Аан дойду наукатыгар сахатын норуотун
ааттаппыт,сахаттан бастакы Россия Наукаларын Академиятын академига,ирбэт
тоҥноох Сахабыт сиригэр наука модун ситиһиилэрин олоххо киллэриигэ дьулуһан
үлэлээбит киэн туттар биир дойдулаахпыт,Саха Республикатын уонна Дьокуускай
куорат,Мэҥэ-Хаҥалас уонна маҥнайгы Тыыллыма нэһилиэгин бочуоттаах гражданина
Владимир Петрович Ларионов сырдык кэриэһигэр.
Раиса Захаровна Егорова суруйуутугар “Төлкө төрдө».
Елена Васильевна Чичахова сцена5а туруорда
Оонньуур дьоно:
Оҕонньор Андреев
П.К.
Эмээхсин
Ларионова Н.Д.
Уол
Алексеев П.П.
Кыра кыыс Колесова
Настя – 10 кылаас үөрэнээччитэ
Колхоз председателэ Дайбанныров А.П
1-кы киһи Ларионов И.С.
2-ис киһи
Игнатьев К.С.
1-кы дьахтар Павлова
Н.Н.
2-ис дьахтар Дьячковская В.В.
Хоһоон ааҕар оҕолор: 1.Андреев Саша-11
кылаас үөрэнээччитэ
2.Иванов Валентин- 3 кылаас үөрэнээччитэ
3.Назаров Ньургун – 11 кылаас үөрэнээччитэ
4.Протопопов Илья – 9 кылаас үөрэнээччитэ
5.Степанов Афоня – 9 кылаас үөрэнээччитэ
6.Федорова Диана – 9 кылаас үөрэнээччитэ
Күһүҥҥү кэм.Борустуой саха ыалын
дьиэтэ.Дьиэҕэ оҕонньор,эмээхсин, уол.Остуол тардыллыбыт
Оҕонньор:(сотору-сотору түннүгүнэн көрөр)
Оо,эмээхсиэн,дьоммут иһэллэр,хайа остуолбут бэлэм дуо?Чэйбит сойбото ини.
Эмээхсин:Бээ эрэ,бу да оҕонньор омун-төлөн
буолаҥҥын,аргыый буол.Кэлбит дьоннор киириэхтэрэ буоллаҕа дии.Сылабаар саҥа
оргуйан итии турар.Тоойуом ыл ыалдьыттары көрүс эрэ,мин эппин хоторуом.(Эти
остуолга уурар)
Уол:Маамам уонна тээтэм,миигин наһаа өр
буола баран эрэр киһи курдук санаан олус түбүгүрэн эрэҕит,хайдах.Эһиги
үчүгэйдик олордоргут мин 5 сылынан үөрэх бүтэрэн кэлиэм этэ буоллаҕа дии(ааны
тоҥсуйаллар) киирин,баһаалыста киирин,ыалдьыт буолун.(Ыалдьыттар
киирэллэр.Колхоз председателэ,дьиэлээхтэр аймахтара,табаарыстара)
Колхоз председателэ:Дьиэлээхтэр
дорооболоруҥ.Бүгүн Майаҕа райсовет сессията буолан чуут хойутуу сыстым.Будущай
москвичка оһуобай дорообо.(Илии тутуһан дорооболоһоллор)
Оҕонньор:Дьэ эрэ,ыалдьыттар бука бары
дорооболоруҥ.Оҕонньордоох-эмээхсин ыҥырбыттарын ылынан кэлбиккитигэр
үөрэбит,остуолга киирэргитигэр ыҥырабын.(ыалдьыттар бары остуолга
олороллор,эмээхсин чэй кутар)
Эмээхсин:Кырдьан баран төрөппүт уолбут
10(уон)кылааһы бүтэрэн,аны 5 сыл үөрэнэ Москуба куоракка барабын диир,биһиги
биирбит 80-на,биирбит 70-на буолан эрэр дьон ол дойдуларыгар санаан санаабыт
тиийбэт дойдута буоллаҕа,ону ити оҕобут онно эрэ баран хайаан да үөрэниэхпин
наада диир.
