на тэму “Надыход зімы”, выкарыстоўваючы граматычныя формы аднаго і таго ж слова і аднакаранёвыя словы.

Казка-задачка

1.   Заплюшчыце  вочы і ўявіце сабе такую карціну:

Як толькі гара ўзышла з-за сонца, ложак устаў са свайго шырокага дзядзькі. Ён абуў ногі на боты, надзеў галаву на шапку і адчыніў хату дзвярэй.

– Глядзі ты, як дождж намок ад зямлі,- здзіўлена сказаў вус, накручваючы дзядзьку. І ён шпаркім дваром пайшоў па кроку, каб выгнаць хлеў з каровы. Выгнаў і кажа:

– Ты, луг, ідзе пасвіцца ў зялёнай карове, а я схаджу ў дровы, каб прынесці лесу.

2. Ну, як вам такая карціна? Як пасля землятрасення. Давайце паставім кожнае слова на месца, змяніўшы канчаткі, калі гэтага патрабуе сэнс.