Оҕонньор:Ону бу колхозпут бырабылыанньата
Мэхээлэ Миитэрэйэбис куоракка киирэн улахан тойоттору кытары кэпсэтэн
быһааттарбыт.Ол иһин,бу оҕобутун Москуба курдук ыраах сиргэ атаарар остуолбутугар
эһигини ыҥырабыт,онон биһигини кытары чэйдэһин.
Колхоз председателэ:Дьэ,кырдьык,бу уолбут
Болуодьа 10 кылааһы үөрэнэн,наар 5 сыана5а үөрэнэн,оскуоланы кыһыл көмүс
мэтээллээх бүтэрдэ.Баҕарбыт барыта мэтээли ылар гына үөрэммэт,олохпут сайдарын
курдук,үөрэхпит да ыараан иһэрбуоллаҕа.Онон,бу,бэйэбит оҕобут Болуодьа салгыы
үөрэниэн наада,бэйэтин баҕатынан инженер үөрэҕэр барар буолла
Эмээхсин:Ол аата,туох үөрэх эбитэ
буолла,учуутал буолара дуу,оннук үөрэх манна биһиги да куораппытыгар баар
курдук кэпсииллэр этэ.
Колхоз председателэ:Болуодьа,үөрэҕин
бүтэрдэҕинэ массыынаны оҥорор,массыынаны айар үлэһит буолуохтаах,оччоҕуна
собуокка,фабирикаҕа үлэлиир киһи буолуохтаах.
1-кы киһи:Оччо5о,биһиэхэ колхозка кэлиэ
суох дуу?
Колхоз председателэ:Суох,манна кэлбэт.Ыччаттарбытын
барыларын хайдах биир сиргэ хаайан,ынах кутуругун манатан
олоруохпутуй.Үөрэнэн,үлэһит буолан Саха сирин инникитин сайыннарар дьон буолуох
этилэр,онон инникитин дойдубутун салайар үөрэхтээх дьоннор наадалар.Ол инниттэн
киин сиргэ,үрдүк үөрэххэ үөрэнэллэрэ наада.
2-ис киһи:Ээ,дьэ,ыраах сир.Киһи санаата
да,барбат-кэлбэт дойдута буолуо.
Колхоз председателэ:Кырдьык ыраах сир.Ити
өйдөнөр.Манна дьоммут да кырдьаҕастар.Ону өйдүү-өйдүү бу уолу үөрэххэ ыытан
эрэбит.Манна олохтоох дьон,оҕонньордоох-эмээхсиҥҥэ туох кыалларынан
кыһалҕаларыгар көмөлөһө олоруохпут буоллаҕа дии,кылаабынайа ыалдьыбакка
олоруохтарын наада.Хайа, уонна сотору улахан сиэн уолаттар Ньукулайдаах,Карл
армияттан иэстэрин төлеен кэлиэхтэрэ буоллаҕа дии.
1-кы дьахтар:Ол уолаттар кэлэ охсон,кэргэн
ылан,ыал буола охсоллоро буоллар,о5онньордоох-эмээхсини көрүөхтэрэ этэ.
2-ис дьахтар:Ээ,дьэ ити дьүөгэм саамай
сөпкө этэҕин.Улахан уолаттар ыал буола охсоллоро наада.
Колхоз председателэ:(күлэ-күлэ)Ити сөпкө
этэҕит.Ону да дьаһайыахпыт,нэһилиэккэ билигин ыччат элбэх,үчүгэй кыргыттар да
бааллар.(Бары күлэллэр,сэргэхсийэллэр)
Оставьте свой комментарий
Авторизуйтесь, чтобы задавать вопросы.